2014 jyly Astanada 11 myńǵa jýyq jas otbasy shańyraq kóterdi
ASTANA. QazAqparat - Ótken jyly elordada 11 myńǵa jýyq jas otbasy shańyraq kóterdi, dep habarlady astana.gov.kz.
Nekesin qıǵan qyzdardyń ortasha jasy - 18-25, erlerdiń jasy - 24-33. Elordalyq Ádilet departamentiniń AHAT bóliminiń habarlaýynsha, Astanada osy kórsetkishtiń ósiminiń oń dınamıkasy baıqalady. 2013 jyly 9924 jup shańyraq kóterse, 2014 jyly bul kórsetkish 10996 qurady, dep habarlaıdy vechastana.kz. Qazirgi kezde jas otbasylardyń arasynda nekege otyrýǵa elektrondy túrde ótinish berý jaǵdaılary artyp otyr. Bul kórsetkish 310-nan 993 deıin úsh esege ulǵaıdy.
Aıta keteıik, atalǵan kezeńde Astanada 3372 jup ajyrasqan.
- Astana qalasynyń AHAT bólimderi otbasy mártebesin arttyrýǵa jáne bazalyq otbasylyq qundylyqtardy nassıhattaýǵa baǵyttalǵan jumystardy turaqty júrgizedi, - deıdi Ádilet departamentiniń AHAT bóliminiń basshysy Gúlnar Saǵyndyqova.
- Toqsan saıyn Otbasylyq tárbıe ınstıtýtymen birge jastarǵa jáne nekege otyratyn azamattarǵa arnalǵan «dóńgelek ústelder», trenıngter ótkizilip, otbasylyq qarym-qatynas psıhologııasy, bala tárbıeleý jáne t.b. máseleler talqylanady. Sonymen qatar, «Medıatsııany damytý ortalyǵy assotsıatsııasy» QB daǵdarystardy sheshýdiń balama joly retinde medıatsııany damytý salasynda yntymaqtastyq ornatý týraly memorandým jasaldy.
