2023 jyly Qazaqstanda ekonomıka ósimi 4,2 paıyz bolýy yqtımal - Eýrazııalyq damý banki
«Qazaqstan ekonomıkasy 2022 jyly ishki jáne syrtqy jaǵdaılarǵa tózimdilik tanytty. Buǵan salyq jáne bıýdjet saıasaty baǵytyndaǵy is-shalalar yqpal etti. Bizdiń baǵalaýymyzǵa qaraǵanda, bıylǵy ósim 2,8 paıyz bolýy múmkin. Qazirgi ahýaldy eskersek, bul kórsetkish aıtarlyqtaı jaqsy deńgeıde. Bazalyq jaǵdaıda 2023 jyly ekonomıka ósimi 4,2 paıyzǵa deıin qarqyn alady dep esepteımiz», - dedi Analıtıkalyq jumys dırektsııasynyń elder boıynsha taldaý júrgizý ortalyǵynyń aǵa taldaýshysy Aıgúl Berdiǵulova onlaın tanystyrylym kezinde.
Onyń aıtýynsha, Eýrazııalyq damý banki Qazaqstanda salyq ári bıýdjet saıasaty turǵysynda qoldaý jasaý qadamdary jalǵasady dep sanaıdy. Óńdeý ónerkásibinde, qurylys sektorynda jáne qyzmet kórsetý salasynda, onyń ishinde 10 ulttyq jobany ilgeriletý áserinen ónim kólemi ósedi. Kelesi jyldaǵy ósimniń negizgi draıveri Teńiz ken ornynda jańa qýattardy iske qosýǵa qatysty bolyp otyr. Sonymen qatar Kaspıı qubyr konsortsıýmy tolyq rejımde jumys isteıdi.
A.Berdiǵulovanyń sózine qaraǵanda, 2024 jyly Qazaqstan ekonomıkasynyń ósimi de birtindep artyp, ósý qarqyny 4,4 paıyzdy quraýy múmkin.
Budan buryn habarlanǵandaı, 2023 jyly bir AQSh dollary 486 teńge shamasynda bolýy yqtmal.