2020 jyly ınflıatsııa nysanaly deńgeıden asýy múmkin - Ulttyq bank

ASTANA. QazAqparat - 2020 jyly ınflıatsııanyń nysanaly deńgeıden asý qaýpi bar. Bul týraly búgin Almatyda qarjy sarapshylarymen kezekti kezdesý barysynda QR UB Zertteýler jáne statıstıka departamentiniń dırektory Vıtalıı Týtýshkın aıtty, dep habarlaıdy QazAqparat tilshisi.

Ulttyq bank baspasóz qyzmetiniń málimetinshe, V.Týtýshkın boljamdarǵa sáıkes 2019 jyly Qazaqstandaǵy jyldyq ınflıatsııa 4-6 paıyzdyq jańa nysanaly dálizde bolatynyn atap ótti. «2018 jylǵy qarasha-jeltoqsanda» ótken boljamdy raýndpen salystyrǵanda 2019 jyly ınflıatsııa traektorııasy tómendeý jaǵyna túzetilgenin aıtty. Bul turǵyn úı-kommýnaldyq qyzmetter tarıfteriniń tómendeýine baılanysty bolǵan.

«2020 jyly ınflıatsııa óziniń nysanaly deńgeıinen asyp ketýi múmkin. Birinshiden, retteletin qyzmetterdiń tarıfin tómendetýden ınflıatsııaǵa oń áser bolmaıdy dep boljanýda. Ekinshiden, eń tómengi jalaqyny arttyrý jáne qyzmetkerlerdiń tómen aqy tólenetin sanattary úshin JTS-ty tómendetý aıasynda tutynýshylyq suranystyń ósýi saqtalady. Sonymen qosa, álemdik azyq-túlik ınflıatsııasynyń serpini boljamdyq perspektıvada Qazaqstandaǵy azyq-túlik ınflıatsııasynyń ósýine áser etetin bolady», - dedi Qazaqstan Ulttyq bank ókili.