2027 jyly Astanada UEFA-nyń 51-shi Kongresi ótedi
ASTANA. KAZINFORM - Eýropa fýtbol qaýymdastyqtarynyń odaǵy (UEFA) 51-shi Kongresi 2027 jyly 4 naýryzda Qazaqstan astanasynda ótetinin resmı jarııalady.
Bul jóninde Qazaqstan fýtbol federatsııasy málim etti.
Bul sheshim Brıýsselde ótken UEFA-nyń mereıtoıly 50-shi Kongresinde habarlandy. Kongreske Qazaqstan fýtbol federatsııasynyń Bas hatshysy Davıd Lorııa qatysty.
UEFA Kongresi – uıymnyń eń joǵary basqarýshy organy. Jyl saıyn ótetin Kongreske 55 ulttyq qaýymdastyqtyń ókilderi jınalady. Іs-shara aıasynda Eýropadaǵy fýtboldyń strategııalyq damýyn aıqyndaıtyn negizgi sheshimder qabyldanady, qarjylyq jáne uıymdastyrýshylyq máseleler bekitiledi, halyqaralyq jarystardy ótkizýge qatysty máseleler qaralady, sondaı-aq UEFA-nyń basshy organdary saılanady.
Eske salsaq, «Qaırat» komandasynyń qaqpashysy Temirlan Anarbekovtiń seıvi Chempıondar lıgasy negizgi kezeńindegi úzdik ondyqqa endi.