2023 jyly eń kóp qoldanylǵan sóz anyqtaldy

Collins sózdigi 2023 jyly keń qoldanylǵan sóz retinde AI (artificial intellect - jasandy ıntellekt) abbrevıatýrasyn tańdady, dep habarlaıdy Kazinform agenttigi France24 arnasyna silteme jasap.

- Osy jyly basty nazarda jasandy ıntellekt jáne onyń qalaı damyǵany, bizdiń ómirimizge elektrondy poshta, strımıng nemese kez-kelgen basqa fýtýrıstik jáne kúndelikti tehnologııa sııaqty engeni boldy, - dedi Collins Dictionary basqarýshy dırektory Aleks Bıkroft.

Sózdik qurastyrýshylary jyl sózi 20 mıllıardtan astam sózden turatyn Collins Corpus derekqoryn taldaý nátıjesinde tańdalǵanyn habarlaıdy. Onda álemdegi veb-saıttarda, gazetterde, jýrnaldarda jáne kitaptarda jarııalanǵan materıaldardan, sondaı-aq radıo, teledıdar arqyly taratylǵan habarlar men kúndelikti áńgimelerde qoldanylǵan sózder qamtylǵan.

Collins Dictionary nusqasy boıynsha 2023 jyly keń qoldanylǵan sózderdiń tizimine engen basqa sózder:

Nepo baby – ata-anasynyń jolyn qýǵan ataqty adamdardyń balalary;

Greedflation – greed sózinen alynǵan (ashkózdik) jáne inflation (ınflıatsııa) - kompanııalardyń joǵary ınflıatsııany óz paıdasyn arttyrý maqsatynda baǵany jasandy túrde kóterý úshin syltaý retinde paıdalanýy;

ULEZ (Ultra Low Emission Zone) - ekologııalyq emes avtokólikterdiń ıelerine aıyppul salynatyn óte tómen shyǵaryndylary bar kólikter aımaǵy;

Collins Dictionary tiziminde áleýmettik jelilerdegi «deinfluencing» nemese «de-influencing» sııaqty termınder de aıtylady.