2025 jylǵy 1-4 qańtar demalys kúnderi bolyp belgilendi

ASTANA. KAZINFORM - QR Eńbek jáne halyqty áleýmettik qorǵaý mınıstrligi 2025 jyldyń qańtaryndaǵy demalys kúnin aýystyrýdy kózdeıtin buıryq daıyndady.

QR Eńbek jáne halyqty áleýmettik qorǵaý mınıstriniń «2025 jyly demalys kúnin aýystyrý týraly» buıryǵyna sáıkes, 2025 jylǵy 5 qańtardaǵy jeksenbi, ıaǵnı demalys kúni 2025 jylǵy 3 qańtarǵa, jumaǵa aýystyrylady.

Osylaısha, aptasyna bes kún jumys isteıtin qazaqstandyqtar 1-4 qańtar, al jumys aptasy alty kúndi quraıtyn azamattar – 1-3 qańtar kúnderi demalatyn boldy.

Demalys kúnin aýystyrý jumys ýaqytyn ońtaıly bólýge jáne azamattardyń demalysy úshin qolaıly jaǵdaı jasaýǵa múmkindik beredi.

Osyǵan deıin 2024 jylǵy 1 qarashadaǵy jaǵdaı boıynsha memlekettik eńbek ınspektorlary respýblıkanyń 264 kásiporny 17,8 myń jumyskerge 3,9 mlrd teńgege jalaqy boıynsha bereshek ekenin anyqtady. Sonymen birge túrli uıymdarda júrgizilgen tekserýler barysynda 7,1 myńnan asa eńbek quqyǵynyń buzylýy anyqtaldy.