2018 jyly apattar kezinde shuǵyl shaqyrý júıesi iske qosylady

ASTANA. QazAqparat - Aldaǵy jyly Qazaqstanda Avarııalar men apattar kezinde shuǵyl shaqyrý júıesi iske qosylady. Bul týraly Parlament Májilisindegi Úkimet saǵatynda QR Qorǵanys jáne aeroǵarysh ónerkásibi mınıstri Beıbit Atamqulov málim etti, dep habarlaıdy QazAqparat.

«Avarııalar men apattar kezinde shuǵyl shaqyrý júıesi (AAShSh) jol-kólik oqıǵasy nemese basqa da tótenshe jaǵdaı týraly qutqarý qyzmetterin aqparattandyrý ýaqytyn qysqartý úshin arnalǵan. Osy júıeniń arqasynda zardap shegýshilerge alǵashqy kómek «altyn ýaqyt» aralyǵynda kórsetiledi. Bul óz kezeginde joldarda ólim-jitimdi aıtarlyqtaı azaıtýǵa múmkindik beredi. Joba boıynsha AAShSh júıesiniń málimetterdi óńdeý ortalyqtary úshin baǵdarlamalyq qamtamasyz etý ázirlendi»,-dedi mınıstr.

Onyń sózine qaraǵanda, barlyq óńirlerdegi tótenshe jaǵdaılar depýrtamentterinde júıe operatorlaryna avtomattandyrylǵan jumys oryndary jasaqtaldy.

« Qazaqstannyń Keden odaǵy aıasynda mindettemelerimen kórsetilgendeı, júıe qanatqaqty rejimde 2017 jyldyń 1 qańtarynan bastap qyzmet etýde. Avarııalar men apattar kezinde shuǵyl shaqyrý júıesin qurý sharalary jalǵasýda jáne bul baǵyttaǵy jumystar aldaǵy jyly aıaqtalady»,-dep túıindedi sózin Atamqulov.