2025 jyly birneshe medıtsınalyq anyqtama elektrondy túrde beriledi
ASTANA. KAZINFORM – Kelesi jyldan bastap keıbir medıtsınalyq anyqtamalar qaǵaz túrinde berilmeıdi, olar elektrondy formatqa aýystyrylady. Bul týraly Densaýlyq saqtaý mınıstriniń orynbasary Erbol Ospanov málim etti.
«Kelesi jyldan bastap 8 medıtsınalyq anyqtama, onyń ishinde naýqas paraǵy jáne eńbekke ýaqytsha jaramsyzdyq týraly anyqtama tek elektrondyq túrde beriledi. Endi patsıentterge qaǵaz anyqtamalardy ózimen birge alyp júrý qajettigi joq. Azamattardyń kelisimimen elektrondy anyqtamalar talap etilgen mekemelerge jiberiledi. Atalǵan qyzmetterdi elektrondyq formatqa kóshirý úshin qazirgi ýaqytta «Ambýlatorııalyq-emhanalyq kómek» AJ arqyly aqparattyq júıelerdi ıntegratsııalaý boıynsha jumystar júrgizilip jatyr», - dedi Erbol Ospanov Ortalyq kommýnıkatsııalar qyzmeti alańynda ótken baspasóz máslıhatynda.
Vıtse-mınıstrdiń aıtýynsha, azamattar jeke basyna qatysty medıtsınalyq derekterdi «EGOV mobile» mobıldi qosymshasyndaǵy «eDensaulyq» bólimine kirip, qol jetkize alady.
Keler jyldan bastap tómendegi medıtsınalyq anyqtamalar elektrondy formatqa kóshiriledi:
- Naýqas paraǵy;
- 075/ý medıtsınalyq anyqtama;
- 026/ý dárigerlik-konsýltatıvtik komıssııa qorytyndysy;
- 073/ý kólikti basqarýǵa ruqsat týraly anyqtama;
- 069 / ý «shıpajaı-kýrorttyq karta;
- 052-2 / ý balanyń densaýlyq pasporty;
- 076 / ý qarýǵa ruqsat alý;
- 038 / ý eńbekke ýaqytsha jaramsyzdyq týraly anyqtama.
Aıta ketsek, birer kún buryn Densaýlyq saqtaý mınıstri Aqmaral Álnazarova endi dárigerler qateligi úshin shyǵyndy óz qaltasynan tólemeıtinin aıtqan edi.
