2020 jyly Qazaqstan-Túrkııa syrtqy saýda aınalymy 3 mlrd dollardan asty
Dıplomatııalyq qatynas ornaǵan 1992 jyly eki eldiń arasyndaǵy syrtqy saýda aınalym ne bári 30 mln dollar bolsa, ótken jyldyń qorytyndysynda bul kórsetkish 3,1 mlrd dollarǵa jetip otyr. Qazaqstan men Túrkııa aldaǵy ýaqytta bul kórsetkishti odan ári arttyryp, bastapqyda 5 mlrd dollar, keıin 10 mlrd dollarǵa jetkizýdi ortaq maqsat tutyp otyr.
Túrkııa 1992 jyldan bastap, Qazaqstanǵa 4,3 mıllıard dollar ınvestıtsııa quısa, Qazaqstan Túrkııa ekonomıkasyna 1 mlrd dollarynan astam ınvestıtsııa saldy. Búginde túrik kompanııalary elimizde quny 26 mıllıard dollardan asatyn merdigerlik jobalardy iske asyrdy. Qazaqstanda 2 700 túrik kompanııasy jumys isteıdi.
Eki eldiń arasynda birqatar biregeı jobalar da júzege asyrylyp jatyr. Atap aıtqanda, «Túrkııa shákirtaqysy» atty baǵdarlama aıasynda búginge deıin 4 500-ge jýyq qazaqstandyq stýdent túrik jerinde bilim aldy. Ótken jyldyń ózinde Qazaqstannan 4 000-nan asa ótinim qabyldandy. Bıyl ótinim sany artyp, 7 000-ǵa taıaıdy degen boljam bar. Sondyqtan Túrkııa Qazaqstanǵa bólinetin grant sanyn arttyrdy. Osylaısha, 2020-2021 oqý jylynda tıisti talaptarǵa sáıkes kelgen 100 stýdent osy baǵdarlamamen Túrkııada bilim alý múmkindigine ıe boldy. Budan bólek, qazir shamamen 500-ge jýyq qazaqstandyq stýdent Túrkııada granttyq negizde bilim alýda.
Qazaqstannyń táýelsizdik alǵan jyldarymen tuspa-tus qurylǵan Qoja Ahmet ıAsaýı atyndaǵy Halyqaralyq qazaq-túrik ýnıversıteti de eki eldiń bilim salasyndaǵy yntymaqtastyǵyna aıqyn mysal bola alady. Eki elge ortaq ýnıversıtet sońǵy 30 jyl ishinde Qazaqstannyń bilim salasyna baǵaly úles qosty.
Ekijaqty qarym-qatynastardan bólek, kópjaqty platformalarda da eki baýyrlas el únemi úılesimdilik pen yntymaqtastyqta áreket etedi. Túrki Keńesi, Islam yntymaqtastyq uıymy, Ekonomıkalyq yntymaqtastyq uıymy jáne Azııadaǵy qaýipsizdik pen turaqtylyqty kúsheıtýge arnalǵan mańyzdy platforma - AÓSShK sııaqty uıymdar aıasynda de tyǵyz baılanysta.