2016 jylǵy 1 qańtarǵa deıin taǵaıyndalǵan eńbek sińirgen jyldary úshin zeınetaqy tólemderin qaıta esepteý qaǵıdalary bekitildi
QazAqparat qujat mátinin taratady.
Qazaqstan Respýblıkasy Úkimetiniń Qaýlysy №940
2015 jylǵy 24 qarasha, Astana, Úkimet Úıi
2016 jylǵy 1 qańtarǵa deıin tolyq emes kólemde taǵaıyndalǵan eńbek sińirgen jyldary úshin zeınetaqy tólemderin tolyq kólemge deıin jetkizý eskerile otyryp, qaıta esepteý qaǵıdalaryn bekitý týraly
Qazaqstan Respýblıkasynyń Úkimeti qaýly etedi:
1. Qosa berilip otyrǵan 2016 jylǵy 1 qańtarǵa deıin tolyq emes kólemde taǵaıyndalǵan eńbek sińirgen jyldary úshin zeınetaqy tólemderin tolyq kólemge deıin jetkizý eskerile otyryp, qaıta esepteý qaǵıdalary bekitilsin.
2. Osy qaýly 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSІMOV.
Qazaqstan Respýblıkasy Úkimetiniń 2015 jylǵy 24 qarashadaǵy №940 qaýlysymen bekitilgen 2016 jylǵy 1 qańtarǵa deıin tolyq emes kólemde taǵaıyndalǵan eńbek sińirgen jyldary úshin zeınetaqy tólemderin tolyq kólemge deıin jetkizý eskerile otyryp, qaıta esepteý qaǵıdalary
1. Jalpy erejeler
1. Osy 2016 jylǵy 1 qańtarǵa deıin tolyq emes kólemde taǵaıyndalǵan eńbek sińirgen jyldary úshin zeınetaqy tólemderin tolyq kólemge deıin jetkizý eskerile otyryp, qaıta esepteý qaǵıdalary (budan ári - Qaǵıdalar) «Qazaqstan Respýblıkasynda zeınetaqymen qamsyzdandyrý týraly» 2013 jylǵy 21 maýsymdaǵy Qazaqstan Respýblıkasynyń Zańy (budan ári - Zań) 73-babynyń 12-tarmaǵyna sáıkes ázirlendi jáne 2016 jylǵy 1 qańtarǵa deıin tolyq emes kólemde taǵaıyndalǵan eńbek sińirgen jyldary úshin zeınetaqy tólemderiniń mólsherin tolyq kólemge deıin jetkizý eskerile otyryp, birjolǵy qaıta esepteý júrgizý tártibin aıqyndaıdy.
2. 2016 jylǵy 1 qańtarǵa deıin tolyq emes kólemde taǵaıyndalǵan eńbek sińirgen jyldary úshin zeınetaqy tólemderi (budan ári - zeınetaqy tólemderi) bıýdjet qarajaty esebinen aýdarylǵan mindetti zeınetaqy jarnalary somasynyń 50 paıyzy qaıtarylǵanda olardy tolyq kólemge deıin jetkizý eskerile otyryp, qaıta esepteledi.
3. 2016 jylǵy 1 qańtarǵa deıin áskerı qyzmetshiler (merzimdi qyzmettegi áskerı qyzmetshilerden basqa), arnaýly memlekettik jáne quqyq qorǵaý organdarynyń, memlekettik feldegerlik qyzmettiń qyzmetkerleri, sondaı-aq arnaýly ataqtarǵa, synyptyq shenderge ıe bolý jáne nysandy kıim kıip júrý quqyqtary 2012 jylǵy 1 qańtardan bastap joıylǵan adamdar zeınetaqy annýıteti shartyn jasasqan jaǵdaıda, jeke zeınetaqy shotynda qalǵan, bıýdjet qarajaty esebinen qalyptastyrylǵan mindetti zeınetaqy jarnalarynyń somasy qaıtarylýǵa jatady.
