22 shilde. Tulǵalar týǵan kún
Búgin, 22 shilde kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
85 jyl buryn (1939) ánshi, Qazaqstannyń halyq ártisi, professor Lakı Konstantınovıch KESOGLÝ dúnıege keldi.
Grýzııanyń Batýmı qalasynda týǵan. Almaty konservatorııasyn bitirgen. 1967 jyldan osy konservatorııa janyndaǵy opera stýdııasynda jumys istegen. 1972 jyldan Qazaqstan teledıdary men radıosynyń ánshisi boldy. Osy jyldan bastap ol qazaqstandyq jáne búkilodaqtyq radıo men teledıdar arqyly tanyldy. Qazir T.Júrgenov atyndaǵy Qazaq ulttyq óner akademııasynda dáris beredi.
ІІ dárejeli «Dostyq» ordenimen, SAE Perıferııasynyń medalimen (2008) marapattalǵan. «Tarlan» joǵary mýzykalyq syılyǵynyń ıegeri.
64 jyl buryn (1960) Qazaqstan Respýblıkasy Parlament Senaty janyndaǵy Senatorlar keńesiniń múshesi Sergeı Vıktorovıch PLOTNIKOV dúnıege keldi.
Shyǵys Qazaqstan oblysynda týǵan. Saratov polıtehnıkalyq ınstıtýtyn bitirgen. Eńbek joly: 1982-1985 jyldary «Vostokmashzavod» komsomol komıtetiniń aýysym sheberi, aǵa sheberi, hatshysy. 1985-1986 jyldary Óskemen qalalyq komıtetiniń ekinshi hatshysy, Shyǵys Qazaqstan oblystyq QLKJO hatshysy. 1986-1998 jyldary «Vostokmashzavod» AQ tseh bastyǵynyń orynbasary, bas tehnolog, materıaldyq-tehnıkalyq jabdyqtaý bóliminiń bastyǵy. 1998-2003 jyldary Shyǵys Qazaqstan oblysynyń energetıka, ındýstrııa, telekommýnıkatsııa jáne syrtqy ekonomıkalyq baılanystar basqarmasynyń bastyǵy. 2003-2007 jyldary Shyǵys Qazaqstan oblysy Glýbokoe aýdanynyń ákimi. 2007-2008 jyldary Shyǵys Qazaqstan oblysy ákiminiń orynbasary. 2008-2011 jyldary Qazaqstan Respýblıkasy Parlamenti Senatynyń depýtaty, Qarjy jáne bıýdjet komıtetiniń múshesi. 2011-2017 jyldary Qazaqstan Respýblıkasy Parlamenti Senatynyń depýtaty, Agrarlyq máseleler jáne qorshaǵan ortany qorǵaý komıtetiniń múshesi. 2017-2019 jyldary – Qazaqstan Respýblıkasy Parlamenti Senatynyń depýtaty, Qarjy jáne bıýdjet komıtetiniń múshesi.
«Qazaqstan Respýblıkasynyń Táýelsizdigine 20 jyl», «10 jyl Astana», «Tyńǵa 50 jyl», «Qazaqstan Konstıtýtsııasyna 10 jyl», «Astananyń 10 jyldyǵy», «20 let MPA SNG», «25 let MPA SNG», «Parlamenttik yntymaqtastyqty nyǵaıtqany úshin», «Teńgege 20 jyl», «Qazaqstan halqy Assambleıasyna 20 jyl» medaldarymen marapattalǵan.
55 jyl buryn (1969) Qazaqstan Respýblıkasy Premer-Mınıstriniń orynbasary Serik Maqashuly JUMANǴARIN dúnıege keldi.
1993 jyly Máskeý energetıka ınstıtýtyn «jylý fızıkasy» mamandyǵy boıynsha, 1997 jyly E. A. Bóketov atyndaǵy Qazaq memlekettik ýnıversıtetin «qarjy jáne kredıt» mamandyǵy boıynsha bitirgen.
