22 qańtar. Tulǵalar týǵan kún
Búgin, 22 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
55 jyl buryn (1969)«Qazgıdromet» respýblıkalyq memlekettik kásiporny bas dırektorynyń orynbasary Manas Ydyrysuoy ORYNBASAROV dúnıege keldi.
Aqtóbe oblysynda dúnıege kelgen. 1988 jyly Qatynas joldary mınıstrliginiń Aqtóbe temirjol kóligi tehnıkýmyn «tehnık-elektrshi» mamandyǵymen, 2001 jyly Abaı atyndaǵy Almaty memlekettik ýnıversıtetin «zańger» mamandyǵy boıynsha, al 2017 jyly «RF Prezıdentiniń Reseı halyq sharýashylyǵy jáne memlekettik qyzmet akademııasy» joǵary bilim beretin federaldyq memlekettik bıýdjettik bilim mekemesiniń magıstratýrasyn «memlekettik jáne mýnıtsıpaldyq basqarý» mamandyǵy boıynsha bitirgen.
Eńbek joly 1991 jyly «Órleý» óndiris korporatsııasynyń bas ınjeneri retinde bastalǵan.
2017-2018 jyldary «Azamattarǵa arnalǵan úkimet» memlekettik korporatsııasy» UAQ Jer kadastry jáne jyljymaıtyn múlikti tehnıkalyq tekserý dırektsııasynyń dırektory, «Azamattarǵa arnalǵan úkimet» Memlekettik korporatsııasy» UAQ Jer kadastry jáne jyljymaıtyn múlikti tehnıkalyq tekserý máseleleri jónindegi basqarýshy dırektory laýazymdaryn atqardy. 2018-2019 jyldary «Azamattarǵa arnalǵan úkimet» Memlekettik korporatsııasy» UAQ basqarma tóraǵasynyń keńesshisi qyzmetinde boldy.
Qazirgi laýazymyn 2019 jyldyń qazan aıynan bastap atqaryp keledi.
53 jyl buryn (1971) Qazaqstan Respýblıkasy Joǵary esep palatasynyń múshesi Ardaq Myrzabaıuly TEŃGEBAEV dúnıege keldi.
Torǵaı oblysynda týǵan. 1993 jyly Qazaq memlekettik basqarý akademııasyn «Býhgalterlik esep jáne sharýashylyq qyzmetti taldaý» mamandyǵy boıynsha, 2002 jyly «Qaınar» ýnıversıtetin «zańger» mamandyǵy boıynsha bitirgen.
Eńbek jolyn 1993 jyly Arqalyq qalasynda «Qazagroónearkásipbank» AK-nyń Torǵaı fılıalynda maman bolyp bastady. 1994-1996 jyldary Amangeldi aýylynda «Qazagroónearkásipbank» AK-nyń Amangeldi fılıalynda ekonomıst, aǵa ekonomıst. 1996 jyly Arqalyq qalasynda «Qazagroónerkásipbank» Torǵaı oblystyq fılıalynyń aǵa ınjeneri, bas ınjener-baǵdarlamashysy, 1993-1997 jyldary «Qazagroónerkásipbank» AQ Amangeldi aýdandyq fılıalynyń basqarýshysy. 1997-2003 jyldary salyq ınspektory, sektor meńgerýshisi, bas salyq ınspektory, bólim basshysy, Almaty qalasy boıynsha Salyq komıtetiniń Basqarma bastyǵy laýazymdarynda qyzmet atqardy. 2003-2004 jyldary Almaty qalasy boıynsha Ekonomıkalyq qylmysqa jáne sybaılas jemqorlyqqa qarsy kúres departamenttiń aǵa ınspektory, bólim bastyǵy, basqarma bastyǵy bolyp jumys istedi. 2004-2005 jyldary «Aqparattyq tehnologııalar parki» Salyq komıtetiniń bólim bastyǵy, 2005-2007 jyldary Semeı qalasynyń Salyq komıtetiniń tóraǵasy, 2007-2009 jyldary Mańǵystaý oblysy boıynsha Salyq komıtetiniń tóraǵasy, Mańǵystaý oblysy boıynsha Salyq departamentiniń bastyǵy, 2009-2010 jyldary QR Qarjy mınıstrliginiń Salyq komıtetiniń arnaıy mamandandyrylǵan basqarmasynyń bastyǵy qyzmetin atqardy. 2010-2012 jyldary QR Qarjy mınıstrligi Salyq komıteti tóraǵasynyń orynbasary boldy. 2012-2016 jyldary QR Qarjy vıtse-mınıstri laýazymynda boldy. 2016-2018 jyldary QR Qarjy mınıstrliginiń Memlekettik kirister komıtetiniń tóraǵasy qyzmetin atqardy. 2019-2022 jyldary Respýblıkalyq bıýdjettiń atqarylýyn baqylaý jónindegi esep komıtetiniń múshesi.
