21 qyrkúıek. Tulǵalar týǵan kún
Búgin, 21 qyrkúıek kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
74 jyl buryn (1951) QR Qarýly Kúshteri joǵarǵy qolbasshylyǵynyń ókili, general-leıtenant Abaı Bólekbaıuly TASBOLATOV dúnıege keldi.
Soltústik Qazaqstan oblysynda týǵan. Almatynyń Joǵary jalpy áskerı basqarý ýchılışesin, Máskeýdiń Frýnze atyndaǵy Áskerı akademııasyn bitirgen. 1969 jyldan beri Qarýly Kúshter qatarynda qyzmet etti. 1973-1997 jyldary Almaty joǵary jalpy áskerı basqarý ýchılışesinde kýrsanttar vzvodynyń komandırinen ýchılışe bastyǵyna deıingi joldan ótip, Memlekettik qorǵanys komıtetiniń bólim bastyǵy boldy. 1997-2002 jyldary Respýblıka Qarýly Kúshteri Áskerı akademııasynyń bastyǵy qyzmetin atqardy. 2002-2006 jyldary QR Qorǵanys mınıstriniń orynbasary boldy. 2006-2011 jyldary Respýblıkalyq ulanynyń qolbasshysy, 2012-2016 jyldary besinshi shaqyrylymdaǵy, 2016-2021 jyldary altynshy shaqyrylymdaǵy Májilis depýtaty boldy.
«Dańq» ordenimen, medaldarmen marapattalǵan.
61 jyl buryn (1964) shańǵyshy, 1994 jylǵy Olımpıada chempıony, 4 dúrkin álem chempıony, Olımpıada oıyndarynyń 4 dúrkin kúmis jáne eki dúrkin qola júldegeri Vladımır Mıhaılovıch SMIRNOV dúnıege keldi.
Kókshetaý oblysy Şýchınsk qalasynda týǵan. P. F. Lesgaft atyndaǵy Áskerı dene shynyqtyrý ınstıtýtynyń sport nusqaýshylary kýrsyn bitirgen, sport nusqaýshysy (1983); Qazaq memlekettik dene shynyqtyrý ınstıtýty, dene shynyqtyrý jáne sport pániniń muǵalimi (1986).
Eńbek joly: 1980-1992 jyldary KSRO jáne TMD ulttyq quramalarynda óner kórsetti. 1988 jyly Kalgarıdegi XV qysqy Olımpıada oıyndarynyń qatysýshysy, 1992 jyly Albertvılldegi XVI qysqy Olımpıada oıyndarynyń qatysýshysy, 1994 jyly Lıllehammerdegi XVII qysqy Olımpıada oıyndarynyń qatysýshysy, 1998 jyly Naganodaǵy XVIII qysqy Olımpıada oıyndarynyń qatysýshysy boldy. 2004-2005 jyldary Nagano Olımpıadasyndaǵy Halyqaralyq Olımpıada komıtetiniń Atletter komıssııasynyń múshesi; Halyqaralyq bıatlon odaǵynyń sport dırektorynyń kómekshisi, 2006-2010 jyldary IBU Kongressiniń sport jónindegi vıtse-prezıdenti, 2005-2014 jyldary «Scania Kazakhstan» Ókiletti ókiliniń orynbasary, «Scania Central Asia» JShS bas dırektory, Scania kompanııasynyń TMD elderi boıynsha keńesshisi, 2014 jyly «Astana» Prezıdenttik kásibı sport klýby» korporatıvtik qorynyń bas dırektor qyzmetinde bolǵan. yQazaqstan Respýblıkasynyń Shvetsııadaǵy Qurmetti konsýly.
«Dańq» ordenimen marapattalǵan, Halyqtar dostyǵy (1988); medaldar: 4 altyn (1987, 1989, 1993, 1995), 4 kúmis, 3 qola, Norvegııanyń eń joǵary sporttyq marapaty — Holmenkollen medali. Álem kýbogynyń jeńimpazy: 1991/92, 1993/94.
47 jyl buryn (1978) Túrkistan oblystyq sotynyń tóraǵasy Aıdos Edigeuly SULTANOV dúnıege keldi.
Ońtústik Qazaqstan oblysynyń Saıram aýdanynda týǵan. 1997 jyly Shymkent zań kolledjin, 2000 jyly Qostanaı zań ınstıtýtyn bitirgen.
