2014 jyldyń 1 jartyjyldyǵynda 4 myńnan astam sot sheshimderi joıyldy jáne ózgertildi

ASTANA. QazAqparat - 2014 jyldyń 1 jartyjyldyǵynda 4 myńnan astam sot sheshimderi joıyldy jáne ózgertildi. Bul týraly búgin respýblıka sottarynyń 2014 jyldyń 1-shi jartyjyldyǵyndaǵy jumystarynyń qorytyndysyna arnalǵan keńeıtilgen jıynda QR Joǵarǵy soty Azamattyq jáne ákimshilik ister jónindegi qadaǵalaý alqasynyń tóraǵasy Elıs Ábdiqadyrov málim etti.

«2014 jyldyń 6 aıy ishinde 195790 ákimshilik is qaralyp sheship shyǵaryldy, onyń 46702-si syrttaı qaraldy»,- dedi ol.

E.Ábdiqadyrovtyń atap ótýinshe, qarastyrylyp otyrǵan merzimde 4743 daý taraptardyń beıbit kelisimge kelýi sebepti toqtatylǵan.

«Sot medıatsııasy tártibimen 359 daý aıaqtaldy. Jalpy respýblıka sottary 297294 isti bitirdi. 4159 sheshim appelıatsııalyq baqylaý tártibimen joıyldy jáne ózgertildi», - dedi E.Ábidqadyrov.