2014-2015 jyldary qazaqstandyqtar Reseıden 3 mlrd. teńgege avtokólik satyp aldy

ASTANA. QazAqparat - Reseı rýbli baǵamynyń kúrt tómendeýinen qazaqstandyq avtokólik óndirisi edáýir japa shekti. Bul týraly búgin Ortalyq saılaý kommýnıkatsııalar qyzmetinde ótken baspasóz máslıxatynda "QazAvtoÓnerkásip" ZTB dırektorlar keńesiniń tóraǵasy Dáýlet Baqbergen málim etti.

"Importqa keletin bolsaq, bul qazirgi ýaqytta salalyq deńgeıden shyǵyp ketken másele. Byltyr jáne bıyl qazaqstandyqtar syrttan 3 mlrd. teńgege avtokólik satyp aldy. Teńge-dollar baǵamynyń qysymyn aıtyp otyrmyz. Osynyń barlyǵy salaǵa qatty áser etti", - deıdi ol.

Onyń aıtýynsha, rýbldiń qunsyzdanýy jáne qazaqstandyqtardyń Reseıden kólikterdi jantalasa satyp alýy, otandyq kólik óndirisine qatty nuqsan keltirdi.

"Bizdiń kólikterdiń ótýi týraly. Sizder bilesizder, bizde 50 paıyz lokalızatsııa joq. Biraq 30 paıyzdyq lokalızatsııa bar. Biz endi osy qysymdy tómendete bermekpiz. Sondyqtan naryqty qorǵaý bizdiń múddemizge saı keledi. Ol óz kezeginde Ulttyq banktiń jáne Úkimettiń AQSh dollaryna táýeldilikti tómendetý baǵytyndaǵy jumysyna kómekteser edi", - dep atap ótti ol.