2022 jyly ana ólimi 3,2 ese qysqardy – QR DSM
QR Densaýlyq saqtaý mınıstrliginiń bapasóz qyzmeti taratqan málimetterge qaraǵanda, atalǵan kórsetkishterge birqatar baǵyt boıynsha qabyldanǵan keshendi sharalardyń arqasynda qol jetkizildi.
Sonymen, prenataldyq baqylaýmen qamtý kúsheıtildi, ol 99,2%-dy qurady, júkti áıelderdi 12 aptaǵa deıin erte qamtý 5%-ǵa ósti jáne 89,5%-dy qurady, prenataldyq ýltradybystyq skrınıngpen qamtý 5%-ǵa, bıohımııalyq skrınıngpen qamtý 10%-ǵa ulǵaıdy, sondaı-aq balalardy 1 jasqa deıin proaktıvti baqylaýmen jáne skrınıngpen qamtý 81%-ǵa deıin ulǵaıdy.
Júkti áıelder men jańa týǵan nárestelerge bilikti medıtsınalyq kómek kórsetý úshin 18 uryqty saqtaý ortalyǵy uıymdastyryldy, prenataldyq dıagnostıka boıynsha 150-den astam ýltradybystyq maman oqytyldy.
Bir jyldyń ishinde Mınıstrliktiń mamandary analardyń syrqattanýshylyǵy men ólimin tómendetý maqsatynda aýyr jaǵdaıdaǵy júkti, bosanatyn jáne bosanǵan áıelderge kúndelikti monıtorıng júrgizdi.
2022 jyly «Ulttyq shuǵyl medıtsınany úılestirý ortalyǵynyń» resýrstaryn paıdalana otyryp, ǵylymı jáne respýblıkalyq klınıkalardyń professorlarymen jáne jetekshi beıindi mamandarymen birlesip júktilik jáne bosaný aǵymy asqynǵan 910 áıelge 1391 medıtsınalyq qyzmet kórsetildi. Sanıtarııalyq avıatsııamen 200 ushý oryndaldy, 21 áıelge operatsııa jasaldy, aýyr jaǵdaıda 180 patsıent oblystyq jáne respýblıkalyq klınıkalarǵa jetkizildi.
Qabyldanǵan sharalardyń nátıjesinde aýyr jaǵdaıdaǵy áıelderdiń 1237 nemese 96% qutqaryldy.
Sońǵy 5 jyldyń ishinde elde bala týý kórsetkishiniń ósýi baıqaldy, ol 2021 jyly 446 myń bala dúnıege kelgen kezde eń joǵary deńgeıge jetti, 2022 jyly 412 myń náreste dúnıege keldi.
Neonataldyq hırýrgııanyń damýymen jáne osy tehnologııalardyń óńirlerge aýysýymen týa bitken aqaýlary bar jańa týǵan nárestelerdiń ómir súrý deńgeıi 86% qurady. Ortasha alǵanda, jyl saıyn týa bitken aqaýlary bar 1500 jańa týǵan náreste hırýrgııalyq em alady.
Elimizdiń balalar halqyna medıtsınalyq kómek kórsetýge 3 232 pedıatr, 773 neonatolog jáne 1 395 balalar anestezıolog-reanımatology jumyldyryldy.
Qazaqstan Ortalyq Azııada týǵannan bastap kardıohırýrgııalyq operatsııalar júrgiziletin jalǵyz memleket bolyp tabylady.
2022 jyly týa bitken júrek aqaýlary bar balalarǵa 1800-den astam ashyq júrekke operatsııa, onyń 75%-y bir jasqa deıingi balalarǵa jasaldy.
Sheberlik saǵaty sheńberinde Germanııa men Túrkııadan mamandardy tarta otyryp, kúrdeli aqaýlary bar 24 balaǵa operatsııa jasaldy.
Asa aýyr jaǵdaılarda balalardyń ómirin qutqarý úshin Qazaqstanda telemedıtsınalyq tehnologııalar men medıtsınalyq avıatsııa iske asyryldy.
Sanavıatsııanyń 497 ushýy, onyń ishinde jańa týǵan nárestelerge 271 ushý oryndaldy, 1072 balaǵa medıtsınalyq kómek kórsetildi.
Memleket basshysynyń tapsyrmasyna sáıkes Qazaqstan Respýblıkasynda ana men bala densaýlyǵyn saqtaý jónindegi tujyrymdama bekitiletinin esterińizge sala ketken jón.
Densaýlyq saqtaý mınıstrliginiń aldaǵy josparlarynda neonataldyq kómek kórsetýdi uıymdastyrýdyń jańa standartyn engizý jáne bosandyrý jáne balalar boıynsha dıagnostıka men emdeýdiń klınıkalyq hattamalaryn ózektendirý tur.
Sondaı-aq, mınıstrlik 11 zamanaýı perınataldyq ortalyq salý máselesin qarady, osyǵan baılanysty jobalaý-smetalyq qujattamany ázirleý jumystary bastalady.
Budan basqa, qazirgi ýaqytta jumys istep turǵan klınıkalardyń bazasynda 5 óńiraralyq balalar kardıohırýrgııasy ortalyǵyn qurý boıynsha jumys júrgizilýde, bul balalarǵa kardıohırýrgııalyq operatsııalardyń qoljetimdiligin arttyrýǵa múmkindik beredi.
Balalarǵa arnalǵan 13 erte aralasý ortalyǵyn, 17 aýdandyq jáne 6 oblystyq ońaltý ortalyǵyn ashý josparlanýda.
