2024 jylǵa deıin 20 órt sóndirý deposy salynady
«Tótenshe jaǵdaılar mınıstrliginiń aqparaty boıynsha búgingi tańda elimizdi órtten qorǵaýdy 426 órt sóndirý deposy qamtamasyz etedi. Olar halyq sany 15 mln adamnan asatyn 2 558 eldi mekendi qorǵaýdy júzege asyrady. Sońǵy 5 jylda respýblıkalyq jáne jergilikti bıýdjetter esebinen 11 órt sóndirý deposy salyndy. Al 2024 jylǵa deıin taǵy 20 depony paıdalanýǵa berý josparlanýda. Órt sóndirý depolaryn jáne qutqarý stantsııalaryn basym salý jospary aıasynda 2030 jylǵa deıin halyq sany 5 myń adamnan asatyn eldi mekenderde 47 órt sóndirý deposyn salý josparlanǵan. Bul rette órt sóndirý bólimsheleriniń jalpy qajettiligi 121 depony quraıdy», - dep atap ótedi Úkimet basshysynyń birinshi orynbasary jaýabynda.
Onyń atap ótýinsh, azamattyq qorǵaý organdary obektileriniń ınfraqurylymyn keńeıtý eldegi áleýmettik-ekonomıkalyq jaǵdaıdy eskere otyryp jne bólingen bıýdjet qarajaty aıasynda júzege asyrylady.
«Memlekettik órtke qarsy qyzmet bólimsheleri joq aýyldyq eldi mekenderdi órtke qarsy qorǵaýdy qamtýdy ulǵaıtý maqsatynda jergilikti atqarýshy organdar órt sóndirý beketterin qurady. Qazirgi ýaqytta 586 órt sóndirý beketi quryldy. Olar 1,9 mln adamnan asatyn 1876 aýyldyq eldi mekendi qorǵaýdy qamtamasyz etedi. 2023 jyldyń sońyna deıin 264 aýyldyq eldi mekendi qorǵaý úshin taǵy 77 beket qurý josparlanýda», - dedi ol.
