22 jeltoqsan. Tulǵalar týǵan kún

ASTANA. QazAqparat - Búgin, ıaǵnı 22 jeltoqsan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

16 3 jyl buryn (1859-1919) Alash qozǵalysynyń kórnekti qaıratkeri Baqtygereı QULMANOV dúnıege keldi.

Jáńgir mektebin, Sankt-Peterbýrgtegi Imperator ýnıversıtetiniń Shyǵys fakýltetin támamdaǵan. 1887 jyly ǵylym kandıdaty ataǵyn alyp, kóp ýaqyt Bakýdegi túrli saılanbaly jaýapty jumystarda boldy.

B.Qulmanov 1906-1907 jyldary І Memlekettik jáne ІІ Memlekettik Dýmalarǵa Іshki orda qazaqtarynan depýtat bolyp saılanyp, musylman fraktsııasyn basqarǵan. 1917 jylǵy sáýirdiń 23-inen jeltoqsannyń 2-sine deıin Bókeı ordasyndaǵy ýaqytsha úkimettiń komıssary boldy. 1917 jylǵy jeltoqsannyń 3-7 aralyǵynda Orynborda ótken jalpyqazaq sezinde prezıdıým basqaryp, Alashorda úkimetiniń tóraǵalyǵyna Á.Bókeıhanovpen birge usynyldy.

68 jyl buryn (1954) Qazaqstannyń memleket jáne saıasat qaıratkeri Omarhan Nurtaıuly ÓKSІKBAEV dúnıege kelgen.

Ol Almaty oblysynda týǵan. 1975 jyly Almaty halyq sharýashylyǵy ınstıtýtyn «ekonomıst» mamandyǵy boıynsha bitirdi. 1991 jyly Frantsııada (Parıjde) «Naryqtyq ekonomıkadaǵy aýdıtorlyq qyzmet» mamandyǵy boıynsha bilim aldy.

Ekonomıka ǵylymdarynyń doktory. Eńbek joly: Almaty oblystyq qarjy basqarmasynda aǵa ekonomıst (1975 - 1976); GDR-daǵy Keńes áskerleri tobynyń quramynda áskerı qyzmette (1976 - 1977); Almaty oblystyq qarjy basqarmasynda aǵa ekonomıst (1977 - 1979); Almaty oblysy Balqash aýdanynyń «Tyńǵa 25 jyl» keńsharynda bas ekonomıst, Almaty oblystyq sýarmaly jerlerdi ıgerý basqarmasynyń josparlaý-ekonomıka bóliminiń bastyǵy (1979 - 1984); Qarjy mınıstrliginiń aǵa baqylaýshy-tekserýshisi, bas baqylaýshy-tekserýshisi, uıymdastyrýshylyq-ınspektorlyq bóliminiń bastyǵy, basqarma bastyǵynyń orynbasary (1984 - 1992); Qazaqstan Respýblıkasy Memlekettik qarjylyq baqylaý komıtetiniń basqarma bastyǵy, alqa múshesi (1992 - 1996); QR Qarjy mınıstrliginiń Memleketaralyq qatynastar basqarmasynyń bastyǵy (1996 jylǵy aqpan - sáýir); Respýblıkalyq bıýdjettiń atqarylýyn baqylaý jónindegi esep komıtetiniń múshesi (1996 - 1998); Qazaqstan Respýblıkasynyń Sybaılas jemqorlyqqa qarsy kúres jónindegi memlekettik komıssııasynyń múshesi (1998 - 2000); QR Qaýipsizdik Keńesi Hatshysynyń orynbasary (2000 - 2002); QR Prezıdenti Ákimshiliginiń Bas baqylaý ınspektsııasynyń basshysy (2002); Qazaqstan Respýblıkasy Qaýipsizdik Keńesiniń Hatshysy (2002 jylǵy shilde - 2003 jylǵy maýsym); Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy (2003 - 2012); besinshi shaqyrylǵan Qazaqstan Respýblıkasy Parlamenti Májilisiniń depýtaty, «Nur Otan» Halyqtyq-Demokratııalyq partııasynyń múshesi, partııalyq tizim boıynsha saılanǵan (2012-2016). Qazaqstan Respýblıkasy Parlamenti Májilisiniń altynshy shaqyrylymynyń depýtaty, Qarjy jáne bıýdjet komıtetiniń múshesi (2016-2021).

«Qurmet» ordenimen (2004), «Qazaqstan Respýblıkasynyń táýelsizdigine 10 jyl» (2001), «Tyńǵa 50 jyl» (2004), «Qazaqstan Respýblıkasynyń Konstıtýtsııasyna 10 jyl» (2005), «Qazaqstan Respýblıkasynyń Parlamentine 10 jyl» (2006), «Astananyń 10 jyldyǵy» (2008), «Qazaqstan Respýblıkasynyń táýelsizdigine 20 jyl» (2011) merekelik medaldarymen, III dárejeli «Qarjy saqshysy» vedomstvolyq medalimen (2011), «Parasat» ordenimen (2012), II dárejeli «Qarjy saqshysy» vedomstvolyq medalimen (2012), I dárejeli «Qarjy saqshysy» vedomstvolyq medalimen (2014) marapattalǵan.

