2018 jyldyń basty ǵylymı jetistikteri ataldy
Ǵylymı jetistikter qatarynda Grenlandııada asteroıdtyń qulaýynan paıda bolǵan kraterdiń tabylýy bar. Bul kraterdiń úlkendigi sonshalyq, onyń aýmaǵyna Vashıngton qalasy, Kolýmbııa okrýgi syıyp keter edi. Kraterdiń dıametri 31 shaqyrym. Ol ǵalamshardaǵy 25 alyp kraterdiń qataryna kiredi. Ǵalymdar soqtyǵystyń qashan bolǵanyn ázirge anyqtaı almaı otyr. Olardyń baǵalaýy boıynsha, krater 11,7 myń - 2,6 mıllıon jyl buryn aralyqta paıda bolýy múmkin.
50 myń jyl buryn ómir súrgen áıeldiń DNQ-sy anyqtaldy. DNQ arqyly joıylyp ketken ejelgi adamdardyń eki tobynyń arasyndaǵy baılanys dáleldengen. 2012 jyly Sibirden tabylǵan áıeldiń súıeginiń DNQ-sy onyń anasynyń neandertaldyqqa, al ákesiniń Denısov úńgirinen tabylǵan «Altaı» adamyna jatatynyn kórsetti.
Sondaı-aq Rıbonkýleın qyshqylyn sekvenırleýdiń (molekýlanyń alǵashqy qurylymyn anyqtaý) jańa ádisi ǵylymı jetistikter qataryna jatqyzyldy. Protsesti jasýshalyq deńgeıde qadaǵalap otyrýǵa bolady. Bolashaqta tehnologııa jeke embrıon jasýshalarynyń damýyn baqylap otyrýǵa múmkindik beredi.
40 jyl buryn bolǵan birqatar adam óliminiń ashylýy. Bıylǵy sáýir aıynda polıtsııa 1970-1980 jyldary Kalıfornııada bolǵan zorlaý jáne adam óltirý faktileri boıynsha kúdiktilerdi tutqyndaǵanyn málimdedi. Polıtsııa qylmys bolǵan jerde tabylǵan DNQ derekterin júktep, qylmyskerlerdiń týystaryn anyqtaǵan. Osy ádistemeniń arqasynda 20-dan astam is áshkerelendi.