2020 jylǵa qaraı Qazaqstanda kópdeńgeıli zeınetaqy júıesi qurylady - Dúısenova
«1998 jyldan beri júrgizilip kele jatqan ózgeristerimiz tujyrymdamalyq, qurylymdyq ózgerister sanalady. Buryn zenıtaqyny tek memleket tólep kelgen bolsa, endi qurylymdyq ózgeriske sáıkes zeınataqyny tóleý úshin úsh sýbekt jaýapty bolady: memleket, jumys berýshi jáne jumysshy. Bul rette ár azamat óziniń jaýapkershiligin bilýi tıis. Zeınetke shyǵý úshin qajetti jarna tólep otyrýy qajet»,- dedi mınıstr.
Onyń atap ótýinshe, memleket óz tarabynan barlyq zeınetaqy tólemderin tólep keledi jáne onyń kólemin arttyrý máselesin de qolǵa alýda.
«Biz bárimiz jumysshy retinde jalaqymyzdan 10 paıyzdyq jarnamyzdy tólep kelemiz. Endi bizdiń zeınetaqy qorymyzǵa úshinshi sýbekt tólem jasaıdy. Qazirgi ýaqytqa deıin jumys berýshi qyzmetkerine zeınetaqy jarnasyn tólep kele jatqan joq. Biz ózimizdiń eńbekaqymyzdan 10 paıyz tólep kelemiz. Endi ózgeristerge sáıkes 2020 jyldan bastap jumys berýshi óziniń qarajaty esebinen qosymsha 5 paıyz tóleıtin bolady. Mine osy úsh sýbektiden turatyn kópdeńgeıli zeınatqy júıesin biz 2020 jylǵa qaraı tolyq túzip bitýmiz kerek»,- dedi Tamara Dúısenova.
Aıta keteıik, Eńbek mınıstri búgin 2018 jyldyń 1 shildesinen zeınetkerlikke shyǵatyn áıelderdiń zeınetaqysy 2 esege ulǵaıtylatyndyǵyn aıtqan bolatyn.