2018 jyly óndiriletin ýran kólemi belgili boldy
«Bizdiń barlyq kompanııalardyń jer qoınaýyn paıdalaný týraly kelisimsharttary bar. Olar sonyń negizinde ýran óndirý boıynsha qyzmetterin júrgizedi. Atalǵan kelisimsharttarda jyldyq óndirý kólemi kórsetilgen. Onyń jyldan jylǵa aıyrmashylyǵy bolýy múmkin. Eger Qazaqstandaǵy barlyq kompanııalar kelesi jyly kelisimshart mindettemlerine sáıkes ýran óndiretin bolsa, onda onyń kólemi 27 myń tonnadan asyp jyǵylar edi. Al biz 2018 jyly shamamen 23 myń tonna óndirmekpiz», - dedi kompanııa basshysy BAQ ókilderiniń saýalyna oraı.
Onyń sózine qaraǵanda, 2016 jyly elimizde 24600 tonna ýran óndirilse, aǵymdaǵy jyldyń qorytyndysynda onyń kólemi 23 myń tonna mólsherinde bolady. Sonymen qatar ol aldaǵy ýaqyttaǵy ýran baǵasyna qatysty oıymen de bólisti.
«Qazirgi ýaqytta 1 fýnty 25 dollar tóńireginde. Ol naryqtaǵy ýrandy satyp alatyn energetıkalyq kompanııalar men óndirýshilerdi qosa alǵandaǵy negizgi oıynshylarǵa baılanysty. Degemen, qysqa merzimdi keleshekke úlken úmitpen qarap otyrmyz, ónimimizge suranys bolaryna senim bar», - dedi Ǵalymjan Pirimbetov.
Buǵan deıin habarlaǵanymyzdaı , «Qazatomónerkásip» kompanııasy 2018 jyldyń qańtar aıynan bastap 3 jylǵa jer qoınaýyn paıdalaný kelisimsharttary boıynsha josparlanǵan óndiris aýqymyn 20 paıyzǵa azaıtýdy kózdep otyr. Bul shara kompanııanyń tutynýshylar aldyndaǵy mindettemelerine keri áser etpeıdi.