Eńbe joly: 1997-2000 jyldary Shymkent qalalyq ІІB Tergeý bóliminiń densaýlyqqa jaraqat salý jónindegi tergeýshisi qyzmetin atqarǵan. 2000-2001 jyldary Ońtústik Qazaqstan oblystyq ІІB Tergeý basqarmasynyń asa aýyr qylmystardy tergeý jónindegi tergeýshisi, 2001-2004 jyly Ońtústik Qazaqstan oblystyq ІІB Tergeý basqarmasynyń asa aýyr qylmystardy tergeý jónindegi tergeýshisi, 2004-2008 jyldary Ońtústik Qazaqstan oblystyq ІІD AB tergeý bóliminiń bastyǵy, 2008-2013 jyldary Shymkent qalasy, Eńbekshi aýdandyq sotynda sýdıasy qyzmetin atqarǵan. 2013-2017 jyldary OQO Túlkibas aýdandyq sotynyń tóraǵasy, 2017-2021 jyldary Shymkent qalasy Eńbekshi aýdandyq sotynyń tóraǵasy, 2021-2024 jyldary Túrkistan oblystyq sotynyń qylmystyq ister jónindegi sot alqasynyń tóraǵasy laýazymyn atqardy.
Qazirgi qyzmetine 2024 jyldyń sáýir aıynda kiristi.
46 jyl buryn (1979) «Qalalyq kólik júıeleri» JShS basqarma tóraǵasy Asylbek Jeksenbaıuly DÚISEBAEV dúnıege keldi.
2001 jyly S.Seıfýllın atyndaǵy Aqmola agrarlyq ýnıversıtetin «Ekonomıst-menedjer» mamandyǵy boıynsha támamdady.
Eńbek jolyn 1998 jyly «Agrotsentr-Astana» JShS-da tekserýshi revızor bolyp bastady. 2002-2005 jyldary Astanalyq jel elektr stansasy komıtetiniń bas mamany, QR Kólik jáne kommýnıkatsııa mınıstrligi Baılanys jáne aqparat komıtetiniń bas mamany, QR Baılanys jáne aqparattandyrý agenttigi komıtetiniń bólim basshysy, QR Kólik jáne kommýnıkatsııa mınıstrliginiń Avtomobıl joldary jáne ınfraqurylym qurylysy, QR Prezıdenti Ákimshiliginiń Uıymdastyrý-baqylaý jumysy jáne kadr saıasaty basqarmasynyń uıymdastyrý-baqylaý bóliminiń bas ınspektory, 2005-2006 jyldary QR Prezıdenti Ákimshiliginiń memlekettik baqylaý jáne uıymdastyrý jumysy bóliminiń bas ınspektory, 2006 jyly Qaraǵandy oblysy ákiminiń kómekshisi 2006 jyly Qazybek bı atyndaǵy aýdan ákiminiń orynbasary, 2006-2007 jyldary Qaraǵandy qalasy ákiminiń orynbasary, 2007-2009 jyldary Qaraǵandy oblysy ákimi apparatynyń basshysy, 2009-2010 jyldary Qaraǵandy oblysy ákiminiń orynbasary, 2010-2011 jyldary QR Prezıdenti Ákimshiliginiń memlekettik ınspektory, 2011-2012 jyldary QR Kólik jáne kommýnıkatsııa vıtse-mınıstri, 2012-2014 jyldary QR Tabıǵı monopolııalardy retteý agenttigi tóraǵasynyń orynbasary, 2014-2022 jyldary Qaraǵandy oblysy ákiminiń birinshi orynbasary laýazymyn atqarǵan.
37 jyl buryn (1988) Túrkistan oblysy týrızm basqarmasynyń basshysy Nurdáýlet Danabaıuly MEDEÝOV dúnıege keldi.
Túrkistan oblysynyń Qazyǵurt aýdanynda týǵan. L.N.Gýmılev atyndaǵy Eýrazııa Ulttyq ýnıversıtetinde "Týrızm" jáne Shymkent qalasy Shymkent ýnıversıtetinde "Ekonomıka" mamandyǵy boıynsha bilim alǵan. Túrkııa Respýblıkasy, Antalııa qalasyndaǵy Aqteńiz ýnıversıteti "Týrızm jáne qonaq úı bıznesiniń" magıstri.
Eńbek jolynda «Ońtústik Qazaqstan oblysy týrızmdi damytý assotsıatsııasy» qoǵamdyq birlestiginiń dırektor mindetin atqarýshy, Astana qalasynyń bilim basqarmasy «Jas saıahatshylar stantsııasy» memlekettik mekemesiniń týrızm nusqaýshysy, 2017 jyly Astana qalasynyń bilim basqarmasy «Balalar men jasóspirimderdiń týrızm jáne ólketaný ortalyǵy» MKQK-niń týrızm nusqaýshysy bolyp qyzmet etti.
