2021 jyly elimizdegi avıatsııa salasynda qandaı jetistikter boldy
«Tekserý qorytyndysynda Qazaqstan ushý qaýipsizdigin qamtamasyz etý deńgeıin 84% deıin kóterdi. Bul ortasha álemdik kórsetkishten 15% joǵary. Atalǵan kórsetkish boıynsha elimiz Nıderlandy – 87%; Belgııa – 87%; Portýgalııa – 87%; Chehııa – 87%; Latvııa – 86%; Danııa – 85%; Islandııa – 84%; Polsha – 84%; Slovenııa - 82%, Kıpr - 82% sııaqty eldermen bir qatarda. Salany tekserý maqsatynda Eýropalyq komıssııanyń Eýropalyq Odaq elderiniń avıatsııalyq qaýipsizdik jónindegi agenttigi men avıatsııalyq bılik ókilderiniń jáne AQSh Kólik qaýipsizdigi ákimshiligi (TSA) sarapshylarynyń saparlary uıymdastyryldy», - delingen mınıstrlik málimetinde.
AQSh-tyń avıatsııalyq sarapshylary Mınıstrliktiń, avıatsııalyq retteýshiniń jáne áýejaılardyń úılesimdi jumysyn baǵalap, aýdıtorlar aldynda ashyqtyǵyn atap ótti.
«Qazaqstannyń avıatsııalyq ákimshiligi» AQ baqylaý-qadaǵalaý fýnktsııalaryn iske asyrý aıasynda 16 áýejaıdy sertıfıkattaý jáne 32 ınspektsııalyq tekserý júrgizdi.
Avıatsııa mamandaryna kýálik berý boıynsha 2 500-den astam memlekettik qyzmet kórsetildi. 9 avıatsııalyq oqý ortalyǵy sertıfıkattaýdan ótip, 17 ınspektsııalyq tekserý júrgizildi.
Bıyl Qazaq Air áýe kompanııasynyń áýe kemesi Arýba tiziliminen Qazaqstan Respýblıkasynyń azamattyq áýe kemeleriniń tizilimine qaıta tirkeldi.
2021 jyly Qazaqstan Azamattyq avıatsııanyń eýropalyq konferentsııasyna baqylaýshy mártebesine ıe boldy jáne ESAS-qa qabyldanǵan TMD-nyń úshinshi eli boldy.
Áýe tasymalyn jandandyrý
Іshki tasymaldar kólemi pandemııaǵa deıingi deńgeıde qalpyna keltirilip, asyp tústi. Іshki týrızmdi damytý aıasynda Túrkistan, Alakól, Balqash, Şýche-Býrabaı kýrorttyq aımaǵy sııaqty týrıstik destınatsııalarǵa áleýmettik mańyzy bar reıster oryndalady.
24 elmen 73 baǵyt boıynsha halyqaralyq áýe reısteri jańartylyp, ashyldy. Bul pandemııaǵa deıingi kezeńniń 66% shamasynda. Maldıv araldarymen Almaty – Male, Katarmen Almaty – Doha, Shrı-Lankamen Almaty – Kolombo, Kýveıtpen Almaty – El-Kýveıt, BAÁ Abý-Dabı - Almaty baǵyttary boıynsha jańa reıster ashyldy.
Sondaı-aq, Qazaqstan men AQSh arasynda tikeleı turaqty áýe qatynasyn ornatý aıasynda QR Parlamenti Májilisi QR Úkimeti men AQSh Úkimeti arasyndaǵy áýe qatynasy týraly kelisimdi ratıfıkatsııalaý týraly zań jobasyn maquldady. Ol tikeleı turaqty reısterdi oryndaýǵa quqyqtyq baza qalyptastyrady.
Salada áýe kóliginiń jerústi ınfraqurylymyn jańǵyrtýǵa kóp kóńil bólinedi.
Infraqurylymdy damytýdyń 2020-2025 jyldarǵa arnalǵan «Nurly jol» memlekettik baǵdarlamasy aýqymynda Óskemen qalasy áýejaıynyń ushý-qoný jolaǵy qaıta jańartylýda.
Jobada jolaqtardy 300 metrge uzartý jáne áýe kemeleriniń qazirgi zamanǵy túrlerin qabyldaý úshin jaryq-sıgnaldyq jabdyqty aýystyrý kózdelgen.
Jeke ınvestıtsııalar esebinen Shymkent qalasy áýejaıynyń jańa termınalynyń qurylysy jalǵasýda. Ol termınal alańyn 3,8-den 35 myń sharshy metrge deıin keńeıtýge jáne ótkizý qabiletin 150-den 2000 jolaýshy/saǵatqa deıin ulǵaıtýǵa múmkindik beredi.
Jańa termınal halyqaralyq sapa jáne qaýipsizdik standarttaryna sáıkes keledi. Bul megapolıs turǵyndary men qonaqtary úshin jaıly jaǵdaı jasaıdy.
Batys Qazaqstan oblysynyń ákimdigi jeke ınvestıtsııalardy tarta otyryp, Oral qalasy áýejaıynyń aerovokzal keshenin jańǵyrtý boıynsha jumys júrgizýde.
Termınal aýmaǵy eki esege artyp, ótkizý qabileti 100-den 200 jolaýshy/saǵatqa jetedi.
Sondaı-aq, bıyl Qostanaı qalasy áýejaıynyń aerovokzal keshenin rekonstrýktsııalaý jumystary bastaldy. Ótkizý qabiletin 200 jolaýshy/saǵ-tan 250 jolaýshy/saǵ-qa deıin arttyrý josparlanýda.
Alakól týrıstik ortalyǵynyń kólikter úshin qoljetimdiligin qamtamasyz etý maqsatynda bıyl Úrjar aýyly aerovokzalynyń ushý-qoný jolaǵyn jáne ǵımaratyn rekonstrýktsııalaý boıynsha jumystar júrgizilip jatyr. Sondaı-aq, Úsharal qalasy áýejaıynyń ushý-qonaý jolyǵyn, rýldeý jolyn jáne perronyn jańǵyrtý jumystary bastaldy.
2021 jyly ishki reısterde jeke kýáliktiń túpnusqasyn paıdalanbaı, jeke derekterdi rastaý úshin Egov Mobile arqyly tsıfrlyq qujattar qyzmeti engizildi. Joba elimizdiń barlyq áýejaıynda iske qosyldy.
