2023 jyly asa tapshy medıtsına mamandyqtaryna 2600 grant bólinedi
QR Densaýlyq saqtaý mınıstrliginiń QazAqparat saýalyna bergen jaýabynda osyndaı málimet aıtylǵan.
Ulttyq joba sheńberinde «Adamı kapıtaldy damytý, bilim men ǵylymdy jańǵyrtý mindetine» 52 mlrd 122,2 mln teńge qarjy bólý kózdelgen. Respýblıkalyq bıýdjetten – 40 mlrd 554 mln teńge, jergilikti atqarýshy organdardyń qarajaty esebinen – 11 mlrd 568,3 mln teńge jumsalmaq.
«Bul qarajat 2023-2025 jyldar aralyǵynda qarqyndy terapııany qosa alǵanda, jetekshi álemdik ortalyqtarda 156 dárigerdi oqytýdy júzege asyrýǵa jumsalady. 2023 jyldan bastap jyl saıyn 52 dáriger osy tásil boıynsha biliktiligin arttyrady. Qarjylandyrý kólemi jyl saıyn 200 mıllıon teńgeni quraıtyn bolady. Qarjylandyrýdyń jalpy somasy 600 mln teńge bolady», - delingen mınıstrlik baspasóz qyzmetiniń jaýabynda.
Sondaı-aq, asa tapshy mamandyqtar rezıdentýrasynyń grant sanyn 2022 jyly 1500-den 2025 jyly 3800 grantqa deıin kezeń-kezeńimen ulǵaıtý qarastyrylyp otyr. Ol úshin 2022 jyly – 1500 grant, 2023 jyly – 2600 grant, 2024 jyly-3060 grant, 2025 jyly -3800 grant bólý josparda bar.
«Bul úshin respýblıkalyq bıýdjetten 39 mlrd 954 mln teńge, jergilikti bıýdjetterden 11 mlrd 568,3 mıllıon teńge bólý josparlanýda.
Ulǵaıtý 2023 jyldan bastap josparlanýda. 2023 jyly respýblıkalyq bıýdjetten 1700 grantqa 9 786 mıllıon teńge jáne jergilikti atqarýshy organdar esebinen 900 grantqa 792,4 mıllıon teńge bólinedi. 2024 jyly respýblıkalyq bıýdjetten 1800 grantqa 10 mlrd 947 mln teńge jáne jergilikti bıýdjetterden 1260 grantqa 3 mlrd 486,3 mln teńge bólinedi. 2025 jyly respýblıkalyq bıýdjetten 2000 grantqa 11912 mln.teńge jáne jergilikti bıýdjetterden 1800 grantqa 7289,6 mln.teńge bólinedi», - dep jazady mnıstrliktiń baspasóz qyzmeti.