Túrkistan oblysy týrızm jáne syrtqy baılanystar basqarmasynyń «Turkistan Tourism Center» týrıstik aqparattyq ortalyǵy» KMM-niń basshy orynbasary, Týrızm basqarmasy Týrızmdi damytý bóliminiń bas mamany, Týrıstik jobalardy josparlaý jáne júzege asyrý bóliminiń basshysy, Týrızmdi damytý jáne týrıstik jobalardy iske asyrý bóliminiń basshysy bolyp eńbek etti. Jyl basynan búgingi kúngn deıin, Túrkistan oblysynyń mádenıet jáne týrızm basqarmasy jáne mádenıet basqarmasy basshysynyń orynbasary laýazymyn atqardy.
Qazirgi qyzmetin 2024 jyldyń qyrkúıeginen beri atqaryp keledi.
36 jyl buryn (1989) Qazaqstan Respýblıkasy Qarjy naryǵyn retteý jáne damytý agenttigi tóraǵasynyń birinshi orynbasary Tımýr Bókeıhanuly ÁBІLQASYMOV dúnıege keldi.
Almaty qalasynda týǵan.2012 jyly Qazaqstan Menedjment, Ekonomıka jáne Boljaý ınstıtýtyn (QMEBI) «Bıznes ekonomıkasy jáne memlekettik saıasat ekonomıkasy» mamandyǵy boıynsha bitirgen. 2015 jyly London q., Ulybrıtanııada «Táýekelderdi basqarý» boıynsha magıstrlik baǵdarlamany bitirip, Jahandyq iskerlik basqarý magıstri dárejesi berildi.
Eńbek jolyn «Kazinvest Bank» AQ-ta bastady, bank portfelin basqarý jáne eseptiligi jónindegi mamannan bastap naryqtyq táýekelder jáne ótimdilik táýekelderi bóliminiń bastyǵyna deıin ár túrli laýazymdardy atqardy. 2016-2017 jyldary «QazMunaıGaz Ónimderi» JShS táýekelderdi basqarý jáne ishki baqylaý qyzmetiniń basshysy laýazymynda jumys istedi. 2017-2018 jyldary «Qazaqstan temir joly» ulttyq kompanııasy» AQ Táýekelderdi basqarý departamenti dırektorynyń orynbasary laýazymynda jumys istedi, Halyqaralyq qarjylyq eseptilik standarttary jónindegi ádisnamalyq keńestiń múshesi boldy. 2018-2021 jyldary Radius Advisory Lab konsaltıngtik kompanııasynyń aǵa seriktesi bolyp jumys istedi. 2021-2024 jyldary QR Qarjy naryǵyn retteý jáne damytý agenttigi Tóraǵasynyń keńesshisi laýazymyn atqardy. 2024 jyly «NAC Analytica» korporatıvtik qorynyń Basqarma Tóraǵasy boldy. 2024-2025 jyldary QR Qarjy naryǵyn retteý jáne damytý agenttigi Tóraǵasynyń orynbary bolyp qyzmet atqardy.
Qazirgi laýazymyn 2025 jyldyń qyrkúıeginen beri atqaryp keledi.
35 jyl buryn (1990) aktrısa, stsenarıst Almıra TURSYN dúnıege keldi.
Almaty qalasynda týǵan. Ál-Farabı atyndaǵy Qazaq memlekettik ýnıversıtetin, Máskeý memlekettik ýnıversıtetin bıznesti basqarý mamandyǵy boıynsha bitirgen.
2019 jyly ol basty róldi somdaǵan Aqan Sataevtyń «Tomırıs» tarıhı fılminde aktrısa retinde debıýt jasady.
2020 jyly rejısser Aqan Sataevpen «Boksshy» sporttyq dramasynyń stsenarısi retinde jumysyn jalǵastyrdy.
2022 jyly Ádilhan Erjanovtyń «Golıaf» qazaq dramasynda basty keıipker Arzýdyń áıeli rólin somdady.
2022 jyly Mrs. Globe Kazakhstan baıqaýynyń jeńimpazy atandy.
121 jyl buryn (1904-1998) akter jáne qoıýshy-rejısser, Qazaqstannyń halyq ártisi qazaq teatrynyń negizin qalaýshylardyń biri Qapan Oraluly BADYROV dúnıege keldi.
