21 mamyr. Tulǵalar týǵan kún
Búgin, 21 mamyr kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
67 jyl buryn (1958) QR Prezıdenti janyndaǵy Memlekettik basqarý akademııasy Dıplomatııa ınstıtýtynyń dırektory Alekseı ıÝrevıch VOLKOV dúnıege keldi.
Almaty qalasynda týǵan. S. M. Kırov atyndaǵy Qazaq Memlekettik ýnıversıtetin, Malaızııa Dıplomatııa jáne halyqaralyq qatynastar ınstıtýtynyń kýrstaryn bitirgen. Tarıh ǵylymdarynyń kandıdaty.
Eńbek joly: 1981-1991 jyldary Qazaq Polıtehnıkalyq ınstıtýtynda jáne Qazaq Memlekettik ýnıversıtetinde ǵylymı-zertteý jumystarymen aınalysqan.1991-1992 jyldary QR Halyqqa bilim berý mınıstrliginde konsýltant bolyp jumys atqarǵan. 1992 jyldan bastap QR Syrtqy ister mınıstrligi júıesinde qyzmet atqardy. 1992-1996 jyldary BUU bóliminiń ekinshi hatshysy, birinshi hatshysy, meńgerýshisi, 1996 -1999 jyldary Qazaqstan Respýblıkasynyń Shveıtsarııa Konfederatsııasyndaǵy Elshiliginiń keńesshisi, keńesshi-ýákili, Jenevadaǵy BUU bólimshesi janyndaǵy Qazaqstan Respýblıkasynyń Turaqty Ókiliniń orynbasary (Shveıtsarııa Konfederatsııasy), 1999 -2003 jyldary QR Prezıdentiniń kómekshisi hatshylyǵynyń basshysy, QR Prezıdenti Ákimshiligi keńsesiniń memlekettik ınspektory, 2003-2005 jyldary QR Syrtqy ister mınıstriniń orynbasary, 2005-2012 jyldary Qazaqstan Respýblıkasynyń Polsha Respýblıkasyndaǵy Tótenshe jáne Ókiletti Elshisi, 2012-2016 jyldary QR Syrtqy ister mınıstriniń orynbasary qyzmetin atqardy. 2016-2021 jyldary Grekııadaǵy Qazaqstan Respýblıkasynyń Tótenshe jáne Ókiletti Elshisi laýazymyn atqarǵan. Tótenshe jáne Ókiletti Elshi dıplomattyq dárejesi bar.
Qazirgi qyzmetin 2022 jyldyń qarasha aıynan beri atqaryp keledi.
55 jyl buryn (1970) Almaty qalasynyń ákimi Erbolat Asqarbekuly DOSAEV dúnıege keldi.
Almaty qalasynda týǵan. Almaty energetıka ınstıtýtyn, Baýman atyndaǵy Máskeý Memlekettik tehnıkalyq ýnıversıtetin bitirdi.
Almaty qalasynda dúnıege kelgen. 1987 jyly Almaty qalasyndaǵy O. Jáýtikov atyndaǵy Respýblıkalyq fızıka-matematıkalyq mektep-ınternatyn bitirdi. Almaty energetıkalyq ınstıtýtyn, Baýman atyndaǵy Máskeý memlekettik tehnıkalyq ýnıversıtetinde bilim aldy.
Eńbek joly: 1997 jyly «Turan Álem Banki» JAQ Basqarma tóraǵasynyń orynbasary, «ATF Bank» Basqarma tóraǵasy, 1998 jyly QR Premer-mınıstri keńesshisi, 1998 jyly QR Energetıka, ındýstrııa jáne saýda vıtse-mınıstri, 2000 jyly QR Qarjy vıtse-mınıstri, 2001 jyly Qazaqstan Damý banki Dırektorlar keńesiniń tóraǵasy, 2001-2003 jyldary QR Tabıǵı monopolııalar, básekelestikti qorǵaý jáne shaǵyn bıznesti qoldaý agenttiginiń tóraǵasy, 2003-2004 jyldary QR Qarjy mınıstri, Qazaqstandaǵy Eýropalyq qaıta qurý jáne damý bankiniń basqarýshysy, QR Ulttyq Bankiniń basqarma múshesi laýazymyn atqarǵan. 2004-2006 jyldary QR Densaýlyq saqtaý mınıstri, 2006-2012 jyldary «Qazınvestbank» AQ Dırektorlar Keńesiniń tóraǵasy, 2012-2013 jyldary QR Ekonomıkalyq damý jáne saýda mınıstri, 2013-2014 jyldary QR Ekonomıka jáne bıýdjettik josparlaý mınıstri, 2014-2016 jyldary QR Ulttyq ekonomıka mınıstri, 2016-2017 jyldary «Báıterek» Ulttyq basqarýshy holdıng» AQ basqarma tóraǵasy, 2017-2019 jyldary QR Premer-Mınıstriniń orynbasary, 2019-2022 jyldary QR Ulttyq bankiniń tóraǵasy bolyp qyzmet atqardy.
