22 aqpan. Tulǵalar týǵan kún

ASTANA. QazAqparat – Búgin, ıaǵnı 22 aqpan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

10 1 jyl buryn (1922-1978) kınorejısser, Qazaqstannyń eńbek sińirgen óner qaıratkeri (1966), Ekinshi dúnıejúzilik soǵys ardageri Májıt Saparǵalıuly BEGALIN dúnıege keldi.

Shyǵys Qazaqstan oblysy, Abaı aýdany, Degeleń aýylynda týǵan. 1948 jyly Máskeýdegi Búkilodaqtyq kınematografııa ınstıtýtyn bitirgen.

1950-1978 jyldary «Qazaqfılm» kınostýdııasynda rejıser bolyp, óz zamandastary týraly «Bul Shuǵylada bolǵan edi» (1955), «Jerge qaıta M.Begalınnyń oralýy» (1959), «Tulpardyń izi» (1964) kórkem fılmderdi qoıdy. Sh. Ýálıhanov týraly «Onyń kúni týady» (1957), B.Momyshuly jaıynda «Artymyzda Máskeý» stsenarıı avtory (1967). 1968 jyly Frýnze (qazirgi Bishkek) qalasynda ótken Orta Azııa men Qazaqstan kıno óneri baıqaýynyń bas júldesi men 1-dárejeli dıplomy ıegeri. M. Mámetova týraly «Mánshúk týraly ballada» (1969) sekildi tarıhı-ǵumyrnamalyq fılmi Begalınniń rejısserlik sheberligin tanytty. 1970 jyly Mınsk qalasynda ótken Búkilodaqtyq kınobáıgedegi KSRO Qorǵanys mınstrliginiń bas júldesi ıegeri. Resmı shyǵarmashylyǵy týraly «Majıt Begalın» atty derekti fılm (1981) túsirilgen.

Eńbek Qyzyl Tý, «Qurmet belgisi» ordenderimen marapattalǵan.

6 1 jyl buryn (1962) «Biryńǵaı jınaqtaýshy zeınetaqy qory» AQ basqarma tóraǵasy Janat Bostanuly QURMANOV dúnıege kelgen.

Qaraǵandy qalasynda týǵan. 1985 jyly S.M. Kırov atyndaǵy Qazaq memlekettik ýnıversıtetin fızıka mamandyǵy boıynsha aıaqtady. 1996 jyly Máskeý qalasynda Ekonomıka, menedjment jáne quqyq ınstıtýtyn ekonomıst mamandyǵy (mamandanýy - bank isi) boıynsha támámdady. 2017 jyly bıznes mekteptiń baǵdarlamasy boıynsha dıplom qorǵap, Oksford ýnıversıtetin bitirdi.

Eńbek jolyn 1985 jyly QazKSR ǴA ıAdrolyq fızıka ınstıtýtynda ınjener bolyp bastady. 1988-1996 jyldary Birlesken ıadrolyq zertteýler ınstıtýtynda (Dýbna, Reseı Federatsııasy) jumys istedi. 1994 jáne 1995 jyldary Pensılvanııa shtatynyń (AQSh) ýnıversıtetinde jumys istedi. 1996 jyly fızıka-matematıka ǵylymdarynyń kandıdaty ǵylymı dárejesin aldy. 1996 jyldan bastap Qazaqstan Respýblıkasynyń qarjy naryǵynda jumys isteıdi. 1996 jylǵy jeltoqsan - 1999 jylǵy jeltoqsan aralyǵynda «KBS» JÚAQ-ta qarjylyq basqarma bastyǵy, qarjy jónindegi vıtse-prezıdent, jobalardy basqarýshy bolyp jumys istedi. 1999 jylǵy jeltoqsan - 2002 jylǵy shilde aralyǵyndaǵy kezeńde Qazaqstan Respýblıkasy Ulttyq bankiniń saqtandyrýdy qadaǵalaý departamentinde jáne bankterdi jáne saqtandyrýdy qadaǵalaý departamentinde basshy laýazymdar atqardy. 2002 jylǵy tamyz - 2007 jylǵy aqpan aralyǵynda «MJZQ» jınaqtaýshy zeınetaqy qory» AQ bas dırektory, bas dırektorynyń orynbasary bolyp jumys istedi. 2012 jylǵy mamyrdan bastap - «Qazaqstan qor bırjasy» AQ dırektorlar keńesiniń tóraǵasy. 2016 jylǵy aqpan - 2017 jylǵy qyrkúıek aralyǵynda Qazaqstan Respýblıkasy Ulttyq bankiniń saqtandyrý qadaǵalaý departamentine, banktik emes qarjy uıymdaryn retteý departamentine basshylyq etti. 2017-2019 jyldary Qazaqstan Respýblıkasy Ulttyq banki tóraǵasynyń orynbasary bolǵan.

Qazirgi laýazymyn 2019 jylǵy naýryzdan beri atqaryp keledi.

4 5 jyl buryn (1978) Qazaqstan Respýblıkasy básekelestikti qorǵaý jáne damytý agenttigi tóraǵasynyń birinshi orynbasary Rýstam Nurlanuly AHMETOV dúnıege keldi.

Qaraǵandy oblysy Temirtaý qalasynda týǵan. 1999 jyly - Qazaq memlekettik zań ýnıversıtetin bitirgen.

