23-25 tamyzda HHІ Respýblıkalyq Abaı oqýlary ótedi
Onlaın formatta ótetin Abaı oqýlarynyń negizgi maqsaty – qazaq halqynyń ádebı murasyn nasıhattaý, oqýshylardyń klassıkalyq qazaq ádebıetin oqýǵa qyzyǵýshylyǵyn arttyrý, Abaı men Shákárim shyǵarmashylyǵyn nasıhattaý, oqýshylardyń estetıkalyq talǵamyn, shyǵarmashylyq qabiletterin damytý, uly aqyndardyń poezııasyna, rýhanı murasyna degen súıispenshilikke tárbıeleý.
Erejege sáıkes, Abaı oqýlary úsh kezeńde ótkiziledi: aýdandyq (qalalyq), oblystyq jáne respýblıkalyq.
Abaı oqýlarynyń aýdandyq kezeńine 13625 oqýshy, oblystyq kezeńge 1759 oqýshy qatysty. Respýblıkalyq qorytyndy kezeńge 120 oqýshy qatysady dep kútilýde.
Abaı oqýlarynyń respýblıkalyq kezeńi 6 nomınatsııadan turady:
1 nomınatsııa - «Óleń – sózdiń patshasy, sóz sarasy» nomınatsııasy – Abaı óleńderin jatqa oqý konkýrsy.
2 nomınatsııa - «Abaıdyń qara sózderi» nomınatsııasy boıynsha Abaıdyń qara sózderin jatqa, mánerlep oqý.
3 nomınatsııa - «Abaıdyń aqyn shákirtteriniń shyǵarmalary» nomınatsııasy boıynsha Shákerim Qudaıberdiuly, Aqylbaı Abaıuly, Maǵaýııa Abaıuly shyǵarmalaryn jatqa oqý.
4 nomınatsııa - «Kóńilim ándi uǵady» nomınatsııasy – oqýshynyń Abaı men Shákárimniń ánderi men kúılerin oryndaý sheberligi baǵalanady.
5 nomınatsııa - «Júırikten júırik ozar jarysqanda» nomınatsııasy –oqýshylardyń óz shyǵarmalary (poezııalyq) baǵalanady.
6 nomınatsııa - «Ulylar álemi» Abaı men Shákárimniń shyǵarmashylyǵyna, rýhanı bolmysyna qatysty taqyrypqa esse jazý.
Aıta keterligi, qatysýshylar aqyndardyń barlyq shyǵarmalaryn jatqa bilýi kerek.
Abaı oqýlarynyń jeńimpazdary men júldegerleri QR Bilim jáne ǵylym mınıstrliginiń І, ІІ, ІІІ dárejeli dıplomdarymen, sondaı-aq «Daryn» respýblıkalyq ǵylymı-praktıkalyq ortalyǵynyń gramotalarymen jáne baǵaly syılyqtarymen marapattalady.
