2017-Ýnıversıadada sporttyń qaı túrine bıletter satylyp ketti

ASTANA. QazAqparat - Almatyda 28-shi Dúnıejúzilik qysqy Ýnıversıadaǵa daıyndyq jáne ony ótkizý dırektsııasynyń ókilderi jarysqa bıletterdiń qalaı satylyp jatqany týraly aıtty. 2017 jylǵy 13 qańtarda satylǵan bıletter sany 71 220-ny quraıdy, dep habarlady Ýnıversıadanyń resmı saıty.

Qazaqstandyq kórermender men qonaqtar arasynda kósh bastaǵan úshtikke erler arasyndaǵa hokkeı jarysy, short-trek, mánerlep syrǵanaý sport túrleri kiredi.

Búginde erler arasyndaǵy shaıbaly hokkeı boıynsha jartylaı fınal men fınalǵa 80 paıyzdan astam bıletter satylyp ketti. «Pleı off» pen toptyq matchtarǵa da bıletter belsendi satylýda.

Statıstıka jankúıerler erler men áıelderdiń mánerlep syrǵanaý jarysyna bılettiń 60 paıyzdan astamyn satyp alǵanyn kórsetti.
Dırktsııa ókilderiniń málimetterinshe, kórermender short-trek jarysyna úlken qyzyǵýshylyq tanytýda, oǵan bılettiń 70 paıyzy satylyp ketken.

«Bul mýltısporttyq jobaǵa bılet satýdyń ózi - qyzyqty is, elde alǵash ret naqty ýaqyt rejiminde biryńǵaı bılet júıesinde 8 nysanda ótetin 117 jarysqa bılet satylýda. Biryńǵaı bazaǵa qoljetimdilikpen bir ýaqytta onlaın, kassa arqyly satýmen jáne júlde utysymen, sondaı-aq bılet nómiri arqyly fınalda eki bólmeli páter utý múmkindigimen birden alty operator jumys istep jatyr», - dep atap ótti jarystyń departament basshysy Vadım Dergachev.

Sondaı-aq www.almaty2017.com, www.fisuticket.com, www.kassir.kz resmı saıttarynda satylǵan bıletterdi qaıtarý rásimi ázirlendi. Qarajatty qaıtarý nusqaýyn alý úshin uıymdastyrýshylar saıttardy tehnıkalyq qoldaý qyzmetine júginýdi suraıdy, Ýnıversıadanyń www.kassir.kz saıtynan bılet satyp alǵan kórermender de qosymsha aqparatty + 727 346-6-346 telefonynan ala alady.