2017 jylǵy qysqy Ýnıversıada FISU tarıhyndaǵy eń úzdik oıyndar bolmaq - M.Avgýstın

ALMATY. QazAqparat - FISU-dyń Almatyǵa ınspektsııalyq sapary barysynda qysqy Ýnıversıadalar dırektory Mılan Avgýstın almaty2017.com saıtyna bergen subatynda, Ýnıversıadaǵa daıyndyq jumystary qarqyndy júrip jatqanyn jáne oıyndardy uıymdastyrý komıtetimen jemisti jumystar atqarylyp jatqanyn atap ótti.

«FISU-men uıymdastyrý komıtetiniń birlese uıymdastyrǵan bul jumys sapary barysynda biz, daıyn bolýy tıis kóptegen tapsyrmalar men qujattardy júzege asyrdyq. Biz uıymdastyrý komıtetimen FISU arasynda dıalog júrgizýdemiz. Ártúrli qujattarǵa túzetý engizýdemiz. Tek qana qujattarǵa ǵana emes, tájirıbelik kózqaras boıynsha uıymdastyrý komıtetiniń ne isteý kerektigi jaıynda da ózgerister qamtylady», - dep atap ótti Mılan Avgýstın.

Sondaı-aq, FISU-dyń qysqy Ýnıversıada dırektory, 2017 jylǵy qysqy Ýnıversıadaǵa qatysýǵa ótinish bildirgen 60-tan astam memleket, uıymdastyrý komıtetine rıza bolatynyn atap ótti.

«Qazaqstan álem halqyna tek bıznesten emes, sporttyq jetistikterimen de jaqsy tanys. Bul jerde Olımpıada jeńimpazdary men júldegerleri jetkilikti. Meniń oıymsha, Qazaqstan Ýnıversıadany óz deńgeıinde, sátti ótkizedi. FISU tarıhynda, Almaty Ýnıversıadasy eń sátti ári ozyq bolady dep senemiz», - dedi qysqy Ýnıversıadalar dırektory Mılan Avgýstın.

Aıta ketý kerek, bul kúnderi Almatyda FISU delegatsııasynyń ınspektsııalyq sapary ótýde. Olar sapary barysynda, Almatynyń Ýnıversıadaǵa daıyndyǵyn baqylap, 2017 jylǵy qysqy Ýnıversıada dırektsııasynyń qyzmetkerlerimen kezdesýder ótkizýde.