Eńbek jolyn 1993 jyly «Tynaı» ShJK kommertsııalyq dırektory qyzmetinen bastady. 1994–1995 jyldary «Medkorp» ShJK dırektory bolyp jumys istedi. 1995-1998 jyldary «ASB» ShJK bas býhgalteri, dırektory boldy. 1998–2000 jyldary «Atyraý MÓZ» AQ ókildiginiń dırektory qyzmetin atqardy. 2000–2003 jyldary «Kompanııa Global» JShS kommertsııalyq dırektory. 2003–2004 jyldary «Batys Oıl Gaz» Korporatsııasy» JShS bas dırektory. 2005–2006 jyldary Aqtóbe qalasynyń Ekonomıka jáne bıýdjettik josparlaý bólimi bastyǵynyń orynbasary. 2006 jylǵy sáýirde bastap jeltoqsanǵa deıin Aqtóbe qalasynyń Kásipkerlik bóliminiń bastyǵy. 2006–2007 jyldary QR Tabıǵı monopolııalardy retteý agenttiginiń Aqtóbe oblysy boıynsha basqarmasy bastyǵynyń orynbasary. 2007–2008 jyldary QR Tabıǵı monopolııalardy retteý agenttiginiń Aqtóbe oblysy boıynsha basqarma bastyǵy. 2008 jylǵy naýryzdan maýsymǵa deıin – QR Tabıǵı monopolııalardy retteý agenttiginiń Aqtóbe oblysy boıynsha departamentiniń dırektory. 2008 jylǵy maýsymnan 2010 jylǵy sáýirge deıin – QR Indýstrııa jáne saýda mınıstrligi Saýda komıteti tóraǵasynyń orynbasary, Saýdany damytý departamenti dırektory. 2010 jylǵy sáýirden maýsymǵa deıin – «Qazaqstandyq Kelisimshart agenttigi» AQ Basqarma tóraǵasynyń orynbasary. 2010 jylǵy shildeden 2011 jylǵy qarashaǵa deıin – «NadLoc» jergilikti qamtýdy damytý jónindegi ulttyq agenttigi» AQ Basqarma tóraǵasynyń orynbasary, birinshi orynbasary. 2012 jylǵy naýryzdan shildege deıin – Qazaqstan Respýblıkasy Ekonomıkalyq damý jáne saýda mınıstrliginiń Óńirlik saıasat jáne bıýdjetaralyq qatynastar departamentiniń dırektory. 2012 jylǵy shildeden 2013 jylǵy qańtarǵa deıin Qazaqstan Respýblıkasy Ekonomıkalyq damý jáne saýda mınıstrliginiń Óńirlik damý komıtetiniń tóraǵasy. 2013 jylǵy qańtardan 2014 jylǵy tamyzǵa deıin Qazaqstan Respýblıkasy Óńirlik damý vıtse-mınıstri laýazymdaryn atqardy. 2014 jylǵy tamyzdan 2017 jylǵy qańtarǵa deıin Qazaqstan Respýblıkasy Ulttyq ekonomıka mınıstrliginiń tabıǵı monopolııalardy retteý jáne básekelestikti qorǵaý jónindegi komıtetiniń tóraǵasy laýazymyn atqardy. Qazaqstan Respýblıkasynyń Ulttyq ekonomıka vıtse-mınıstri (2017-2019).Eýrazııa ekonomıkalyq komıssııasynyń Báseke jáne monopolııaǵa qarsy retteý alqasynyń múshesi (2019-2020). Qazaqstan Respýblıkasy Básekelestikti qorǵaý jáne damytý agenttigiń tóraǵasy (2020-2022). Qazirgi qyzmetinde 2023 jylǵy sáýirinen bastap.
47 jyl buryn (1977) Jezqazǵan qalasynyń ákimi Qaırat Abdollauly ShAIJANOV dúnıege keldi.
Qaraǵandy oblysy (qazirgi Ulytaý oblysy) Jańaarqa aýdany Atasý aýylynda týǵan. Qaraǵandy memlekettik tehnıkalyq ýnıversıtetin, Qaztutynýodaǵy Qaraǵandy ekonomıkalyq ýnıversıtetin bitirgen. Eńbek jolyn 2000 jyly bastady. Osy jyldar ishinde kásipkerlik salasynda, túrli memlekettik qyzmetterde qyzmet etti. 2009-2013 jyldary Sátbaev qalasy ákiminiń orynbasary bolǵan. 2015-2018 jyldary Qaraǵandy oblysy Osakarov aýdanynyń ákimi qyzmetin atqarǵan.
2019-2022 jyldary QR Aýyl sharýashylyǵy mınıstrligi «NANOTS» KEAQ Aktıvterdi basqarý departamentiniń dırektory qyzmetin atqardy. Qazirgi qyzmetin 2022 jyldyń maýsym aıynan beri atqaryp keledi.
