21 qańtar. Tulǵalar týǵan kún
Búgin, 21 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
65 jyl buryn (1961) Qyzylorda oblysy kásipodaqtar birlestiginiń aýmaqtyq tóraǵasy Maqsut Ybraıhanuly NÁLІBAEV dúnıege keldi.
Qyzylorda oblysynda týǵan. 1983 jyly Jambyl gıdromelıoratıvtik qurylys ınstıtýtyn, 1988 jyly KSRO Іshki ister mınıstrliginiń Saratov joǵary kýrsyn, 1995 jyly QR ІІM Qaraǵandy joǵary mektebin bitirgen, zańger.
Eńbek joly: Qyzylorda qalasy ishki ister bóliminiń bastyǵy, Qyzylorda, Qaraǵandy, Aqmola, Jambyl oblystary boıynsha Ekonomıkalyq qylmysqa jáne sybaılas jemqorlyqqa qarsy kúres departamenti (qarjy polıtsııasy) bastyǵy, Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) sybaılas jemqorlyq týraly isterdi ashý jáne onyń aldyn alý departamenti bastyǵy, QR Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) Aqparattyq–taldaý departamenti bastyǵy, QR Memlekettik qyzmet isteri jónindegi agenttiginiń Qyzylorda oblysy boıynsha aýmaqtyq basqarmasynyń bastyǵy – Tártiptik keńes Tóraǵasy, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý jáne Ońtústik Qazaqstan oblystary boıynsha basshysy laýazymdarynda boldy. 2016-2019 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jambyl oblysy boıynsha departamentiniń basshysy, Ádep jónindegi keńes tóraǵasy. 2019-2021 jyldary Qyzylorda oblysy ákiminiń ekonomıkalyq qaýipsizdik máseleler jónindegi keńesshisi.
Qazirgi qyzmetinde – 2021 jyldyń shildesinen.
«Qurmet» ordenimen, «Qazaqstan Respýblıkasynyń Táýelsizdigine 10 jyl», «Qazaqstan Respýblıkasynyń Konstıtýtsııasyna 10 jyl», «Astana qalasyna 10 jyl», «Qazaqstan Respýblıkasynyń táýelsizdigine 20 jyl» medaldarymen jáne ózge vedomstvolyq nagradalarmen marapattalǵan.
51 jyl buryn (1975) Atyraý oblystyq polıtsııa departamentiniń basshysy Ońal Botauly BEKIEV dúnıege keldi.
Almaty oblysynda dúnıege kelgen.
1997 jyly Qazaq memlekettik agrarlyq ýnıversıtetin, 2002 jyly Qazaq gýmanıtarlyq zań ýnıversıtetin, 2014 jyly Qazaq ekonomıka, qarjy jáne halyqaralyq saýda ýnıversıtetin támamdaǵan.
Eńbek joly: ishki ister organdaryndaǵy qyzmetin 1998 jyly QR ІІM qarasty MKQD úkimettik mekemelerdi jáne dıplomatııalyq ókildikterdi kúzetý jónindegi mılıtsııa Polkiniń ınspektory laýazymynan bastaǵan. 1999-2015 jyldary ishki ister organdarynda ártúrli orta jáne aǵa basshylyq quram laýazymdarynda qyzmet atqarǵan. 2015-2018 jyldary Astana qalasy Mamandyrylǵan kúzet qyzmeti basqarmasynyń bastyǵy, 2018 jyly Almaty oblysy ІІD bastyǵynyń orynbasary, 2018-2019 jyldary QR ІІM Kadr jumysy (saıasaty) departamenti bastyǵynyń orynbasary, 2019 jyly Kóliktegi polıtsııa departamenti bastyǵynyń orynbasary qyzmetin atqarǵan. 2019-2022 jyldary – Kóliktegi polıtsııa departamentiniń bastyǵy laýazymynda boldy.
2026 jyldyń qańtar aıynan bastap qazirgi qyzmetinde.
45 jyl buryn (1981) «Transtelekom» AQ Basqarma tóraǵasynyń ákimshilik jáne quqyqtyq máseleler jónindegi orynbasary Ashat Mertnaıuly YBYRAEV dúnıege keldi.
Qostanaıda týǵan. 2002 jyly A.Baıtursynov atyndaǵy Qostanaı memlekettik ýnıversıtetin quqyqtaný mamandyǵy boıynsha bitirgen.
Eńbek joly: 2002-2003 jyldary Qostanaı oblysy, Qarasý aýdanynda prokýrordyń kómekshisi mindetin atqarýshy, 2003-2006 jyldary Qostanaı oblysy, Qarasý aýdany prokýrorynyń kómekshisi, 2006-2008 jyldary Qostanaı oblystyq prokýratýrasynyń qylmystyq ister boıynsha sot qaýlylarynyń zańdylyǵyn qadaǵalaý basqarmasynyń prokýrory, 2008-2010 jyldary Qostanaı qalasy prokýrorynyń orynbasary bolyp qyzmet etti. 2010 jyldary Qostanaı oblysy prokýratýrasynyń basqarma bastyǵy – apparat basshysy, 2017-2018 jyldary QR Bas prokýrory apparatynyń ótinishtermen jumys jáne is júrgizý basqarmasynyń bastyǵy boldy. 2018-2019 jyldary Qostanaı oblysy prokýrorynyń orybasary qyzmetin atqarǵan, 2019 jyly QR Bas prokýratýrasynyń quqyqtyq statıstıka jáne arnaıy esepke alý komıtetiniń jeke jáne zańdy tulǵalardyń ótinishterin esepke alý jáne taldaý basqarmasyn basqardy.