Qazirgi Qostanaı oblysy Qarabalyq aýdany Tabyn aýylynda týǵan. Qazaq teatrynyń irgesin qalasqan óner sańlaqtarynyń biri. Aýyl mektebin bitirgennen keıin, 1922-1925 jyldary Orynbordaǵy Qazaq halyq aǵartý ınstıtýtynda oqyǵan. Sondaǵy kórkemónerpazdar úıirmesine belsene qatysyp, 1922 jyly B. Maılınniń «Betim-aý, qudaǵı» dep atalatyn shaǵyn pesasynda Aıqyn kelinshektiń rólin oınap shyqqan. 1925 jyly jańadan uıymdastyrylyp jatqan Qazaq drama teatryna shaqyrylady. 1926 jyly Qazaq drama teatry gastrolge ketkende, Badyrov joldamamen Almaty mal dárigerlik tehnıkýmyna oqýǵa jiberiledi. Onda oǵan jastar teatrynyń kórkemdik jaǵyn basqarý isi tapsyrylyp, M. Áýezovtiń «Qaragóz», «Eńlik-Kebek», Ó. Ospanovtyń «Zarlyq», Á. Sultanovtyń «Darıǵa-Qaıdar», tatar jazýshysy Fahtı Býrnashtyń «ıAsh ıýrıaklar» spektaklderin qoıyp, ózi de rólderde oınady. 1931 jyly Qazaq drama teatryna qaıta oralady. Alǵashqy kórnekti róli — M. Trıgerdiń «Súńgýir qaıyǵyndaǵy „Igor Olenın. Sonan keıin Erkebulan (S. Seıfýllınniń „Qyzyl suńqarlarynda“), Jetekshi (N. Pogodınniń „Meniń dosymynda“), Mıhaılov (V. Kırshonnyń „Astyǵynda“), Naýan haziret, Amangeldi (Ǵ. Músirepovtiń „Aqan seri — Aqtoqty“ men „Amangeldisinde“), Telǵara (Á. Tájibaevtyń „Jalǵyz aǵash orman emesinde“), Jomart (Ǵ. Mustafınniń „Mıllıonerinde“), professor Mamlıýk (F. Volftiń „Professor Mamlıýginde“), Arqalyq (J. Shanınniń „Arqalyq batyrynda“), Bekbolat (B. Maılınniń „maıdanynda“), Shyńǵys sultan, Álıhan Bókeıhanov (S. Muqanovtyń „Shoqan Ýálıhanovy“ men „Sáken Seıfýllıninde“), Tóle bı (T. Ahtanovtyń „Antynda“), M. ıArovoı (K. Trenevtiń „Lıýbov ıArovaıasynda“), Otello (Ý. Shekspırdiń „Otellosynda“), Ýázir (N. Hıkmettiń „Farhad-Shyrynynda“), t. b. rólderdi oınap, Qazaqsahnasynda kóptegen kesek obrazdar jasady. Ásirese, Naýan haziret pen Otello beıneleri — Badyrovtyń Qazaqsahna ónerin damytýǵa qosqan eleýli úlesi. Keıinirek Ý. Shekspırdiń „Asaýǵa-tusaýyndaǵy“ Baptısta, M. Áýezovtiń „Eńlik-Kebegindegi“ Abyz beıneleri sııaqty qarama-qaıshy harakterlerdi sahnalaýy onyń jan-jaqty darynyn tanytty. M. Áýezov dramatýrgııasy Badyrov shyǵarmashylyǵynan erekshe oryn alyp, Jazýshynyń 21 pesasynda oınady. Olardyń arasynda Kembaı, Kóbeı, Qaramende, Espembet („Eńlik — Kebekte“), Kerim („Abaıda“), Sapa, maıqan bolys („Túngi sarynda“), Demeýjan („Báıbishe-toqalda“), Maman („Aıman — Sholpanda“), Qobylandy („Qaraqypshaq Qoblandyda“), Káriboz batyr („Han kenede“), Bóribasar (Á. Tájibaevpen birigip jazǵan „Aq qaıyńda“), B. Momyshuly, Stalın (Á. Ábishevpen birigip jazǵan „Namys gvardııasynda“) sııaqty obrazdar bar. M. Áýezovtiń „Abaı“ romanynyń ınstsenırovkasyndaǵy Abaı róli úshin KSRO memlekettik syılyǵy berilgen (1952). 1940-1941 jyldary rejıssýramen de aınalysyp, Á. Ábishevtiń „Joldastaryn“ sahnaǵa shyǵardy. Kınoda Qarataı („Amangeldide“), Aıdar, Syrttan („Abaı áninde“), Kóregen („Alyp týraly ańyzda“), Sársen („Ómir jolynda“) rólderin oınaǵan. Babyrovtyń „Ótkender men ótkelder“ (1974), „Esten ketpes esimder“ (1981), „Teatr, moıa sýdba“ (1987) degen estelik kitaptary, kóptegen maqalalary jaryq kórdi. Eki ret Eńbek Qyzyl Tý, „Halyqtar dostyǵy“ ordenderimen marapattalǵan.