2025 jyly elde qansha zańsyz dári-dármek anyqtaldy
ASTANA. KAZINFORM – Elimizde dári-dármek naryǵynda 2025 jyly zańsyz ónimder anyqtaldy ma? Bul suraqqa QR Densaýlyq saqtaý mınıstrliginiń Medıtsınalyq jáne farmatsevtıkalyq baqylaý komıteti jaýap berdi.
- Komıtettiń aýmaqtyq departamentteri tarpynan 2025 jyly «Ákimshilik quqyq buzýshylyqtar týraly» Qazaqstan Respýblıkasynyń kodeksiniń 426-babynyń 3-tarmaǵyna sáıkes, tirkelmegen dárilik zattar men medıtsınalyq buıymdardy saqtaý jáne satý faktileri boıynsha 161 ákimshilik hattama toltyryldy. Bul turǵyda jalpy somasy 77 mln teńge somasynda materıaldar sotqa jiberildi, - delingen vedomstvonyń Kazinform agenttigine bergen jaýabynda.
Buǵan deıin dári-dármekter men medıtsınalyq qyzmetterdiń keıbiri qosymsha qun salyǵynan bosatylǵanyn jazǵan edik.
Atap aıtqanda, Qazaqstanda ómirlik mańyzy bar dári-dármekterdiń 37%-y óndiriledi.