2020 jylǵy Paralımpıada oıyndarynda 537 medal jıyntyǵy sarapqa salynady

ASTANA. QazAqparat - Tokıoda 2020 jyly ótetin jazǵy Paralımpıada oıyndarynda bes júz otyz jeti medal jıyntyǵy sarapqa salynady. Mundaı sheshim Ábý-Dabıde (BAÁ) ótken Halyqaralyq paralımpıada komıteti (HPK) Atqarý komıtetiniń otyrysynda qabyldandy. Bul jaıly HPK-niń qoǵammen baılanys jónindegi dırektory Kreıg Spens TASS-qa habarlady.

Tokıodaǵy Paralımpıada 2020 jyldyń 26 tamyzy men 6 qyrkúıegi aralyǵynda ótedi.

«Tokıo Paralımpıadasynda 537 medal jıyntyǵy oınatylady. Bul Oıyndar tarıhyndaǵy marapattar sany jóninen ekinshi oryn. Rekord Sıdneıdegi Paralımpıadaǵa tıesili, onda 561 medal jıyntyǵy tartysqa salynǵan edi», - deıdi Spens.

2015 jyly HPK Paralımpıada baǵdarlamasyna badmınton men thekvondony engizgen bolatyn. Japon astanasynda jarystar sporttyń 22 túrinen ótedi, olar: badmınton, arbadaǵy basketbol, bochche, velosport, voleıbol, golbol, eskek esý, dzıýdo, kanoe, at sporty, jeńi atletıka, ústel tennısi, júzý, arbadaǵy regbı, sadaq atý, paýerlıftıng, oq atý, arbadaǵy tennıs, trıatlon, thekvondo, arbada qylyshtasý, 5h5 formatyndaǵy fýtbol.