21 qańtarda Qazaqstan joldaryndaǵy ahýal qandaı
ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.
Ulttyq kompanııanyń málimetinshe, 2025 jylǵy 21 qańtar saǵat 08:00-degi jaǵdaı boıynsha Pavlodar oblysynda «Astana – Shiderti – Pavlodar – Ýspenka – RF shekarasy» avtojolyndaǵy jolaıryqtyń kópir qurylymynyń shetki arqalyqtary zaqymdanýyna baılanysty «Qalqaman» jolaıryǵy ýchaskesi jabyldy. Atap aıtqanda, Qalqaman eldi mekenine kireberis pen Astana baǵytyna shyǵatyn jol ýaqytsha jabyq.
Astanaǵa deıin qozǵalys «Qalqaman – Aqsý» baǵytyndaǵy «Bereke» kólik aıryǵy arqyly, al Pavlodardan Qalqaman eldi mekenine kirý «Baıanaýyl» kólik aıryǵy arqyly qamtamasyz etiledi.
Aýa raıy
2026 jylǵy 21 qańtarda Aqmola, Qaraǵandy, Soltústik Qazaqstan, Batys Qazaqstan, Shyǵys Qazaqstan, Qostanaı, Jambyl, Túrkistan, Aqtóbe, Qyzylorda, Atyraý, Abaı jáne Pavlodar oblystarynyń keı jerinde qar jaýyp, boran soǵady.
– Sol sebepti júrgizýshilerge jyldamdyq rejımi men qaýipsiz araqashyqtyqty qatań saqtap, joldardaǵy aýa raıy jaǵdaıyn eskerýlerińizdi suraımyz, - delingen habarlamada.
Eske salaıyq, buǵan deıin Qazaqstannyń 13 óńiri men eki megapolısinde aýa raıyna baılanysty eskertý jasalǵan edi.