2026 jylǵy Olımpıada oıyndaryn uıymdastyrý komıteti málimdeme jasady

ASTANA.KAZINFORM  - Halyqaralyq Olımpıadalyq komıteti (HOK) men 2026 jylǵy qysqy Olımpıada jáne Paralımpıada oıyndaryn uıymdastyrý komıtetiniń birlesken semınary ótti.

2026 жылғы Олимпиада ойындарын ұйымдастыру комитеті дайындық жұмыстарының қазіргі деңгейі туралы мәлімдеме жасады
Фото: Оlympic.kz

Qazaqstan Ulttyq Olımpıadalyq komıteti atynan is-sharaǵa Sport departamentiniń basshysy Bektur Qııatbaı men Halyqaralyq qatynastar departamentiniń dırektory Anar Syzdyqova qatysty.

Semınar barysynda 78 UOK pen 33 Ulttyq Paralımpıadalyq komıtetiniń ókilderi Olımpıada oıyndaryna daıyndyq týraly tolyq aqparat aldy. Atap aıtqanda, Olımpıada qalashyǵy men qonaqúılerdiń jaǵdaıy, sporttyq nysandardyń daıyndyǵy, logıstıka, áleýmettik jelilerdi júrgizý erejeleri jáne qaýipsizdik sharalary talqylandy.

2026 jylǵy qysqy Olımpıada oıyndary 6-22 aqpan aralyǵynda ótedi dep josparlanyp otyr. Oǵan keminde 3500 sportshy qatysyp, 195 medal jıyntyǵy sarapqa salynady. Bul Olımpıada baǵdarlamasyna alǵash ret skı-alpınızm sporty engizildi.

2026 jylǵy Olımpıada Italııa tarıhyndaǵy tórtinshi bolmaq. Buǵan deıin 1956 jyly Kortına-d’Ampetstsoda, 2006 jyly Týrınde qysqy, al 1960 jyly Rımde jazǵy Olımpıada oıyndaryn ótkizgen.

Mılan jarystardyń basty ortalyǵy bolady. Munda konkımen júgirý, short-trek, mánerlep syrǵanaý jáne shaıbaly hokkeı boıynsha júldeler sarapqa salynady.

– Resmı aqparatqa sáıkes, Mılanda Olımpıada qalashyǵynyń qurylysy aıaqtalýǵa jaqyn. Oıyndardan keıin ol stýdentterge arnalǵan turǵyn úı kesheni retinde paıdalanýǵa berilmek. Sonymen qatar dástúrli sportshylar qalashyǵy Kortınoda jáne Predatstsoda ornalasady. Qalǵan jarys aımaqtarynda sportshylar álemdik chempıonattar men kýboktardy qabyldaý tájirıbesi bar qonaqúılerde turady. Delegatsııalar úshin barlyq qajetti jaǵdaı jasalady. Uıymdastyrý komıtetiniń málimetinshe, daıyndyq kestege saı júrgizilip jatyr jáne aıtarlyqtaı keshigý joq, – dep málimdedi Bektur Qııatbaı.

Olımpıada oıyndarynyń jarys aımaqtary:

Kortına klasteri:

Anterselva – bıatlon

Kortına – taý shańǵysy (áıelder), shana sporty, bobsleı, skeleton, kerlıng

Valtellına klasteri:

Bormıo – taý shańǵysy (erler), skı-alpınızm

Lıvıno – snoýbord, frıstaıl (akrobatıka, mogýl, bıg-eır, half-paıp, skı-kross)

Val-dı-Femme klasteri:

Predatstso – shańǵy jarysy, shańǵymen tramplınnen sekirý, qossaıys

Olımpıada tarıhynda alǵash ret ashylý saltanaty tórt jarys aımaǵynda bir mezette ótkiziledi. Olımpıada alaýy Mılan men Kortınoda bir ýaqytta jaǵylyp, basty sahna retinde Mılandaǵy áıgili «San-Sıro» stadıony tańdalyp otyr.

Olımpıadanyń jabylý rásimi Veronada ótedi.

Buǵan deıin boks 2028 jylǵy Olımpıada oıyndarynyń baǵdarlamasyna engizilgenin jazǵan bolatynbyz.

Сейчас читают