2025 jylǵa deıin 212 arnada sý esebi tsıfrlandyrylady
«Memleket basshysynyń tapsyrmasyn oryndaý úshin sýarý arnalaryn tsıfrlandyrý boıynsha aýqymdy jumystar atqarylyp jatyr. 2025 jylǵa deıin 212 arnada sý esebin tsıfrlandyrý josparlanǵan. Byltyr - 23 arna, bıyl 89 arna tsıfrlandyryldy. Jalpy, atalǵan is-sharalardy oryndaý nátıjesinde sýdyń artyq shyǵyny 1,2 tekshe shaqyrymǵa tómendeýi kútiledi», - dedi mınıstr Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, agroónerkásiptik keshendi damytý jónindegi ulttyq jobada 2025 jylǵa qaraı sý únemdeý tehnologııalaryn qoldanyp, jer kólemin 265 myń gektardan 450 myń gektarǵa deıin ulǵaıtý kózdelgen.
«Ónerkásipte aınalymdy jáne/nemese qaıta sýmen jabdyqtaý kólemin ulǵaıtý esebinen tuşy sý alý kólemi 1,3 tekshe shaqyrymǵa qysqartylatyn bolady. Sondaı-aq sýdy únemdeý úshin sý únemdeıtin tehnologııalar engizýdi yntalandyratyn tarıfterdi belgileý qajettiligine basa nazar aýdarylatyn bolady. Tarıf ekonomıkalyq qundylyqty kórsetip, ony utymdy paıdalanýǵa yntalandyrýy kerek», - dedi Serikqalı Brekeshev.
