2025 jyly zeınet jasyna qatysty ózgeris bola ma

ASTANA. KAZINFORM — «Biryńǵaı jınaqtaýshy zeınetaqy qory» AQ zeınetkerlikke qatysty jıi qoıylyp júrgen suraqqa jaýap berdi.

«2025 jyly zeınet jasy erler úshin de, áıelder úshin de ózgermeıdi. Erler zeınetke 63 jasta, áıelder 61 jasta shyǵady. 2028 jylǵa deıin áıelderdiń zeınet jasy osy deńgeıde saqtalady, sodan keıin zeınetaqy reformasy aıasynda birtindep kóterile bastaıdy», - delingen qordyń baspasóz qyzmeti taratqan málimette.

Bul turǵyda: 2028 jylǵy 1 qańtardan bastap - 61,5 jas; 2029 jylǵy 1 qańtardan bastap - 62 jas; 2030 jylǵy 1 qańtardan bastap - 62,5 jas; 2031 jyldan bastap áıelder úshin zeınet jasynyń eń joǵary deńgeıi – 63 jas bolady. 2025 jyly 1962 jyly týǵan er azamattar men 1964 jylǵy áıelder zeınetke shyǵady.

Jaqynda Eńbek jáne halyqty áleýmettik qorǵaý mınıstrligi keler jyly elimizde járdemaqy men tólemderdiń ósimine qatysty túsinik berdi.