Eńbek joly: 1999-2001 jyldary - QR Memlekettik kirister mınıstrliginiń kinárat-qýynym jumysy bóliminiń jetekshi mamany. 2001-2007 jyldary - Qazaqstan Respýblıkasy Prezıdent Ákimshiliginiń memlekettik-quqyqtyq bóliminiń aǵa referenti. 2007 jyldyń qańtar- qyrkúıegi – Qazaqstan Respýblıkasy Premer-mınıstriniń orynbasary A.E. Mýsınniń keńesshisi. 2007 jyldyń qyrkúıegi – 2008 jyldyń qazany – Qazaqstan Respýblıkasy Parlament Másijilisi tóraǵasynyń hatshylyǵy meńgerýshisi. 2008 jyldyń qazany – 2011 jyldyń mamyry – QR Prezıdent Ákimshiliginiń memlekettik-quqyqtyq bólim meńgerýshisiniń orynbasary. 2011 jyldyń mamyry – 2014 jyldyń tamyzy - Qazaqstan Respýblıkasy Tabıǵı monopolııalardy retteý agenttiginiń jaýapty hatshysy. 2014 jyldyń tamyzy – 2019 jyldyń tamyzy - QR UEM Tabıǵı monopolııalardy retteý jáne básekelestikti qorǵaý komıteti tóraǵasynyń orynbasary. 2019-2020 jyldary - Ulttyq ekonomıka mınıstrliginiń básekelestikti qorǵaý jáne damytý komıteti tóraǵasy.

Qazirgi qyzmetin 2020 jyldyń qazan aıynan beri atqaryp keledi.

44 jyl buryn (1979) Qazaqstan Respýblıkasy Ulttyq qaýipsizdik komıteti tóraǵasynyń orynbasary Álı Saparǵalıuly ALTYNBAEV dúnıege keldi.

Almaty oblysynda týǵan. Qazaq memlekettik basqarý akademııasyn bitirgen (2000); Turan ýnıversıteti (2015).

Eńbek joly: Salyq komıtetiniń Esik qalasy, Eńbekshiqazaq oblysy boıynsha janama salyqtar basqarmasy salyq ınspektorynyń mindetin atqarýshy (05.2001-10.2001); Salyq komıtetiniń Esik qalasy, Eńbekshiqazaq oblysy boıynsha janama salyqtar basqarmasynyń salyq ınspektory (2001-2002); Salyq komıtetiniń Eńbekshiqazaq oblysy boıynsha tekserý basqarmasynyń salyq ınspektory (2002-2005); Salyq komıtetiniń Eńbekshiqazaq aýdany boıynsha aýdıt basqarmasynyń jetekshi salyq ınspektory (2005-2007); Salyq komıtetiniń Eńbekshiqazaq oblysy boıynsha tekserý basqarmasynyń bas salyq ınspektory (02.2007-04.2007); Salyq komıtetiniń Eńbekshiqazaq oblysy boıynsha janama salyqtar basqarmasynyń basshysy (2007-2008); Eńbekshiqazaq oblysy boıynsha Salyq basqarmasynyń aýdıt bóliminiń bastyǵy (2008-2009); Almaty oblysy boıynsha Salyq departamentiniń Taldyqorǵan qalasy boıynsha Salyq aýdıti basqarmasynyń zańdy tulǵalardyń aýdıti bóliminiń bastyǵy (2009-2010); Almaty qalasy Túrksib aýdany boıynsha Salyq basqarmasynyń jeke kásipkerlerdiń aqparatyn qabyldaý jáne óńdeý ortalyǵy bóliminiń basshysy (04.2010-05.2010); Almaty qalasy boıynsha Salyq departamentiniń Jetisý aýdany boıynsha Salyq basqarmasynyń Kedendik odaq sheńberindegi janama salyqtardy ákimshilendirý bóliminiń bastyǵy (06.2010-09.2010); Almaty qalasy boıynsha Salyq departamentiniń QQS ákimshilendirý basqarmasynyń bastyǵy (2010-2011); Almaty qalasy boıynsha Salyq departamentiniń Salyq aýdıti basqarmasynyń bastyǵy (2011-2012); Almaty qalasy boıynsha Salyq departamentiniń Bostandyq aýdany boıynsha Salyq basqarmasy basshysynyń orynbasary (2012-2013); Almaty qalasy boıynsha Salyq departamentiniń Bostandyq aýdany boıynsha Salyq basqarmasy basshysynyń orynbasary (2013-2014); Kameraldyq baqylaý departamentiniń Almaty qalasy boıynsha Memlekettik kirister departamentiniń basshysy (2014-2015); Almaty qalasy boıynsha Memlekettik kirister departamentiniń Aýdıt basqarmasynyń basshysy (06.2015-12.2015); Almaty qalasy Alataý aýdany boıynsha Memlekettik kirister basqarmasynyń basshysy (2015-2017); Almaty qalasy Naýryzbaı aýdany boıynsha Memlekettik kirister basqarmasynyń basshysy (2017-2019); Qazaqstan Respýblıkasy Qarjy mınıstrligi Memlekettik kirister komıtetiniń Almaty qalasy boıynsha Memlekettik kirister departamenti basshysynyń orynbasary (2019-2020); Almaty qalasy boıynsha Ekonomıkalyq tergeý basqarmasynyń bastyǵy (2020-2021); Qazaqstan Respýblıkasy Qarjy mınıstrligi Memlekettik kirister komıtetiniń tóraǵasy (2021-2022).

2022 jyldyń maýsym aıynan bastap qazirgi qyzmetinde.