23 qańtar. Tulǵalar týǵan kún

ASTANA. QazAqparat – Búgin, ıaǵnı 23 qańtar kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

61 jyl buryn (1962) Qurmanǵazy atyndaǵy Qazaq ulttyq konservatorııasy dombyra kafedrasynyń dotsenti, kúıshi-dombyrashy, Qazaqstannyń eńbek sińirgen ártisi Aıgúl Narımanqyzy ÚLKENBAEVA dúnıege keldi.

Atyraý oblysy Isataı aýdany Chapaev aýylynda týǵan. Almaty qalasyndaǵy mýzyka ýchılışesin (1981, pedagogi T. Bádilov), odan keıin Almaty memlekettik konservatorııasynyń (qazirgi Qazaq ulttyq konservatorııasy) halyq aspaptary fakýltetin (1986, professor A. Jaıymovtyń jetekshiligimen) bitirgen.

1989-1991 jyldary osy konservatorııanyń assıstentýra-stajırovkasynan ótti. Shyǵarmashylyq eńbek jolyn oqyp júrgen kezinen Qazaqtyń akademııalyq halyq aspaptar orkestri quramynda (1979-1989) dombyrashy bolýmen bastaǵan Úlkenbaeva solo-oryndaýshyǵa deıingi úzdik kásiptik-sheberlik bıigine kóterildi. Onyń repertýarynda halyq kúıleri («Aqsaq qulan», «El aırylǵan», t.b.), qazaqtyń halyq kompozıtorlary (Dáýletkereı, Dına Nurpeıisova, Qazanǵap, Qurmanǵazy, Mahambet, sondaı-aq mańǵystaýlyq kúıshiler: Esbaı, Esir, Qulshar, Óskenbaı, t.b.), osy zamanǵy kompozıtorlar (N. Tilendıevtiń «Aqqýy», A. Jaıymovtyń «Kúı anasy» men «Shalqymasy») shyǵarmalary men shet el klassıkalyq týyndylary bar.

1993 jyldan Qazaq ulttyq konservatorııasynda (2002 jyldan dotsent) jáne 2006 jyldan «Aıgúl Úlkenbaevanyń mektep-stýdııasynda» (ózi uıymdastyrǵan) ustazdyq qyzmetpen aınalysady.

52 jyl buryn (1971) Qazaqstan Respýblıkasy Prezıdenti janyndaǵy memlekettik basqarý akademııasy Dıplomatııa ınstıtýtynyń dırektory Marıan Asarqyzy ÁBІShEVA dúnıege keldi.

Shymkent qalasynda týǵan. Ál-Farabı atyndaǵy Qazaq ulttyq ýnıversıtetiniń fılosofııa bólimin bitirgen.

1995 jyldan – Almaty temirjol kóligi ınjenerleri ınstıtýtynda fılosofııa jáne áleýmettaný kafedrasynyń assıstenti. 1995-1996 jyldary – Almaty memlekettik medıtsına ınstıtýtynda qoǵamdyq pánder kafedrasynyń assıstenti. 1997-2005 jyldary – ál-Farabı atyndaǵy Qazaq ulttyq ýnıversıtetinde halyqaralyq baılanystar basqarmasynda І sanatty maman, halyqaralyq baılanystar bóliminiń jetekshi mamany, halyqaralyq ǵylymı-mádenı baılanystar bóliminiń bastyǵy. 2005 jylǵy aqpannan – QR Prezıdenti janyndaǵy Qazaqstan strategııalyq zertteýler ınstıtýtynda ǵalym-hatshy. 2005 jyldan QR Prezıdenti janyndaǵy Qazaqstan strategııalyq zertteýler ınstıtýty dırektorynyń ǵylym jónindegi orynbasary boldy. 2014-2015 jyldary QR Tuńǵysh Prezıdenti – Elbasy kitaphanasynyń halyqaralyq jáne ulttyq jobalar qyzmetiniń jetekshisi bolǵan.

2015 jyldan beri qazirgi qyzmetinde.

49 jyl buryn (1974) Shymkent qalasy ákiminiń orynbasary Maqsut Pernebaıuly Isahov dúnıege keldi.

Ońtústik Qazaqstan oblysynda (qazirgi Túrkistan oblysy) týǵan. Qazaq aýyl sharýashylyǵy ınstıtýtyn aýyl sharýashylyǵynyń ekonomıst-uıymdastyrýshy mamandyǵy (1996); D. Qonaev atyndaǵy Gýmanıtarlyq ınstıýtty zańger mamandyǵy boıynsha (1999) bitirgen.