2022 jyldyń qarasha aıynan bastap qazirgi qyzmetinde.
ІI dárejeli «Eýrazııalyq ekonomıkalyq odaqty qurýǵa qosqan úlesi úshin» (2015), ІІІ dárejeli «Óz isine adaldyǵy úshin» «Atameken» UKP (2016), «Eýrazııalyq ekonomıkalyq odaqty qurýǵa qosqan úlesi úshin» (2019) medaldarymen, QR Qarjy mınıstrliginiń «Qarjy qyzmetiniń úzdigi» (2011) tósbelgisimen marapattalǵan.
37 jyl buryn (1987) Kentaý qalasynyń ákimi Jandos Qalmyrzauly TASOV dúnıege keldi.
Ońtústik Qazaqstan (qazirgi Túrkistan) oblysy, Túrkistan qalasynda týǵan. Halyqaralyq bilim berý korporatsııasynyń Qazaq bas sáýlet-qurylys akademııasyn bitirgen (2011); H.A.ıAsaýı atyndaǵy Halyqaralyq qazaq-túrik ýnıversıtetin bitirgen.
Eńbek joly: 2011-2013 jyldary «Gradkompleks» JShS qyzmetkeri, 2013-2014 jyldary Túrkistan qalasy ákimdiginiń sáýlet jáne qala qurylysy bóliminiń ınspektory, 2014 jyly Túrkistan qalasy ákimdiginiń sáýlet jáne qala qurylysy bólimi bas mamanynyń mindetin atqarýshy, 2014-2017 jyldary Túrkistan qalasy ákimdiginiń sáýlet jáne qala qurylysy bóliminiń bas mamany, 2017-2018 jyldary Túrkistan qalasy ákimdiginiń sáýlet jáne qala qurylysy bóliminiń qala qurylysy jobalary jáne sáýlettik josparlaý sektorynyń meńgerýshisi, 2018-2020 jyldary Túrkistan qalasy ákimdiginiń sáýlet jáne qala qurylysy bóliminiń basshysy qyzmetin atqardy. 2020-2021 jyldary Túrkistan qalasy ákimdiginiń qurylys bóliminiń basshysy, 2021-2022 jyldary Túrkistan qalasy ákiminiń orynbasary laýazymyn atqardy.
2022 jyldyń tamyz aıynan bastap qazirgi qyzmetinde.
36 jyl buryn (1988) Qazaqstan Respýblıkasy Qarjylyq monıtorıng agenttiginiń resmı ókili Álibek Saǵıdollauly ÁBDІLOV dúnıege keldi.
L.Gýmılev atyndaǵy Eýrazııa ulttyq ýnıversıtetin «jýrnalıstıka» mamandyǵy boıynsha bitirgen, áleýmettik ǵylymdar magıstri.
Eńbek joly: ár jyldary túrli telearnalar men radıostantsııalarda tilshi, redaktor, efır júrgizýshisi, QR QM Memlekettik kirister komıtetiniń resmı ókili, QR Qarjy mınıstrliginiiń baspasóz hatshysy bolyp qyzmet atqarǵan.
QR Úkimetiniń «Daryn» jastar syılyǵynyń laýreaty (2017), «Aqparat salasynyń úzdigi» (2020).
92 jyl buryn (1932-2013) Qazaqstannyń eńbek sińirgen qaıratkeri, kórnekti aqyn Kákimbek Salyquly SALYQOV dúnıege kelgen.
Soltústik Qazaqstan oblysy Shal aqyn aýdany Eńbek aýylynda týǵan.
