21 tamyz. Tulǵalar týǵan kún
ASTANA. KAZINFORM - Búgin, 21 tamyz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
72 jyl buryn (1952)Qazaqstan Respýblıkasy Jaratylystaný ǵylymdary akademııasynyń jáne Reseı jaratylystaný ǵylymdary akademııasynyń akademıgi, tehnıka ǵylymdarynyń doktory, professor Abaı Muhamedııarudy DOSTIıAROV dúnıege keldi.
Qostanaı oblysy Uzynkól aýdanynyń Demıanovka aýylynda týǵan. 1975 jyly N.E. Baýman atyndaǵy Máskeý joǵary tehnıkalyq ýchılışesiniń energııa mashına jasaý fakýltetin ınjener-mehanık mamandyǵy boıynsha, 1981 jyly N.E. Baýman atyndaǵy Máskeý joǵary tehnıkalyq ýchılışesiniń aspırantýrasyn bitirgen.
1982 jyly AEI jylý-energetıka fakýltetiniń assıstenti, aǵa oqytýshysy, dotsenti jáne dekany, keıinnen Ǵ.Dáýkeev atyndaǵy Almaty energetıka jáne baılanys ýnıversıtetiniń professory bolyp qyzmet atqarǵan.
Dostııarovtyń ǵylymı baǵyty A.M. – gaztýrbınalyq qozǵaltqyshtar men gaztýrbınalyq qondyrǵylardyń janý kameralarynda otynnyń janý tıimdiligi men ekologııalyq qaýipsizdigi. 1982 jyly N.E.Baýman atyndaǵy Máskeý joǵary tehnıkalyq ýnıversıteti janyndaǵy dıssertatsııalyq keńeste tehnıka ǵylymdarynyń kandıdaty ǵylymı dárejesin, al 2000 jyly akademık Sh.Shókın atyndaǵy KazNIIEnergetıkinde doktorlyq dıssertatsııasyn qorǵady.
Dostııarov A.M. 1 tehnıka ǵylymdarynyń doktory, 7 tehnıka ǵylymdarynyń kandıdaty jáne 7 PhD doktory daıyndaldy. 3 monografııanyń, 10-nan astam oqýlyqtar men oqý-ádistemelik quraldardyń, 200-den astam ǵylymı jarııalanymnyń, onyń ishinde 60-tan astam avtorlyq kýálik pen patenttiń avtory.
«KSRO ónertapqyshy», «QR Bilim berý isiniń úzdigi»,«QR BGM Qurmetti qyzmetkeri», «QR Gylymyn damytýdaǵy sińirgen eńbegi úshin» tes belgilerimen, Máskeý qalalyq komıtetiniń, QazKSR Joǵary jáne orta arnaıy bilim mınıstrliginiń, QR Joǵary bilim berý mınıstrliginiń qurmet gramotalarymen marapattalǵan.
60 jyl buryn (1964) Qazaqstan Respýblıkasy Prezıdentiniń Halyqaralyq máseleler jónindegi keńesshisi Erjan Hozeuly QAZYHANOV dúnıege kelgen.
Almaty qalasynda týǵan. Lenıngrad Memlekettik ýnıversıtetiniń Shyǵys fakýltetinde bilim alyp, 1987 jyly oqýyn támamdaǵan. Tarıhshy, shyǵystanýshy. Tótenshe jáne Ókiletti Elshi dıplomatııalyq dárejesi bar.
1989-1992 jyldary QazSSR Syrtqy ister mınıstrligi Protokoldyq-saıası bóliminiń ekinshi hatshysy, birinshi hatshysy, 1992-1995 jyldary QR Memlekettik protokol basqarmasynyń bólim bastyǵy, basqarma bastyǵynyń orynbasary, 1995-2000 jyldary Birikken Ulttar Uıymy janyndaǵy QR Turaqty Ókildiginiń birinshi hatshysy, keńesshisi retinde jumys istedi. 2000-2003 jyldary QR Syrtqy ister mınıstrligi Kóp jaqty yntymaqtastyq departamentiniń dırektory, 2003-2007 jyldary Qazaqstan Respýblıkasynyń Birikken Ulttar Uıymy janyndaǵy Turaqty ókili, Qazaqstan Respýblıkasynyń Kýba Respýblıkasyndaǵy Tótenshe jáne Ókiletti Elshisi qyzmetin qosa atqarýshy. 2007-2008 jyldary QR Syrtqy ister mınıstriniń orynbasary qyzmetin atqardy. 2008 jyly QR Prezıdentiniń kómekshisi, 2008-2011 jyldary Qazaqstan Respýblıkasynyń Aýstrııa Respýblıkasyndaǵy Tótenshe jáne Ókiletti Elshisi, Qazaqstan Respýblıkasynyń Vena qalasyndaǵy halyqaralyq uıymdar janyndaǵy Turaqty ókili retinde eńbek jolyn jalǵastyrdy.
2011 jyly QR Syrtqy ister mınıstriniń orynbasary, 2011-2012 jyldary QR Syrtqy ister mınıstri, 2012-2014 jyldary QR Prezıdentiniń kómekshisi qyzmetin atqardy. 2014-2017 jyldary Qazaqstannyń Ulybrıtanııadaǵy Tótenshe jáne Ókiletti Elshisi, 2017-2021 jyldary Qazaqstan Respýblıkasynyń Amerıka Qurama Shtattaryndaǵy Tótenshe jáne Ókiletti elshisi, 2021-2022 jyldary QR Prezıdentiniń halyqaralyq yntymaqtastyq jónindegi arnaıy ókili, 2022-2023 jyldary QR Prezıdenti Ákimshiligi Basshysynyń orynbasary laýazymyn atqarǵan.
