Bıylǵy 23 qańtardan beri 1900-den astam jer silkinisi tirkeldi

ASTANA. KAZINFORM - QR TJM Seısmologııalyq baıqaý jáne zertteýler ulttyq ǵylymı ortalyǵy 23 qańtardan bastap Qazaqstan aýmaǵynda 1900-den astam jer silkinisin tirkedi, onyń 11-i sezildi.

Seısmıkalyq belsendilik Qytaı men Qyrǵyzstan shekarasynda bolǵan qatty jer silkinisine baılanysty, onyń seısmıkalyq tolqyndary jaqyn mańdaǵy elderdiń, sonyń ishinde Qazaqstannyń aýmaǵyna tarady.

«Ádette, mundaı qarqyndylyqtaǵy jer silkinisterinen keıin kóptegen aftershoktar oryn alady, bul áli de baıqalady. Bul protsestiń qansha ýaqytqa sozylatyny kóptegen faktorlarǵa, sonyń ishinde jer silkinisiniń epıortalyǵy ornalasqan aımaqtyń seısmıkasyna jáne jer jaǵdaıyna baılanysty.

Birte-birte seısmıkalyq belsendirý protsesi álsireıdi jáne ol qalypty rejımge oralady», — dep jazdy ortalyqtan.

TJM daǵdarys jaǵdaılardaǵy basqarý ortalyǵynyń bazasynda respýblıkalyq jedel shtabtyń jumysy jalǵasýda. Tirshilikti qamtamasyz etý obektileri, kólik jáne óndiristik obektiler shtattyq rejımde jumys isteıdi. Jaǵdaı turaqty.

«Azamattarǵa sabyr saqtap, dúrbeleńge berilmeýge keńes beremiz. Jer silkinisi kezindegi qaýipsizdik sharalaryn este saqtańyzdar.

Eger siz ǵımarattardyń joǵarǵy qabattarynda bolsańyz, onda dúmpý toqtaǵansha turyńyz, aldyńǵy esikti aldyn ala ashyńyz, bólmedegi eń qaýipsiz orynǵa baryp turyńyz: tirek arqalyqtyń astynda, esikter nemese negizgi qabyrǵalardyń buryshtaryna, tirek baǵanasyna jaqyn turmańyz, terezelerden, aýyr zattardan jáne jıhazdan alys turyńyz. Siz ústeldiń astyna tyǵyla alasyz nemese vanna bólmesine panalaı alasyz.

Jer silkinisi kezinde lıft pen baspaldaqty paıdalanýǵa bolmaıdy. Dúmpý toqtaǵansha kútińiz, sodan keıin ǵana syrtqa shyǵyńyz», — delingen TJM málimetinde.

Kóshede ǵımarattardan, elektr jelilerinen, mańdaıshalardan, qorshaýlardan jáne t. b. alys ashyq alańda turý kerek.

Dári-dármekter, qajetti zattar, ónimder, qujattar, fonar, jyly zattar kiretin dabyl chemodanyn aldyn ala daıyndańyzdar.