22 mamyr. Tulǵalar týǵan kún
Búgin, 22 mamyr kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
66 jyl buryn (1958) «Almaty Management University» (Halyqaralyq bıznes akademııasy) prezıdenti Asylbek Bazarbaıuly QOJAHMETOV dúnıege keldi.
Kókshetaý (qazirgi Aqmola oblysy) oblysynda týǵan. Qazaq memlekettik ýnıversıtetiniń mehanıka jáne qoldanbaly matematıka fakýltetin bitirgen, Germanııa, Frantsııa, Ulybrıtanııa, Belgııa, Gollandııa, Vengrııa, Estonııa elderiniń oqytý ortalyqtarynda menedjment boıynsha arnaıy oqýdan ótti. Qazaqstandyq jáne soltústikamerıkandyq jýrnaldarda jarııalanǵan menedjment pen bilimdi damytý boıynsha 30-dan astam maqalanyń avtory. 1980 jyldan S.M. Kırov atyndaǵy Qazaq memlekettik ýnıversıtetiniń mehanıka kafedrasynyń oqytýshysy. 1989 jyldan Qazaq respýblıkalyq menedjerler kooperatıvtik birlestiginiń «Soıýz» mektebiniń oqytýshysy, odan keıin dırektory. 1990 jyldan «Almaty menedjerler mektebi» JShS bas dırektory. 1998-2002 jyldary Halyqaralyq bıznes akademııasynyń prezıdenti. 2009 jyldan beri «Almaty Management University» (Halyqaralyq bıznes akademııasy) prezıdenti. 2018-2020 jyldary «Qazaqstan azamattyq alıansy» zańdy tulǵalar birlestiginiń prezıdenti.
2014 jyldan beri qazirgi qyzmetinde.
64 jyl buryn (1960) Qazaqstan tarıhynda general shenin alǵan (2013 jyly) tuńǵysh áıel, memleket qaıratkeri Sáýle Muhanbedıanqyzy AITPAEVA dúnıege keldi.
Torǵaı oblysy Jaqsy kentinde týǵan.1977 jyly Torǵaı oblysy Jaqsy aýdandyq prokýratýrasy keńsesiniń meńgerýshisi. 1978 jyly Torǵaı oblysy Jaqsy aýdandyq komsomol komıtetiniń mashınısi. 1979-1983 jyldary R.A.Rýdenko atyndaǵy Sverdlov zańtaný ýnıversıtetinde «quqyqtaný» mamandyǵy boıynsha oqydy. 1983 jyldan Tselınograd oblystyq prokýratýrasy Lenın aýdandyq prokýratýrasynyń tálimgeri. 1984 jyldan Tselınograd qalasy Lenın aýdandyq prokýratýrasynyń tergeýshisi. 1985 jyldan Aqmola oblysy prokýratýrasynyń ishki ister organdaryndaǵy tergeý men anyqtaýdy qadaǵalaý jónindegi bóliminiń prokýrory. 1988 jyldan Aqmola oblysy prokýratýrasy kadrlar jónindegi prokýrordyń kómekshisi. 1992 jyldan Aqmola oblysy prokýratýrasynyń uıymdastyrý-taldaý bóliminiń prokýrory. 1996 jyldan Tselına kólik prokýratýrasynyń uıymdastyrý-ınspektorlyq jumys jónindegi aǵa prokýrory. 1997 jyldan Qazaqstan Respýblıkasy Bas prokýratýrasynyń janyndaǵy Quqyqtyq statıstıka jáne aqparat ortalyǵynyń (QSjAO) alǵashqy esepke alý qujattaryn, eseptilik jáne ádisteme nysandaryn ázirleý jáne engizý bóliminiń bastyǵy. 1998 jyldan Qazaqstan Respýblıkasy Bas prokýratýrasynyń janyndaǵy QSjAO (D) bastyǵynyń orynbasary – Astana qalasyndaǵy statıstıka basqarmasynyń bastyǵy. 1999 jyldan QSjAO (D) bastyǵynyń orynbasary Qazaqstan Respýblıkasy Bas prokýratýrasynyń janyndaǵy QSjAO (D) statıstıkany qalyptastyrý basqarmasynyń bastyǵy boldy. 2001 jyldan Qazaqstan Respýblıkasy Bas prokýratýrasynyń janyndaǵy QSjAO (D) bastyǵynyń orynbasary. 2003 jyldan Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıteti tóraǵasynyń orynbasary. 2005 jyldan Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıteti tóraǵasynyń birinshi orynbasary qyzmetin atqardy. 2012-2017 jyldary Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń tóraıymy. 2018-2019 jyldary Qazaqstan Respýblıkasyndaǵy Bala quqyqtary jónindegi ýákil. Qazaqstan Respýblıkasy Parlamenti Senatynyń depýtaty (2017-2022), Konstıtýtsııalyq zańnama, sot júıesi jáne quqyq qorǵaý organdary komıtetiniń múshesi bolǵan. Qazaqstan tarıhynda general shenin alǵan (2013 jyly) alǵash áıel.
«Qazaqstan Respýblıkasy prokýratýrasynyń qurmetti qyzmetkeri» (2001) ataǵy bar, «Eren eńbegi úshin» (2005), «Astananyń 10 jyldyǵy» (2008), «Qazaqstan Respýblıkasynyń táýelsizdigine 20 jyl» (2011), «Qazaqstan Respýblıkasynyń prokýratýrasyna 20 jyl» (2011) medaldarymen marapattalǵan.
60 jyl buryn (1964) Qazaqstan Respýblıkasy Jýrnalıstıka Akademııasynyń akademıgi Aıdar Ábilmájinuly JUMABAEV dúnıege keldi.
Almaty qalasynda dúnıege kelgen. A. M. Gorkıı atyndaǵy Ádebıet ınstıtýtyn bitirgen.
Eńbek joly: 1989-1991 jyldary Qazaq teledıdarynyń redaktory, 1991-1993 jyldary Qazaq memlekettik ýnıversıtetiniń oqytýshysy, 1993-1995 jyldary «Tań» telekompanııasynyń bas redaktory, 1995-1997 jyldary «Akbar» halyqaralyq jýrnalıstıka ortalyǵynyń prezıdenti, 1997-2000 jyldary «NTK» telekompanııasynyń Bas dırektory, 2003-2009 jyldary Qazaqstan teleradıo habarlaryn taratýshylar qaýymdastyǵynyń prezıdenti, «Mır» MTRK Ortalyq Qazaqstan ulttyq fılıalynyń dırektory, 2009-2010 jyldary «Nur Otan» HDP ortalyq apparatynyń halyqaralyq baılanystar jónindegi ókili, 2011-2012 jyldary «Ar Prodakshn» stýdııasynyń jetekshisi, «Qazpochta» AQ Basqarma Tóraǵasynyń keńesshisi, 2013-2018 jyldary Qazaqstan Respýblıkasy Ulttyq paralımpıada komıtetiniń vıtse-prezıdenti, «Qazkontent» AQ táýelsiz dırektory qyzmetin atqardy.
