22 mamyr. Jylnama
Kazinform oqyrman nazaryna 22 mamyrǵa arnalǵan ataýly kúnder men este qalar oqıǵalar kúntizbesin usynady.
ATAÝLY KÚNDER
Halyqaralyq bıologııalyq ártúrlilik kúni
1994 jyly ótken Bıologııalyq ártúrlilik týraly Konventsııa (CBD) Taraptar Konferentsııasynyń usynymy negizinde BUU Bas Assambleıasy 1995 jyly arnaıy qararda (No A/RES/49/119) jarııalady. Bastapqyda mereke Bıologııalyq ártúrlilik týraly konventsııa kúshine engen kúni 29 jeltoqsanda toılandy. BUU Bas Assambleıasynyń 2001 jylǵy 8 aqpandaǵy № A/RES/55/201 qararyna sáıkes Halyqaralyq bıologııalyq ártúrlilik kúni Konventsııa mátini qabyldanǵan kún 22 mamyr bolyp belgilendi.
ESTE QALAR OQIǴALAR
1992 jyly Qazaqstan Respýblıkasy Birikken Ulttar Uıymynyń bilim, ǵylym jáne mádenıet máseleleri jónindegi uıymyna (ıÝNESKO) kirgen 164-shi memleket boldy.
2006 jyly Qazaqstan Respýblıkasynyń Birikken Arab Ámirlikterimen dıplomatııalyq qarym-qatynasyn nyǵaıtý maqsatynda Ábý-Dabı qalasynda Qazaqstan Respýblıkasynyń Elshiligi ashyldy.
2012 jyly Nıý-Iorktiń ortalyq kósheleriniń boıynda jyl saıynǵy túrki halyqtarynyń sherýi ótip, oǵan Qazaqstan azamattary alǵash ret qatysyp, túrli baýyrlas ult ókilderine ózderiniń týlaryn kóterip, ulttyq kıimderin kórsetýge múmkindik berdi.
2013 jyly Qazaqstan Respýblıkasy Prezıdentiniń Jarlyǵymen serpindi ǵylymı zertteýleri jáne engizilgen jańalyqtary úshin ǵalymdarǵa arnalǵan ál-Farabı atyndaǵy Memlekettik syılyq taǵaıyndaldy, ol jyl saıyn jeti nomınatsııa boıynsha beriledi.
2013 jyly Damý ınstıtýttaryn, qarjy uıymdaryn basqarý júıesin ońtaılandyrý jáne ulttyq ekonomıkany damytý maqsatynda "Báıterek "Ulttyq basqarýshy holdıngi" AQ quryldy, onyń negizgi qyzmeti oǵan menshik quqyǵynda tıesili jáne ulttyq damý ınstıtýttarynyń, ulttyq kompanııalardyń jáne basqa da zańdy tulǵalardyń aktsııalar paketterin (qatysý úlesterin) senimgerlik basqarýǵa berilgen basqarý bolyp tabylady.
2014 jyly S.Seıfýllına atyndaǵy Qazaq agrotehnıkalyq ýnıversıteti TMD-nyń segiz eli arasynda Ónertabystar boıynsha úzdik joǵary oqý orny atandy. Eýrazııalyq keńestiń sheshimimen JOO rektory Aqylbek Kúrishbaevqa altyn medal tabystaldy. S. Seıfýllın atyndaǵy QazATÝ - Qazaqstandaǵy Eýrazııalyq patenttik uıymnyń nagradasy-V.I. Blınnıkov atyndaǵy "Ónertapqyshtyq jáne patenttik iske qosqan úlesi úshin"Altyn medali berilgen jalǵyz joǵary oqý orny.
2014 jyly Qazaqstan Respýblıkasy Turaqty damý jónindegi Azııa-Tynyq muhıty forýmynyń tóraǵasy bolyp saılandy. Azııa-Tynyq muhıty forýmy damý máseleleri boıynsha óńirlik dıalogqa járdemdesý maqsatynda Birikken Ulttar Uıymynyń Azııa jáne Tynyq muhıty elderi úshin ekonomıkalyq jáne áleýmettik komıssııasynyń (ESKATO) qoldaýymen ótkiziledi.
2017 jyly Shanhaıda sadaq atýdan álem kýbogynda Qazaqstan tuńǵysh ret altyn medal jeńip aldy. Álem kýbogynyń jeńimpazdary Denıs Gankın, Sanjar Musaev jáne Oıbek Saıdıev boldy.
2021 jyly Qazaqstannyń Shveıtsarııadaǵy Elshisi Álibek Baqaev Dúnıejúzilik poshta odaǵynyń (DPO) Bas dırektory Bıshar Hýseınge osy halyqaralyq uıymda akkredıtatsııadan ótýine baılanysty senim gramotasyn tapsyrdy.
1874 jyly Bern kelisimine sáıkes Dúnıejúzilik poshta odaǵy quryldy. 1948 jyldan bastap ol halyqaralyq poshta qyzmetterin retteıtin BUU mekemesi boldy. Qazaqstan DPO-ǵa 1992 jyly resmı túrde qosyldy.
2021 jyly Valrýa shaǵyn kommýnasynda (Merte jáne Mozel departamenti) Frantsııany azat etý kezinde qaza tapqan keńes jaýyngerleriniń qurmetine Stella memorıalyna eskertkish gúl shoqtaryn qoıý jáne Beıbitshilik aǵashyn otyrǵyzý rásimi ótti.
Munda qyzyl áskerdiń 54 jaýyngeriniń kúli jerlengen, olardyń arasynda qazaq jaýyngerleri de bar. Onda Zeınolla Álimǵazıev pen Qonyspek Jaqııanov jerlengeni anyqtaldy.
2023 jyly Qasym-Jomart Toqaev Sıngapýr prezıdenti Halıma ıAkobty 1-dárejeli «Dostyq» ordenimen marapattady. Saltanatty shara barysynda Qazaqstan basshysy Sıngapýr Prezıdentiniń ekijaqty qarym-qatynastardy nyǵaıtý men damytýǵa qosqan eleýli úlesin atap ótti.