Eńbek jolyn Ońtústik Qazaqstan oblysynda Іshki ister basqarmasynda qyzmetten bastaǵan (1996-2000). OQO keden basqarmasynda maman, bas maman (2000-2005); Almaty oblystyq «Dostyq» keden beketinde bas maman, bólim bastyǵynyń orynbasary (2005-2006); bólim basshysy (01.2006-06.2006) qyzmetterin atqardy. «Qazaqstan temir joly» AQ» «Jolaýshylar tasymaly» AQ kompanııalarynda túrli qyzmetter atqardy, fılıal dırektory boldy. Shyǵys Qazaqstan oblysy Óskemen qalasy ákimdigi apparaty basshysynyń orynbasary, qala ákiminiń orynbasary (2013-2014); QR Qarjy mınıstrligi memlekettik satyp alýlar komıteti tóraǵasynyń orynbasary (2014-2017); Almaty qalasy Jolaýshylar kóligi men avtomobıl joldary basqarmasynyń basshysy (2017-2018); Almaty qalasy energetıka jáne kommýnaldyq sharýashylyq basqarmasynyń basshysy ( 2018 jyldary); Qazaqstan Respýblıkasy Prezıdenti Ákimshiliginiń Memlekettik baqylaý jáne uıymdastyrý-aýmaqtyq jumys bóliminiń memlekettik ınspektory (2019-2020) qyzmetterin atqarǵan.

Qazirgi qyzmetinde 2020 jyldyń aqpanynan bastap eńbek etedi.

49 jyl buryn (1974) Qazaqstan Respýblıkasynyń Horvatııa Respýblıkasyndaǵy, Bosnııa jáne Gertsegovınadaǵy jáne Chernogorııadaǵy Tótenshe jáne Ókiletti Elshisi Altaı Ibragımuly ÁBIBÝLLAEV dúnıege keldi.

Qyzylorda oblysynda týǵan. Varshava ýnıversıtetiniń saıasattaný jáne jýrnalıstıka fakýltetiniń halyqaralyq qatynastar ınstıtýtyn bitirgen (1997).

Eńbek qyzmeti: Qazaqstan Respýblıkasy Syrtqy ister mınıstrliginiń referenti, attashesi (1997-1999); Qazaqstan Respýblıkasynyń Polshadaǵy Elshiliginiń úshinshi, ekinshi hatshysy (1999-2004); Qazaqstan Respýblıkasy Syrtqy ister mınıstrliginiń keńesshisi (2004-2005); Qazaqstan Respýblıkasynyń Polshadaǵy Elshiliginiń keńesshisi, keńesshi-ýákili (2005-2007); Qazaqstan Respýblıkasynyń Avstrııa Respýblıkasyndaǵy Elshiliginiń keńesshi-ýákili (2007-2008); Qazaqstan Respýblıkasynyń Horvatııadaǵy elshiliginiń qosa atqarýshy ýaqytsha 2008-2009); Qazaqstan Respýblıkasynyń EQYU janyndaǵy Turaqty ókildiginiń keńesshi-ýákili (2008-2009); Qazaqstan Respýblıkasynyń Aýstrııadaǵy Elshiliginiń keńesshi-ýákili, Vena qalasyndaǵy halyqaralyq uıymdar janyndaǵy QR Turaqty ókili, sondaı-aq Horvatııadaǵy QR isine Ýaqytsha Senimdi ókil (2009-2011); halyqaralyq aqparat komıteti tóraǵasynyń orynbasary, tóraǵasy jáne Qazaqstan Respýblıkasy Syrtqy ister mınıstrliginiń resmı ókili (2011-2013); resmı ókil – Qazaqstan Respýblıkasy Prezıdentiniń janyndaǵy Ortalyq kommýnıkatsııalar qyzmeti dırektorynyń orynbasary (2013-2014); Qazaqstan Respýblıkasy Baılanys jáne aqparat agenttigi tóraǵasynyń orynbasary (04.2014-08.2014); erekshe tapsyrmalar jónindegi elshi, QR Syrtqy ister mınıstrliginiń resmı ókili (2015-2016); Qazaqstan Respýblıkasynyń Polsha Respýblıkasyndaǵy Tótenshe jáne Ókiletti Elshisi (2016-2017); «N. Nazarbaev konfessııaaralyq jáne órkenıetaralyq dıalogty damytý ortalyǵy» KEAQ Basqarma tóraǵasy (2019-2021); Qazaqstan Respýblıkasy Syrtqy ister mınıstrliginiń Erekshe tapsyrmalar jónindegi Elshisi (2021-2022).

Qazirgi laýazymynda 2022 jyldan bastap qyzmet etedi.