2025 jyly Prezıdent Ákimshiligine 82,5 myń ótinish kelip tústi
ASTANA. KAZINFORM — Búginde azamattardyń talap-tilegin sapaly qaraý úshin eOtinish júıesinde tolyq tsıfrlyq ınfraqurylym jasaqtaldy. Bul týraly QR Prezıdentiniń kómekshisi — Baspasóz hatshysy Rýslan Jeldibaı óziniń Telegram arnasynda habarlady.
— Mańyzdy jumys baǵyttarynyń biri — «Halyq únine qulaq asatyn memleket» tujyrymdamasyn júzege asyrý. 2025 jyly Prezıdent Ákimshiligine 82,5 myń ótinish kelip tústi. Búginde azamattardyń talap-tilegin sapaly qaraý úshin eOtinish júıesinde tolyq tsıfrlyq ınfraqurylym jasaqtaldy. Oǵan 50 myń uıym jáne 320 myń qyzmetker qosyldy, — dep jazdy Rýslan Jeldibaı.
Onyń aıtýynsha, elimizde ótinishterdi qaraý úderisi udaıy jetildirilip otyrady.
— Jasandy ıntellekt elementteri engizilip, AQSh, Ońtústik Koreıa jáne Sıngapýr sekildi ozyq elderdiń tsıfrlyq úkimet tájirıbesi zerdelenip jatyr. Dıalog oflaın-formatta da júredi. Óńirlerde azamattardan ótinish qabyldaıtyn 150-den astam ortalyq jumys isteıdi. Bıyl 360 myńnan asa adamǵa tıisti kómek kórsetildi, — dep túıindedi QR Prezıdentiniń kómekshisi — Baspasóz hatshysy.
Osyǵan deıin 2025 jyly Prezıdent 186 halyqaralyq kezdesý ótkizgenin jazdyq.
Sonymen qatar bir jyl ishinde Memleket basshysy 23 ret shetelge shyqqany anyqtaldy.