2025 jyly kúres túrlerinen álem chempıonaty Horvatııada ótedi

ASTANA. KAZINFORM - 2025 jyly kúres túrlerinen álem chempıonaty Horvatııa astanasy Zagreb qalasynda ótedi.

Bul jóninde Birikken kúres álemi (UWW) álem chempıonatynyń ótetin jeri men ýaqytyn jarııa etti.

Eresekter arasyndaǵy álem birinshiligi 13-21 qyrkúıek aralyǵynda Horvatııanyń Zagreb qalasynda ótedi. Al 17 jasqa deıingi jasóspirimder arasyndaǵy álem chempıonaty Grekııanyń Afıny qalasynda 8 shilde-3 tamyz aralyǵynda bolsa, 20 jasqa deıingi jastar arasyndaǵy dúbirli dodany Bolgarııanyń Sofııa qalasy qabyldaıdy.

Al jasóspirimder arasyndaǵy álem birinshiligi 20-26 qazanda Serbııanyń Novı-Sad qalasynda jalaýyn kóteredi.

Sondaı-aq, Albanııa astanasy Tıranada ótetin olımpıadalyq emes salmaqtarda kúres túrlerinen álem chempıonatyna qatysatyn qazaqstandyq balýandar anyqtaldy. Olardyń qatarynda erkin kúresten Asyl Aıtaqyn (61 keli), Nurqoja Qaıpanov (70 keli), Dáýlet Ergesh (79 keli), Nurdáýlet Bekenov (92 keli), áıelder kúresinen Zýlfııa ıAhıarova (55 keli), Dıana Kaıýmova (59 keli), Irına Kazıýlına (65 keli), Jamıla Baqbergenova (72 keli), grek-rım kúresinen Ishar Kýrbaev (55 keli), Erjet Jarylqasyn (63 keli), Meıirjan Shermahanbet (72 keli), Evgenıı Polıvadov (82 keli) bar.

Eske salsaq, búgin «Barys» elordada «Salavat ıÝlaev» komandasymen oınaıdy.