Qazirgi qyzmetinde 2022 jyldyń qańtar aıynan beri.
47 jyl buryn (1978) Aqtaý qalasynyń ákimi Ábilqaıyr Janauly BAIPAQOV dúnıege keldi.
Mańǵystaý oblysy, Mańǵystaý aýdanynda týǵan.
Esenov atyndaǵy Aqtaý ýnıversıtetin «Tarıh pániniń muǵalimi» mamandyǵy boıynsha (1999 j.) Halyqaralyq eńbek akademııasyn «Memlekettik jáne jergilikti basqarý» mamandyǵy boıynsha bitirgen (2003).
Eńbek joly: Esenov atyndaǵy Aqtaý ýnıversıtetiniń tarıh jáne fılosofııa kafedrasynyń oqytýshysy (1999-2000); Mańǵystaý oblystyq aqparat jáne qoǵamdyq kelisim basqarmasynyń jetekshi mamany (2000-2001); Mańǵystaý oblysynyń ishki saıasat basqarmasynyń uıymdastyrý-ádistemelik bóliminiń bastyǵy (2002-2004); Aqtaý qalasy ákiminiń kómekshisi (2004-2005); «Otan» ónerkásipshiler men kásipkerler respýblıkalyq partııasy Mańǵystaý oblystyq fılıaly Aqtaý qalalyq ókildigi tóraǵasynyń birinshi orynbasary (2005-2006); Aqtaý qalasy ákimi apparatynyń basshysy (01.2006-09.2006); Baıandy aýylynyń ákimi (09.2006-10.2007); «Kaspıı» SK SK» AQ departamentiniń dırektory (2007-2010); «Nur Otan» HDP Mańǵystaý oblystyq fılıaly uıymdastyrý-partııalyq jumys bóliminiń meńgerýshisi (2010-2012); «CASPI BITUM» BK» JShS kadrlar bóliminiń bastyǵy (2012-08.2020); Mańǵystaý oblysy, Aqtaý qalasy ákiminiń orynbasary (17.08.2020-04.2023); Mańǵystaý oblysynyń mádenıet basqarmasynyń basshysy (2023-2024).
Qazirgi qyzmetinde 2024 jyldyń shildesinen beri.
44 jyl buryn (1981) Qyzylorda oblysynyń memlekettik satyp alý basqarmasynyń basshysy Baýyrjan Serikuly ShÁMENOV dúnıege keldi.
Qyzylorda qalasynda týǵan. Qazaq gýmanıtarlyq zań ýnıversıtetin «Quqyqtaný» mamandyǵy boıynsha bitirgen (2002); Qazaq akademııalyq ýnıversıteti, Mamandyǵy: Qarjy jáne nesıe (2004).
Eńbek joly: «Rýh» zań fırmasynyń zańgeri (2002); Qyzylorda oblysy boıynsha qazynashylyq departamentiniń kadr, zań qyzmeti jáne arnaıy jumys bóliminiń bas mamany (2002-2005); Qyzylorda oblysy ákimi apparatynyń memlekettik-quqyqtyq jumys bóliminiń bas mamany (2005-2006); Qazaqstan Respýblıkasy Memlekettik qyzmet isteri agenttiginiń oblystyq departamenti tártiptik keńes hatshylyǵynyń memlekettik qyzmet týraly zańnamanyń saqtalýyn baqylaý jáne sybaılas jemqorlyqqa qarsy kúres bóliminiń konsýltanty (2006-2008); Qyzylorda oblysy ákimi apparatynyń memlekettik-quqyqtyq jumys bóliminiń basshysy (2008-2013); Qyzylorda oblysynyń tabıǵı resýrstar jáne tabıǵatty paıdalanýdy retteý basqarmasy basshysynyń orynbasary (07.2013-10.2019); Qyzylorda oblystyq tabıǵı resýrstar jáne tabıǵatty paıdalanýdy retteý basqarmasynyń basshysy (10.2019-05.2022); Qyzylorda oblysy boıynsha Baqylaý basqarmasynyń (GASK, eńbek ınspektsııasy) basshysy (05.2022-12.2022).
Qazirgi qyzmetinde 2022 jyldyń jeltoqsanynan beri.