32 jyl buryn (1994) Qazaqstan Respýblıkasy Jasandy ıntellekt jáne tsıfrlyq damý mınıstrliginiń Tsıfrlyq aktıvter jáne serpindi tehnologııalar komıtetiniń tóraǵasy Ǵızzat Seıdahmetuly BAITURSYNOV dúnıege keldi.
Shymkent qalasynda týǵan. Azııa-Tynyq muhıty ýnıversıtetin (2018) elektrotehnıka jáne elektronıka ınjeneri mamandyǵy boıynsha jáne D.A. Qonaev atyndaǵy ýnıversıtetti (2020) quqyqtaný mamandyǵy boıynsha bitirgen.
Eńbek joly: El Kondy qurylys kompanııasynda (2018-2019), Qazaqstan Respýblıkasy Tsıfrlyq damý, ınnovatsııa jáne aeroǵarysh ónerkásibi mınıstrliginiń Elektrondyq ónerkásipti damytý departamentiniń keńse ınspektory (2019); Qazaqstan Respýblıkasy Tsıfrlyq damý, ınnovatsııa jáne aeroǵarysh ónerkásibi mınıstrliginiń Elektrondyq ónerkásipti damytý departamentiniń sarapshysy (2020); Qazaqstan Respýblıkasy Tsıfrlyq damý, ınnovatsııa jáne aeroǵarysh ónerkásibi mınıstrliginiń Elektrondyq ónerkásipti damytý departamentiniń bas sarapshysy (2020-2021); Qazaqstan Respýblıkasy Tsıfrlyq damý, ınnovatsııa jáne aeroǵarysh ónerkásibi mınıstrliginiń Elektronıka ónerkásibin damytý departamentiniń elektronıkany damytý bóliminiń basshysy (2021-2022); Qazaqstan Respýblıkasy Tsıfrlyq damý, ınnovatsııa jáne aeroǵarysh ónerkásibi mınıstrliginiń Elektronıka ónerkásibi jáne tsıfrlyq aktıvter ındýstrııasyn damytý departamentiniń dırektorynyń orynbasary (2022-2023); Qazaqstan Respýblıkasy Tsıfrlyq damý, ınnovatsııa jáne aeroǵarysh ónerkásibi mınıstrliginiń Elektronıka ónerkásibi jáne tsıfrlyq aktıvter ındýstrııasyn damytý departamentiniń dırektory qyzmetterin atqardy (2023-2024).
Qazirgi qyzmetin 2024 jyldyń shilde aıynan beri atqaryp keledi.
60 jyl buryn (1966-2021) belgili qazaqstandyq akter Farhat Nursultanuly ÁBDІRAIYMOV dúnıege kelgen.
Almaty qalasynda týǵan. 1988 jyly Almaty tehnologııalyq ýnıversıtetiniń tehnologııalyq fakýltetin bitirgen, ınjener-tehnolog.
2007 jyldan «Nur Otan» HDP saıası keńesi bıýrosynyń múshesi. 1988 jyldan «Týrıst» meıramhanasynyń dırektory, 1999 jyldan Sh. Aımanov atyndaǵy Qazaq kınofabrıkasynyń (qazirgi Sh.Aımanov atyndaǵy «Qazaqfılm» AQ) akteri boldy.
«Kimniń jany názik bolsa» - Farhat («Mosfılm» - «Qazaqfılm», 1996), «Fara» - Fara («Qazaqfılm», 1999), «Zastava» - Esirtki barony («Mosfılm», 2005), «Hokkaıdo polıtsııasy» - mafııa bastyǵy («Mosfılm», 2008), «Qyzǵylt tústi qoıan týraly hıkaıa» - Jaıbarhan («Qazaqfılm», 2010), «Mahabbat tálkegi» - Jattyqtyrýshy (2010), «Tasadaǵy mahabbat» - Sergeı («Mosfılm», 2010), «Naǵyz polkovnık» - Jandos («Mosfılm» - «Qazaqfılm», 2010) jáne ózge de kınofılmderge túsken. QR Bılıard sporty federatsııasynyń vıtse-prezıdenti (2001 jyldan). QR Kınematografıster odaǵynyń múshesi (2005 jyldan). QR Prezıdentiniń Qurmet gramotasymen marapattalǵan (2003). RF «Úzdik akter» kınobasylymynyń bas júldegeri (1996), XXI Halyqaralyq kınofestıvaliniń «Svıatoı Georgıı Pobedonosets» Gran-prı júldegeri (Máskeý, 1999), «Altyn Adam» syılyǵynyń «Jyl kınojuldyzy» nomınatsııasynyń ıegeri (2000).