2029 jylǵa deıin 1,6 myń km jylý berý jelisi jańǵyrtylady

ASTANA. KAZINFORM — Elimizde 2029 jylǵa deıin 1,6 myń km jylý berý jelisi jańǵyrtylady. Bul týraly Elektr energetıkasyn damytý departamentiniń dırektory Asyljan Mýsın aıtty. 

— «Energetıka jáne kommýnaldyq sektordy jańǵyrtý» ulttyq jobasy aıasynda 1,6 myń km jylý berý jelilerin jańǵyrtýǵa 1,3 trln teńge qarastyrylǵan. Bıylǵa jalpy somasy 120 mlrd teńge bolatyn (onyń ishinde 2025 jylǵa — 55 mlrd teńge) 28 jylýmen jabdyqtaý jobasy qoldaý tapty, — dedi ol Power Central Asia + China óńirlik energetıkalyq forýmynda.

Sondaı-aq spıker bul jobalardy iske asyrýǵa qajet negizgi materıaldar men jabdyqtardy atap ótti.

— 154 dana qubyr ónimi (D 50-1230); 4 953 dana bolat ıinder 90° (D 50-1230), 7 484 dana tirekter (syrǵymaly/baǵyttaýshy qozǵalmaly/qozǵalmaıtyn), 1 028 dana jabý armatýrasy (soǵylǵan bolattan jasalǵan sharly krandar, tósemesi bar troınıkti tarmaqtar, syna tárizdi bolat ysyrmalar), — dedi departament basshysy.

Aıta keteıik, 2029 jylǵa deıin qýaty 7,3 GVt bolatyn qosymsha generatsııa kózderi iske qosylady.

Aldaǵy tórt jylda 2,7 trln teńgege 77,5 myń km elektr jelisi jańǵyrtylady.

2029 jylǵa deıin qýaty 7,3 GVt bolatyn qosymsha generatsııa kózderi iske qosylady.