2026 jyldan bastap ákimderdiń jumysy KPI arqyly baǵalanady
ASTANA. KAZINFORM — KPI kórsetkishteri barlyq ákimge birdeı qoldanylady. Bul týraly Ulttyq ekonomıka mınıstriniń birinshi orynbasary Azamat Ámrın málim etti.
— Ulttyq damý jospary bar. Ol jerde tıisti ındıkatorlar belgilengen jáne memlekettik organdar men óńirlerge bólinip berilgen. Ár óńirdiń óz kórsetkishteri bar. Qazir ár óńir boıynsha jańa Bıýdjet kodeksine sáıkes kelesi jylǵa arnalǵan óńirlik damý josparyn ázirlep jatyrmyz. Ol oblys ákimi úshin jumys ústeli kitabyna aınalady, — dedi Azamat Ámrın Májiliste ótken baspasóz máslıhatynda.
Onyń aıtýynsha, óńirlik damý josparynyń ishinde ınvestıtsııa tartý máselesi de qarastyrylǵan.
— Naqty qandaı joba, qaı baǵytqa, ne úshin júzege asyrylýy tıis ekendigi kórsetiledi. Kelesi jyldan bastap KPI jumys isteıdi. KPI kórsetkishteri barlyq ákimge birdeı qoldanylady, — deıdi ol.
Buǵan deıin halyqty jumyspen qamtý baǵytynda aýdan jáne qala ákimderiniń KPI júıesi engiziletini týraly habarlaǵan edik.
Sondaı-aq ákimderdiń jumysyn kórsetetin KPI qalaı esepteletini týraly sarapshylardyń pikirin bilgen edik.