21 naýryz. Tulǵalar týǵan kún
Búgin, 21 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
47 jyl buryn (1978) - «Baıtaq» partııasynyń tóraǵasy, Qazaqstan Respýblıkasy Prezıdenti janyndaǵy Ulttyq quryltaı múshesi Azamathan Saılaýuly ÁMІRTAEV dúnıege keldi.
Jambyl oblysynda týǵan. 2000 jyly Almaty energetıka jáne baılanys ınstıtýtyn, esepteý tehnıkasy jáne baǵdarlamalyq qamtamasyz etý mamandyǵym boıynsha, 2005 jyly Qazaq ulttyq agrarlyq ýnıversıtetin, memlekettik jergilikti basqarý mamandyǵy boıynsha, 2009 jyly London qalasyndaǵy Bellerbys kolledjin, 2009 jyly San-Frantsısko qalasyndaǵy Kaplan Aspect til mektebin, 2016 jyly «Skolkovo» Máskeý basqarý mektebin, Executive MBA (2016) támamdaǵan.
Eńbek joly: 1995-1998 jyldary aqparattyq júıeler jáne tehnologııalar salasyndaǵy jeke kásipkerlik qyzmet (Information technology), 1999-2000 jyldary peıdjıngtik fırmanyń Almaty fılıalynyń dırektory, 2001-2005 jyldary «Kaznewtech» JShS dırektory, 2005-2006 jyldary «Qazaqstan temir joly»UK AQ birinshi vıtse-prezıdentiniń aqparattandyrý jónindegi keńesshisi, 2007-2009 jyldary «Qazaqstan temir joly «UK» AQ prezıdentiniń aqparattandyrý boıynsha keńesshisi , 2004-2008 jyldary «Qazaqstandyq baǵdarlamalyq kompanııalar qaýymdastyǵy» vıtse-prezıdenti, 2005-2008 jyldary «Transtelekom» AQ Dırektorlar keńesiniń múshesi, 2008-2014 jyldary «Qazaqstandyq baǵdarlamalyq kompanııalar qaýymdastyǵy» prezıdenti, 2014-2016 jyldary «Investorlar Alıansy» QQ prezıdenti (tikeleı ınvestıtsııalar qorlary) boldy. 2016 jyldan bastap «Baıtaq-Bolashaq «Ekologııalyq qozǵalysy» RQB prezıdenti, 2019-2020 jyldary QR Prezıdentiniń janyndaǵy ulttyq qoǵamdyq senim keńesiniń múshesi, 2020-2021 jyldary «QazAgro» Ulttyq basqarýshy holdıngi (KZAG) AQ Dırektorlar keńesiniń múshesi boldy.
2023 jyldan bastap «Baıtaq» partııasynyń tóraǵasy.
43 jyl buryn (1982) Qazaqstan Respýblıkasy Aqparat jáne kommýnıkatsııalar mınıstrligi Din isteri jónindegi komıteti tóraǵasynyń orynbasary Ánýar Nurmanuly HATIEV dúnıege keldi.
2004 jyly L.N. Gýmılev atyndaǵy Eýrazııa ulttyq ýnıversıtetin memlekettik jáne jergilikti basqarý mamandyǵy boıynsha, 2006 jyly D.A. Qonaev atyndaǵy ýnıversıtetti zańger mamandyǵy boıynsha bitirgen.
Eńbek joly: 2005-2007 Aqmola oblysy prokýratýra organdarynyń qyzmetkeri, 2007-2014 jyldary QR Monopolııaǵa qarsy organda túrli qyzmetterde, 2015-2016 jyldary QR Ulttyq ekonomıka mınıstrliginiń kóliktegi tutynýshylar quqyqtaryn qorǵaý komıteti departament bastyǵynyń orynbasary, 2016-2017 jyldary QR Aqparat jáne kommýnıkatsııalar mınıstrliginiń Memlekettik qyzmetterdi damytý departamentiniń dırektory boldy, 2019 jyly QR tsıfrlyq damý, Qorǵanys jáne aeroǵarysh ónerkásibi mınıstrliginiń «elektrondyq úkimetti» damý jáne memlekettik kórsetiletin qyzmetter departamentiniń dırektory laýazymyn atqardy.
2019 jyldan bastap qazirgi qyzmetinde.
«Qazaqstan Respýblıkasynyń táýelsizdigine 20 jyl» (2011) mereıtoılyq medalimen marapattalǵan.
100 jyl buryn (1925-1996) aqyn, Qazaqstan Respýblıkasynyń halyq jazýshysy Qýandyq Tólegenuly ShAŃǴYTBAEV dúnıege keldi.
Aqtóbe oblysynda týǵan. Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) bitirgen.
Aqtóbe pedagogıkalyq ınstıtýtynyń kafedra meńgerýshisi, Aqtóbe oblysynyń «Sotsıalıstik jol», «Aktıýbınskaıa pravda» gazetterinde bólim meńgerýshisi, «Qazaq ádebıeti» gazetinde, «Juldyz» jýrnalynda bas redaktordyń orynbasary, bas redaktor, «Qazaqfılm» kınostýdııasynda, Qazaq radıosynda bas redaktor qyzmetterin atqarǵan. Alǵashqy kitaby «Ar» degen atpen 1945 jyly jaryq kórdi. Keıin týǵan ólkeniń shynaıy ózgeristerin, zamandastarynyń aqyl-parasatyn, adamgershilik qasıetin jyrlaǵan «Óleńder», «Aqqý áni», «Ar ma, respýblıkam», «Lırıka», «Jyr jahany», «Gúltolqyn», «Sarshatamyz», «Jyl qusy» atty lırıkalyq shyǵarmalary jaryq kórdi. Shańǵytbaev dramatýrgııa salasynda da eńbek etip, Q.Baıseıitovpen birge «Beý qyzdar-aı», «Oı jigitter-aı», Qutyrǵannan qutylǵan» pesalaryn jáne «Altyn taýlar», «Aısulý» operalarynyń lıberttosyn jazdy. Ol - kóptegen án óleńderiniń avtory. Sondaı-aq A.Pýshkınniń «Evgenıı Onegın» romanyn, M.Lermontov, I.Gete, R.Berns lırıkalaryn, Omar Haıamnyń rýbaıattaryn, A.Gorkııdiń «Qyz ben ajal» poemasyn qazaq tiline aýdardy.