2021 jyly Balqashta qýaty 100 MVt bolatyn kún elektr stansasy iske qosylady

BALQASh. QazAqparat - Qaraǵandy oblysynda jańartylatyn energııa kózderi nysandarynyń qurylysy belsendi júrip jatyr. Óńirde qýaty 200 MVt bolatyn tórt kún elektr stansasy iske qosyldy, dep habarlaıdy QazAqparat tilshisi.

Kún elektr stansalary osyǵan deıin Saran, Jezqazǵan, Balqash jáne Aqadyr kentiniń mańynda ornatylǵan.

Budan basqa, oblysta bıogaz stantsııalary men shaǵyn sý elektr stantsııasy jumys isteıdi. 2019 jyldyń qorytyndysy boıynsha barlyq jańartylatyn energııa kózderi boıynsha jalpy ónim 176 mln kVt/saǵ, al bıylǵy jyldyń I toqsanynyń qorytyndysy boıynsha 54 mln kVt/saǵ qurady.

Búgingi kúni oblys ákimdigi «KAZ GREEN ENERGY» JShS-men birlesip, Balqashtaǵy «Qońyrat» shaǵynaýdanyna jaqyn jerde qýaty 100 MVt kún elektr stantsııasyn salýdyń taǵy bir jobasyn iske asyrýda.

Kún elektr stantsııasynyń aýmaǵy - 140 gektar. Stantsııa 192 350 ekijaqty fotoelektr panelinen turady. Árqaısysynyń qýaty - 520 Vt. Bul kún elektr stantsııasy jylyna 170 mln kVt elektr energııasyn óndiredi dep josparlanýda.

Іske qosýdyń birinshi kezeńiniń aıaqtalý merzimi (50 MVt) - 2021 jylǵy tamyz. Kelesi kezeń (50 MVt) 2021 jyldyń jeltoqsanyna josparlanǵan.

«Elektr qýaty «Qońyrat» shaǵyn stantsııasyna beriledi. Onyń negizgi tutynýshysy - «Qazaqmys» kompanııalar toby. Qurylys kezinde qoldanylatyn barlyq metall konstrýktsııalar Qazaqstanda jasalǵan. 25-30 adamdy jumyspen qamtımyz. Osy kún elektr stansasynyń iske qosylýynyń arqasynda kómirqyshqyl gazynyń shyǵarylýy jylyna 170 myń tonnaǵa azaıady. Joba shamamen 7-8 jyldan keıin ózin-ózi aqtaıdy», - deıdi joba jetekshisi, «KAZ GREEN ENERGY» JShS ókili Ertaı Áljanov.