2023 jyly Nur-Sultanda Michigan State University ashylady
«Álemdik bilim berý standarttary men ozyq praktıkany bilim berý protsesine engizý úshin sheteldik joǵary oqý oryndarynyń fılıaldary ashylýda. 2021 jyly De Montfort Leicester ýnıversıtetiniń fılıaly Almaty qalasynda ashyldy. Bıyl Petropavl qalasynda University of Arizona fılıaly ashylady. JOO-men yntymaqtastyq aıasynda qos dıplomdy bilim berý baǵdarlamalary iske qosylady», - dedi Saıasat Nurbek.
Onyń aıtýynsha, Memleket basshysynyń tapsyrmasyn oryndaý úshin Reseı ýnıversıtetteriniń fılıaldary ashylýda. S.Ótebaev atyndaǵy Atyraý Munaı jáne gaz ýnıversıtetiniń bazasynda bıyl M.Gýbkın atyndaǵy RMÝ fılıaly, Almaty qalasynda ál-Farabı atyndaǵy QazUÝ bazasynda «MIFI» Ulttyq ıadrolyq zertteý ýnıversıtetiniń fılıaly ashylady.
«Sondaı-aq, kelesi jyly Nur-Sultan qalasynda Michigan State University ashý josparlanýda. Fılıaldardyń jumys isteýi úshin Úkimet qaýlylary qabyldandy. Memlekettik bilim berý tapsyrysy bólingen», - dedi ol.