Qazirgi qyzmetin 2023 jyldyń qyrkúıeginen beri atqaryp keledi.
«Qurmet» ordenimen (2011), «Eren eńbegi úshin» medalimen (2005), «Qazaqstan Respýblıkasynyń Táýelsizdigine 10 jyl» (2001), «Qazaqstan Respýblıkasynyń Konstıtýtsııasyna 10 jyl» (2005), «Qazaqstan Respýblıkasynyń Parlamentine 10 jyl» (2006), «Astananyń 10 jyldyǵy» (2008) mereıtoılyq medaldarymen marapattalǵan.
57 jyl buryn (1967) Astana qalasy Tótenshe jaǵdaılar departamentiniń bastyǵy Marat Muhametqalıuly KÚLDІKOV dúnıege keldi.
Semeı oblysynda dúnıege kelgen. QR ІІM Almaty joǵary tehnıkalyq ýchılışesin "órtke qarsy qorǵaýdy uıymdastyrý jáne tehnıkasy" mamandyǵy boıynsha jáne QR TJM Kókshetaý tehnıkalyq ınstıtýtyn "Órt qaýipsizdigi"mamandyǵy boıynsha bitirgen.
Eńbek jolyn 1989 jyly Semeı qalasyn kúzetý boıynsha ІІB №79 áskerılendirilgen órt sóndirý bólimine qarasty órt sóndirýshi bolyp bastaǵan. 1993-2008 jyldary Shyǵys Qazaqstan oblysynyń memlekettik órtke qarsy qyzmet organdarynda orta jáne aǵa basshy quramnyń túrli laýazymdaryn atqardy. 2008-2012 jyldary Shyǵys Qazaqstan oblysy Tótenshe jaǵdaılar departamenti bastyǵynyń orynbasary – Semeı qalasy Tótenshe jaǵdaılar basqarmasynyń bastyǵy, 2012-2014 jyldary Jambyl oblysy Tótenshe jaǵdaılar departamentiniń bastyǵy, 2014-2016 jyldary Batys Qazaqstan oblysy Tótenshe jaǵdaılar departamentiniń bastyǵy, 2016-2019 jyldary QR ІІM Tótenshe jaǵdaılar komıteti tóraǵasynyń orynbasary, 2019-2020 jyldary Tótenshe jaǵdaılar komıteti tóraǵasynyń birinshi orynbasary, 2020-2023 jyldary QR Tótenshe jaǵdaılar vıtse-mınıstri laýazymyn atqarǵan.
Qazirgi qyzmetin 2023 jylǵy qyrkúıekten beri atqaryp jatyr.
57 jyl buryn (1967) Qazaqstan Respýblıkasy Konstıtýtsııalyq sotynyń sýdıasy Aıgúl Qýanyshbaıqyzy QYDYRBAEVA dúnıege keldi.
Zań jáne qarjy mamandyǵy boıynsha eki joǵary bilimi bar.
Eńbek joly: 1995-1996 jyldary Almaty oblystyq Tórelik sotynyń sýdıasy , 1995-2006 jyldary Almaty oblystyq sotynyń sharýashylyq alqasynyń sýdıasy, 2006-2010 jyldary Almaty qalasy sotynyń Bostandyq aýdanynyń sýdıasy, 2010-2011 jyldary Almaty qalalyq sotynyń sýdıasy bolyp qyzmet atqarǵan. 2011-2012 jyldary Almaty qalalyq sotynyń apellıatsııalyq sot alqasynyń tóraıymy, 2012-2013 jyldary Almaty qalalyq sotynyń azamattyq jáne ákimshilik ister jónindegi sot alqasynyń tóraıymy, 2013-2015 jyldary QR Joǵarǵy Sotynyń sýdıasy, 2015-2021 jyldary QR Joǵarǵy sotynyń mamandandyrylǵan sot alqasynyń tóraıymy laýazymyn atqarǵan.
2023 jyldan bastap qazirgi qyzmetinde.
42 jyl buryn (1982)Almaty qalalyq sotynyń azamattyq ister jónindegi sot alqasynyń tóraǵasy Narıman Bektasuly BEKNAZAROV dúnıege keldi.
Jambyl oblysynda týǵan. 2006 jyly Qazaqstan Respýblıkasy Prezıdentiniń janyndaǵy Memlekettik basqarý akademııasyn, magıstratýrany bitirgen.
Eńbek joly: 2003-2004 jyldary Atyraý oblysy mamandandyrylǵan aýdanaralyq ekonomıkalyq sotynyń bas mamany - sot otyrysynyń hatshysy, 2006 jyly QR Joǵarǵy Sotynyń bas sarapshysy m.a., 2006-2008 jyldary QR Joǵarǵy Sotynyń bas sarapshysy, 2008 jyly QR Joǵarǵy Sotynyń bas konsýltanty, 2008-2009 jyldary «GRATA» JShS zańgeri, 2009-2010 jyldary QR Bas prokýratýrasy baspasóz hatshysynyń kómekshisi laýazymyn atqarǵan. 2010-2011 jyldary QR Bas prokýratýrasy apparaty hatshylyǵynyń aǵa kómekshisi, 2011-2013 jyldary Aqmola oblysy, Tselınograd aýdany, Tselınograd aýdany prokýratýrasynyń prokýrory, 2013-2017 jyldary Almaty qalasy Jetisý aýdany prokýratýrasynyń prokýrory, 2017-2018 jyldary Astana qalasynyń mamandandyrylǵan aýdanaralyq ekonomıkalyq sotynyń sýdıasy, 2018-2020 jyldary Astana qalasy Mamandandyrylǵan aýdanaralyq tergeý sotynyń tóraǵasy bolyp qyzmet atqardy.
Qyzmetinde 2020 jyldyń qazan aıynan beri.
