2026 jylǵy Úkimet rezervi 500 mlrd teńge kóleminde bekitildi
ASTANA. KAZINFORM — 2026 jyly Prezıdent bastamalaryna arnalǵan rezerv mólsheri 285 mlrd teńge bolmaq. 2026-2028 jyldarǵa arnalǵan respýblıkalyq bıýdjettiń jobasynda osyndaı kórsetkish belgilengen.
— Úkimetiniń 2026 jylǵa arnalǵan rezervi 500 000 000 000 teńge somasynda bekitilsin, — dep jazylǵan bıýdjet jobasynda.
Qujattyń 18-babynda Prezıdent bastamalaryna arnalǵan rezerv 2026 jyly 285 mlrd teńge dep kórsetilgen.
2026 jylǵy 31 jeltoqsanǵa úkimettik borysh lımıti 39 trln 302 mlrd 356 mln 520 myń teńge mólsherinde bolatyny aıtylǵan.
Al memleket-jekeshelik áriptestik aıasyndaǵy kontsessııalyq mindettemeler lımıti 4 trln 577 mlrd 801 mln 641 myń teńge mólsherinde kózdelgen.
Kvazımemlekettik sektordyń syrtqy borysh lımıti 2026 jylǵa 15 trln 70 mlrd 600 mln teńge mólsherinde kórsetilgen. Syrtqy qaryz tartýǵa haqyly sýbektiler tizimi mynandaı:
- ulttyq basqarýshy holdıngter;
- ulttyq holdıngter;
- ulttyq kompanııalar;
- aktsııalarynyń baqylaý paketi memleketke, ulttyq basqarýshy holdıngke nemese ulttyq holdıngke tıesili aktsıonerlik qoǵamdar.
Jergilikti ákimdikterdiń 2026 jylǵy boryshtarynyń jalpy lımıti 7 trln 175 mlrd 116 mln 381 myń teńge mólsherinde belgilendi.
Sondaı-aq, 2026 jylǵa memlekettiń kepilgerlikter berý lımıti qoldanylmaıtyny kórsetilgen.
Buǵan deıin donor óńirler aldaǵy úsh jylda respýblıkalyq bıýdjetke 3,3 trln teńge bóletinin jazǵan edik.
Sonymen qosa 2026 jyly zeınetaqy 10 paıyz ósip, eń tómengi eńbekaqy 85 myń teńge bolatyny anyqtaldy.