2025 jyly Qazaqstanda munaı óndirý kólemi artady

ASTANA. KAZINFORM — QR Energetıka mınıstrliginiń málimetinshe, bıyl elimizde munaı óndirý kólemi artady.

- Jer qoınaýyn paıdalanýshylardyń kómirsýtekti óndirý boıynsha kórsetkishteri negizinde 2025 jylǵa arnalǵan munaı óndirý kólemi jobalyq qujattarǵa sáıkes 96,2 mln tonnany quraıdy, - delingen mınıstrliktiń Kazinform agenttigine bergen jaýabynda.

Aıta keteıik, byltyr jeltoqsa aıynda Úkimet basshysy gaz ben munaı óndirýdi arttyrýdy tapsyrdy.

2024 jyldyń aıaǵynda OPEK+ elderi munaı óndirýdi 2026 jylǵa deıin qysqartýǵa kelisti. Otyrysqa qatysýshylar kelisim negizderine beıildiligin rastady jáne OPEK-ke qatysýshy elder men OPEK-ke kirmeıtin elder úshin munaı óndirýdiń jalpy deńgeıin OPEK+ 35-shi mınıstrlik kezdesýinde qabyldanǵan sheshimderge sáıkes 2026 jylǵy 31 jeltoqsanǵa deıin uzartýǵa kelisti.

2026 jyldan Qazaqstanda munaı óndirý kólemi 100 mln tonnadan asady.