6 4 jyl buryn (1958) Qazaqstan Respýblıkasy Parlamenti Májilisi Apparaty Redaktsııalaý jáne saraptama bóliminiń meńgerýshisi Dáýitáli Omashuly dúnıege kelgen.

Qazaq memlekettik ýnıversıtetin jýrnalıst, Abaı atyndaǵy Almaty memlekettik ýnıversıtetin zańger mamandyǵy boıynsha bitirgen.

Eńbek joly: Qazaq KSR Mınıstrler Keńesi janyndaǵy baspa, polıgrafııa jáne kitap saýdasy isteri jónindegi memlekettik komıtetiniń «Qazaqstan» baspasynda kadrlar jónindegi aǵa ınspektor, korrektor, redaktor, aǵa redaktor (1981-1989); Qazaq KSR Mınıstrler Keńesi janyndaǵy Qazaq telegraf agenttiginiń aýdarmashysy (1989-1990); Qazaqstan Respýblıkasy Joǵarǵy Keńesi Apparatynyń Aktilerdi jarııalaý bóliminiń aǵa konsýltanty, Redaktsııalyq-baspa bóliminiń aǵa referenti, konsýltanty (1990-1995); Qazaqstan Respýblıkasy Parlamenti Májilisi Apparaty Redaktsııalyq-baspa bóliminiń konsýltanty, sektor meńgerýshisi, bólim meńgerýshisiniń orynbasary (1995-2000). Qazaqstan Respýblıkasy Parlamenti Májilisi Apparaty Redaktsııalaý jáne aýdarma bóliminiń meńgerýshisi (2000-2022).

Qazirgi qyzmetinde 2022 jyldyń maýsymynan bastap eńbek etedi.

«Qurmet» ordenimen, «Eren eńbegi úshin» medalimen, bes merekelik medalmen jáne Eýrazııalyq ekonomıkalyq qoǵamdastyǵy Parlamentaralyq Assambleıasynyń Qurmet gramotasymen marapattalǵan.

«Baspa jáne polıgrafııa isiniń qaıratkeri», «Mádenıet qaıratkeri» qurmetti ataqtary bar.

58 jyl buryn (1964) Qazaqstan Respýblıkasy ishki ister mınıstri Marat Muratuly AHMETJANOV dúnıege keldi.

Qaraǵandy oblysynda týǵan. 1991 jyly E. Bóketov atyndaǵy Qaraǵandy memlekettik ýnıversıtetiniń zań fakýltetin bitirgen.

1991 jylǵy qyrkúıek - 2012 jylǵy aqpan aralyǵynda prokýratýra, ádilet organdarynda, memlekettik tergeý komıtetinde qyzmet etken. Pavlodar jáne Ońtústik Qazaqstan oblystarynyń prokýrory, Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esep jónindegi komıtetiniń tóraǵasy bolyp qyzmet atqarǵan. 2012-2014 jyldary - Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) tóraǵasynyń orynbasary.

Memlekettik qyzmet isteri jáne sybaılas jemqorlyqqa qarsy is-qımyl agenttiginiń Atyraý oblysy boıynsha departamentiniń basshysy (2014-2016); QR Sybaılas jemqorlyqqa qarsy is-qımyl ulttyq bıýrosy Atyraý oblysy boıynsha departamentiniń basshysy (01.2016-06.2016). Qazaqstan Respýblıkasy Bas prokýrorynyń orynbasary (2016-2021). Qazaqstan Respýblıkasy Sybaılas jemqorlyqqa qarsy is-qımyl agenttiginiń tóraǵasy, TM elderinde Jemqorlyqqa qarsy is-qımyl jónindegi memleketaralyq keńes tóraǵasy (2021-2022). Qazirgi qyzmetinde 2022 jyldyń aqpanynan bastap.

«3-dárejeli memlekettik ádilet keńesshisi» synyptyq sheni bar. «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005), «Astananyń 10 jyldyǵy» (2008), «Admıral Kýtýzov» (2003), «300 let Rossııskomý flotý» medaldarymen marapattalǵan.

4 5 jyl buryn (1977) QR Saýda jáne ıntegratsııa vıtse-mınıstri Janel Sabyrqyzy KÚShІKOVA dúnıege keldi.

Petropavl qalasynda týǵan. M. Qozybaev atyndaǵy Soltústik Qazaqstan ýnıversıtetiniń túlegi.

Eńbek jolyn 2001 jyly Qazaqstan Respýblıkasy saýda jáne ekonomıka mınıstrliginiń dempıngke qarsy baqylaý jónindegi komıtetiniń ishki naryǵyn qorǵaýda bas sarapshy retinde bastady.