1955 jyly Máskeýdiń tústi metallýrgııa jáne altyn ınstıtýtyn bitirgennen keıin Jezqazǵan kenishinde ken sheberi bolyp eńbek jolyn bastaǵan. KSRO Joǵarǵy keńesiniń ekologııa jónindegi komıtetiniń basshysy laýazymyna deıin kóterildi. Kóp jyldar Keńes odaǵy Joǵarǵy keńesiniń prezıdıým múshesi boldy. Alǵashqy óleńder jınaǵy «Syr» 1977 jyly jaryq kórdi. Sol jyly «Jezkıik» atty jyr jınaǵy orys tiline aýdarylyp jarııalandy.
1981 jyly «Qyrǵyzstan» baspasy onyń «Nurly kúnder» kitabyn qyrǵyz tilinde, 1983 jyly Ǵafýr Ǵýlam baspasy «Jezkıik» jınaǵyn ózbek tilinde shyǵardy. «Býketovke rekvıem», «Edelveıs», «Ǵasyrǵa teń bir mezet», «Che Gevara» atty poemalary orys tiline aýdaryldy. K.Salyqov - «Dala», «Qyran-dar», «Gákký», «Jezkıik», «Eńlikgúl», «Táttimbet», «Dombyra», «Qaraqalpaq», «Kenesarynyń sońǵy sózi» sekildi kóptegen poemalardyń avtory.
Sońǵy jyldary onyń «Oıtolǵaq» (2001), «Syrǵaly sonetter» (2001), «Kúzgi shýaq» (2004), «Kúzgi saryn» (2005), «Sensiń el danasy» (2006), «Álemniń segizinshi ǵalamaty» (2006), «Maǵjanǵa taǵzym» (2008) kitaptary jaryq kórdi.
V.V.Maıakovskııdiń «V.I.Lenın» poemasyn, A.S.Pýshkınniń óleńmen jazylǵan «Evgenıı Onegın» romanyn, M.ıÝ.Lermontovtyń, ıÝ. P. Polonskııdiń, R.Ǵamzatovtyń, Aldan-Semenovtyń, S.Norovchatovtyń, V.Savelevtiń, ıA.Kolastyń, M.Lvovtyń, mońǵol jáne ózbek aqyndarynyń óleńderin qazaq tiline aýdardy. B.Jumanııazov, N.Tilendıev, Á.Beıseýov, E.Hasanǵalıev sııaqty kompozıtorlar aqynnyń kóptegen óleńderine án shyǵardy. «Jezkıik», «Saǵynysh», «Aqqý áni», «Úsh arys», «Bir aýyz sóz», «Oqjetpes», «Kókshetaý», «Jambyl ata» syndy týyndylary halyq ánine aınalyp ketti.
Qazaq KSR Joǵarǵy Keńesine úsh márte (IX, X, XI) depýtat bolyp saılanǵan. KSRO Joǵarǵy Keńesiniń depýtaty.
«Qazaqstannyń eńbek sińirgen qaıratkeri» qurmetti ataǵynyń ıegeri (2001), Halyqaralyq Q.Sátbaev qorynyń prezıdenti, Qazaqstan Respýblıkasy «Ekologııa» akademııasynyń akademıgi. Lenın ordenimen, eki ret Eńbek Qyzyl Tý ordenimen, «Parasat» jáne Halyqtar Dostyǵy ordenderimen, kóptegen medaldarmen marapattalǵan.
69 jyl buryn (1955-1998) sýretshi, monýmentalıst, sportshy, Qazaqstandaǵy tuńǵysh taekvondo federatsııasynyń prezıdenti Bekseıit Ábdezuly TÚLKIEVdúnıege kelgen.
Ońtústik Qazaqstan oblysynyń týmasy. Máskeý joǵary kórkemsýret ýchılışesin bitirgen.
«Uly kósh», «Zamandastar», «Áke», «Ata-baba jeri», «Sýretshiniń túsi», «Áje», «Túsirý alańy», «Ákeni maıdanǵa shyǵaryp salý» jáne taǵy da kóptegen keskindemelik eńbekterdiń avtory. Týyndylary Búkilodaqtyq jáne halyqaralyq kórmelerge qoıyldy. Túlkıev shyǵarmashylyqty sportpen baılanystyra bildi, taekvondodan qara belbeý ıegeri. Búginde týǵan aýylyndaǵy orta mektepke onyń esimi berilgen.
