2026 jylǵy naýryzda Qytaıdyń valıýta rezervteri azaıdy
ASTANA. KAZINFORM — 2026 jyldyń naýryz aıynyń sońyndaǵy jaǵdaı boıynsha Qytaıdyń valıýta rezervteri 3,3421 trln AQSh dollaryn qurady, dep habarlaıdy Sınhýa.
Bul aqpan aıynyń sońymen salystyrǵanda 85,7 mlrd dollarǵa nemese 2,5%-ǵa az.
Bul týraly seısenbi kúni Qytaıdyń Memlekettik valıýtalyq baqylaý basqarmasy jarııalaǵan derekterde aıtyldy.
Vedomstvonyń málimetinshe, ótken aıda AQSh dollarynyń ındeksi ósken, al álemdik qarjy aktıvteriniń baǵasy tómendegen.
Sondaı-aq naýryz aıyndaǵy valıýta rezervteriniń azaıýy valıýta baǵamdarynyń aýytqýy men aktıvter baǵasynyń ózgerýine baılanysty bolǵany atap ótildi.
Sonymen qatar esepti kezeńde Qytaı ekonomıkasy jalpy turaqty damyp, sapaly ósim baǵytynda ilgerileý baıqalǵan.
Bul eldiń valıýta rezervterin jalpy alǵanda turaqty deńgeıde saqtaýǵa yqpal etetini aıtyldy.
Budan buryn Qytaı jasandy ıntellekt kómegimen elektrondy kommertsııany damytatynyn jazǵan bolatynbyz.