2002-2004 jyldary Qazaqstan Respýblıkasy saýda jáne ındýstrııa mınıstrliginiń sarapshy baqylaýy jáne halyqaralyq qoǵamdastyq, saýda departamenti saıasatynyń tarıftik jáne kedendik bóliminde bas maman bolyp jumys istedi.

2004-2008 jyldary kedendik-tarıftik baǵdarlaý bóliminiń basshysy, 2008-2010 jyldary saýda jáne ındýstrııa mınıstrliginiń syrtqy saıası damý departamentiniń dırektory qyzmetin atqardy.

2010-2019 jyldary Qazaqstan Respýblıkasy Ulttyq ekonomıka mınıstrligi syrtqy saýda saıasatyn damytý departamentiniń dırektory.

Qazirgi qyzmetin 2019 jyldan bastap atqaryp keledi.

40 jyl buryn (1982) Qazaqstan Respýblıkasy Parlament Májilisiniń VII shaqyrylym depýtaty, áleýmettik-mádenı damý komıtetiniń múshesi Dınara Bolatqyzy ZÁKIEVA dúnıege keldi.

Beıjiń Til jáne mádenıet ınstıtýtyn (Qytaı 2001j.); Abaı atyndaǵy Almaty memlekettik ýnıversıtetin «Halyqaralyq quqyq» mamandyǵy boıynsha (2002 j.); Reseı Federatsııasy Syrtqy ister mınıstrliginiń Dıplomatııalyq akademııasyn «Halyqaralyq quqyq» mamandyǵy boıynsha ( Máskeý, 2004 j.); MBA Hult international business school (Dýbaı 2013 j.) bitirgen.

Eńbek joly: «TopıÝrAýdıt» JShS bas dırektorynyń orynbasary, Astana (2004-2005jj.); - Kásipkerlikti damytý departamentiniń bas mamany, QR Indýstrııa jáne saýda mınıstrligi, Astana q. (aqpan - tamyz 2005 j.); - «Antarex» JShS negizin qalaýshy, «Rafe» meıramhanalar jelisi, Astana q. (aqpan 2006 j.); - Qazaqstan Respýblıkasy Prezıdenti Hattamasynyń sarapshysy, QR Prezıdentiniń Ákimshiligi, Astana q. (2007-2013 jj.); - «Qasıetti Jol» qoǵamdyq qaıyrymdylyq qorynyń teń quryltaıshysy (2011 j.); - Partııa Tóraǵasynyń Birinshi orynbasary hatshylyǵy basshysynyń orynbasary - «Nur Otan» partııasynyń halyqaralyq yntymaqtastyq bóliminiń jetekshisi, «Nur Otan» partııasy, Astana q. (2013-2015 jj.); - Astana qalasy ákimdiginiń «Balalar úıi» KMM dırektory (2017-2019j.); - «Nur Otan» partııasy janyndaǵy Otbasy, áıelder máseleleri jáne balalardyń quqyqtaryn qorǵaý jónindegi respýblıkalyq qoǵamdyq keńestiń tóraıymy (2019 j.); - Nursultan Nazarbaev Qory janyndaǵy «Qamqorlyq qory» korporatıvtik qorynyń basshysy (2019 j.). Saılanbaly qyzmetteri, depýtattyq: «Nur Otan» partııasy Qoǵamdyq birlestiginen Qazaqstan Respýblıkasy Parlamenti Májilisiniń depýtattyǵyna kandıdat (04.12.2020), Qazaqstan Respýblıkasy Parlamenti Májilisiniń jetinshi shaqyrylymynyń depýtaty (15.01.2021 bastap).

«Qurmet» ordenimen (2019 jyl), «ASTANA 20 jyl» mereıtoılyq medalimen (2018 jyl) marapattaldy.

36 jyl buryn (1986) Mańǵystaý oblysy ákiminiń orynbasary Ulyqbek Serikuly TNÁLIEVdúnıege keldi.

Jambyl oblysynda týǵan. Atyraý munaı jáne gaz ınstıtýtyn bitirgen.

Eńbek jolyn 2005 jyly Atyraý qalasyndaǵy qoǵamdyq uıymdarda erikti bolyp bastady. 2006 jyly «Qazaqstannyń táýelsiz urpaǵy» jastar qoǵamdyq uıymynyń tóraǵasy, 2017 jyly Mahambet aýdany ákiminiń orynbasary boldy. Túrli jyldary Atyraý oblysy Jumyspen qamtý jáne áleýmettik baǵdarlamalar basqarmasy basshysynyń orynbasary; Atyraý qalasy ákiminiń orynbasary qyzmetterin atqardy. 2020-2021 jyldary – QR Aqparat jáne qoǵamdyq damý mınıstrligi Azamattyq qoǵam isteri komıtetiniń qoǵamdyq-saıası jumys basqarmasynyń basshysy. 2021-2022 jyldary – QR Aqparat jáne qoǵamdyq damý mınıstrliginiń «Rýhanı jańǵyrý» baǵdarlamasyn úılestirý departamentiniń dırektory.

Qazirgi qyzmetinde 2022 jyldyń maýsym aıynan bastap.