2. Eńbek sińirgen jyldary úshin zeınetaqy tólemderin qaıta esepteý tártibi
4. Áskerı qyzmetshiler, arnaýly memlekettik jáne quqyq qorǵaý organdarynyń, memlekettik feldegerlik qyzmettiń qyzmetkerleri, sondaı-aq arnaýly ataqtarǵa, synyptyq shenderge ıe bolý jáne nysandy kıim kıip júrý quqyqtary 2012 jylǵy 1 qańtardan bastap joıylǵan adamdar qatarynan eńbek sińirgen jyldary úshin zeınetaqy tólemderin tolyq emes kólemde alýshylarǵa (budan ári - alýshylar) eńbek sińirgen jyldary úshin zeınetaqy tólemderiniń mólsherin qaıta esepteýdi «Áskerı qyzmetshilerge, arnaýly memlekettik jáne quqyq qorǵaý organdarynyń, memlekettik feldegerlik qyzmet qyzmetkerlerine, sondaı-aq arnaýly ataqtar, synyptyq shender alý jáne nysandy kıim kıip júrý quqyqtary 2012 jylǵy 1 qańtardan bastap joıylǵan adamdarǵa zeınetaqy tólemderin taǵaıyndaý jáne olardy júzege asyrý qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 31 jeltoqsandaǵy №1500 qaýlysynda (budan ári - Eńbek sińirgen jyldary úshin zeınetaqy tólemderin taǵaıyndaý qaǵıdalary) aıqyndalǵan eńbek sińirgen jyldary úshin zeınetaqy tólemderin taǵaıyndaý jónindegi tıisti ýákiletti memlekettik organdar júzege asyrady.
5. Zeınetaqy tólemderiniń mólsheri alýshynyń qyzmetten bosatylǵan (jeke quramnyń tiziminen alyp tastalǵan) kúngi eńbek sińirgen jyldary, eńbek ótili, aqshalaı qamtylýy eskerile otyryp, zeınetkerlik isinde bar qujattar boıynsha Zańnyń 65-babyna sáıkes qaıta esepteledi.
6. Qaıta eseptelgen zeınetaqy tólemderiniń mólsheri Zańnyń 4-babynyń 4-tarmaǵyn eskere otyryp, zeınetaqy tólemderi tolyq emes kólemde alǵan barlyq kezeń úshin ındeksteý eskerile otyryp arttyrylady.
7. Zeınetaqy tólemderiniń qaıta eseptelgen mólsheri: 1) 2016 jylǵy 1 qańtardaǵy jaǵdaı boıynsha zeınetkerlik isiniń derekteri boıynsha zeınetaqy tólemderiniń mólsherinen tómen bolmaýǵa tıis. Eger osy Qaǵıdalardyń sharttarymen qaıta eseptelgen zeınetaqy tólemderiniń mólsheri 2016 jylǵy 1 qańtardan bastap tólenetin zeınetaqy tólemderiniń mólsherinen tómen bolsa, onda 2016 jylǵy 1 qańtardaǵy jaǵdaı boıynsha zeınetaqy tólemderiniń mólsheri saqtalady; 2) respýblıkalyq bıýdjet týraly zańda tıisti qarjy jylyna belgilengen 109 eselengen aılyq eseptik kórsetkishten artyq bolmaýǵa tıis.
8. Zeınetaqy tólemderiniń mólsherin qaıta esepteý Biryńǵaı jınaqtaýshy zeınetaqy qorynan áskerı qyzmetshilerdiń (merzimdi qyzmettegi áskerı qyzmetshilerden basqa), arnaýly memlekettik jáne quqyq qorǵaý organdary, memlekettik feldegerlik qyzmet qyzmetkerleriniń, sondaı-aq arnaýly ataqtar, synyptyq shender alý jáne nysandy kıim kıip júrý quqyqtary 2012 jylǵy 1 qańtardan bastap joıylǵan adamdardyń paıdasyna 2016 jylǵy 1 qańtarǵa deıin bıýdjet qarajaty esebinen aýdarylǵan mindetti zeınetaqy jarnalary somasynyń 50 paıyzyn jeke zeınetaqy shotynan esepten shyǵarý týraly rastaý-anyqtama (budan ári - anyqtama) alynǵannan keıin 2016 jylǵy 1 qańtardan bastap júzege asyrylady.
9. Zeınetaqy tólemderin taǵaıyndaý jónindegi ýákiletti memlekettik organdar anyqtamany alǵan kúnnen bastap úsh jumys kúni ishinde «Zeınetaqy tóleý jónindegi memlekettik ortalyq» respýblıkalyq memlekettik qazynalyq kásipornynyń fılıaldaryna Eńbek sińirgen jyldary úshin zeınetaqy tólemderin taǵaıyndaý qaǵıdalaryna 3-qosymshaǵa sáıkes 1-VS-nysany boıynsha 2016 jylǵy 1 qańtardan bastap eńbek sińirgen jyldary úshin zeınetaqy tólemderi mólsheriniń ózgergeni týraly zeınetkerlik isten úzindi kóshirme beredi.